குமரியில் முளைத்த முதல் வித்து.. சுயம்புன்னு சொல்வாங்களே.. அது சாட்சாத் சீமான்தான்!

கன்னியாகுமரியில் நாம் தமிழர் கட்சி வெற்றி பெற்றுள்ளது

Updated: Friday, January 3, 2020, 14:29 [IST]

Subscribe to Oneindia Tamil

அரசியல் களம்

ஆனால் 10 வருடமாக உள்ள ஒரு கட்சி ஒரே ஒரு கவுன்சிலர் மட்டுமே வெற்றி பெற்றுள்ளதை பெரும் பின்னடைவாகவே அரசியல் களத்தில் பார்க்க தொடங்கி உள்ளனர்.. இது விமர்சிக்கப்பட்டும் வருகிறது.. மக்கள் மத்தியில் இந்த கட்சி வரவேற்பை பெறவில்லை என்றும் சொல்ல தொடங்கி உள்ளனர்.. ஆனால் இந்த வெற்றியை நாம் இந்த கண்ணோட்டத்தில் மட்டும் பார்த்துவிட முடியாது!

பிடிமானம்

எந்த தேர்தலாக இருந்தாலும் சரி.. அதிமுக, திமுக என்ற ஜாம்பவான் கட்சிகளுக்கு நடுவில் நுழைந்து தில்லாக போட்டியில் குதிக்கும் தில் கட்சிதான் நாம் தமிழர் கட்சி. "என் மக்களை நம்பி என் கருத்தியலை நான் விதைக்கிறேன்.. முளைத்தால் மரம்.. இல்லையேல் மண்ணுக்கு உரம்" என்பதுதான் சீமானின் ஆரம்பம் முதல் இப்போது வரை உள்ள பிடிமானம்!

#சிவகங்கை மாவட்டம்-#காரைக்குடி சட்டமன்ற தொகுதி#நாம்தமிழர்கட்சி #சாக்கோட்டை கிழக்கு ஒன்றிய செயலாளர் *கருப்பு (எ) #கருப்பையா* அவர்கள்,#சிருகப்பட்டி ஊராட்சி மன்றத் தலைவராக வெற்றி பெற்றுள்ளார்" என்பதை மகிழ்ச்சியுடன் தெரிவித்துக்கொள்கிறோம்..!#நாம்தமிழர்கட்சி pic.twitter.com/CaDAbgFPle
— சீமான் கார்த்திக்ᴺᵀᴷ (@NaamTamilar_) January 3, 2020

பாதை

ஒவ்வொரு கேள்விகளையும், ஒவ்வொரு பிரச்சினையையும் ஆழமாக வேரூன்றியே யோசிக்கும் சீமான்.. தன்னுடைய பிரச்சாரங்களிலும் இதனை காட்டமாகவே எடுத்து வைத்து வருகிறார்.. தனக்கென்று ஒரு பாதை வகுத்து கொண்டாலும், அதை சந்தர்ப்பவாதத்துக்கு ஒருநாளும் பயன்படுத்தியது இல்லை. "சீமான் நல்லாதான் பேசறாரு.. நாக்கை புடுங்கிக்கிற மாதிரி நல்லாதான் கேள்வி கேட்கிறாரு.. ஆனாலும் இவரை நம்பலாமா? நம்பப்படாதா?" என்று இவரை பற்றின ஒரு சந்தேகம் மக்களுக்கு இருந்து கொண்டே இருக்கிறது என்பதையும் மறுக்க முடியாதுதான்.

#அலங்கானூர் ஊராட்சி மன்ற தலைவர் தேர்தலில் வெற்றி பெற்றிருக்கும் #நாம்தமிழர்கட்சி #முதுகுளத்தூர் சட்டமன்ற தொகுதி செய்தி தொடர்பாளர் அண்ணன் #வினோத்குமார் அவர்களுக்கு புரட்சிகர வாழ்த்துகள்...! pic.twitter.com/qqnO6881Rm
— சீமான் கார்த்திக்ᴺᵀᴷ (@NaamTamilar_) January 3, 2020

பிரச்சாரங்கள்

ஆனால், "நாங்கள் உங்கள் வாக்குக்கானவர்கள் அல்ல, அடுத்த தலைமுறையினரின் வாழ்க்கைக்கானவர்கள்" என்பதை சீமான் தன்னுடைய கடைசி நேர பிரச்சாரங்களிலும் பதித்துவிட்டுத்தான் போனார். சீமானின் பிரச்சாரம் எப்போதுமே மிகப் பெரிய வீச்சை கொண்டிருக்கும். ஆளும்தரப்பு, எதிர் தரப்பு, என யாரையுமே விட்டு வைப்பதில்லை இவர்!

#நாம்தமிழர்கட்சியின் சார்பாக #தாராபுரம் ஊராட்சி ஒன்றியம் #நாதம்பாளையம் ஊராட்சி மன்ற
3 ம் பகுதிக்கு போட்டியிட்ட திரு #சரவணன் அவர்கள் வெற்றி...! pic.twitter.com/tQ1wLPmMO5
— சீமான் கார்த்திக்ᴺᵀᴷ (@NaamTamilar_) January 2, 2020

3-வது இடம்

மக்களை கவர்ந்தது மட்டுமல்ல, யோசிக்க வைக்க கூடியதும் சீமானின் பேச்சுக்கள்தான். திராவிட கட்சிகளே பலமுறை அரண்டு போயின சீமானின் பேச்சில்! பேச்சில் வீரியம், காரம் குறையாமல் அதேசமயம் நாக்கை பிடுங்கி கொள்வது போல கேள்விகள் கேட்டதுதான், சீமானை கடந்த எம்பி தேர்தலின் போது மட்டுமல்ல.. இந்த பஞ்சாயத்து தேர்தலிலும் 3-வது இடத்துக்கு அரசியலில் கொண்டு வந்து உயர்த்தி உள்ளது.

#கிருட்டிணகிரி தொகுதியில் #ஜிஞ்சுப்பள்ளி ஊராட்சி தலைவராக #நாம்_தமிழர் கட்சியின் #சுரேஷ்குமார் வெற்றி..!#உள்ளாட்சிதேர்தல் pic.twitter.com/UhZDoNc3OS
— சீமான் கார்த்திக்ᴺᵀᴷ (@NaamTamilar_) January 2, 2020

துணிச்சல்

அதிமுக, திமுகவின் பெரும் கூட்டத்தைக் கண்டு இவர்கள் மிரளவில்லை.. அவர்களின் பண பலத்தைக் கண்டு நடுங்கவில்லை.. வெறும் மக்களையும், தங்கள் கொள்கையையும் மட்டுமே நம்பி களம் கண்டு வருபவர்கள்.. இந்த துணிச்சல் பாப்புலர் அரசியல்வாதியான கமலுக்கு கூட இல்லை என்றுதான் சொல்ல வேண்டும்.

#வென்றான்விவசாயி...!#அய்யம்பாளையம் ஊராட்சி வார்டு உறுப்பினர் பதவிக்கு போட்டியிட்ட பழனி #நாம்தமிழர்கட்சி பொறுப்பாளர் #செல்வபாண்டியன் வெற்றிபெற்றுள்ளார்..! pic.twitter.com/KhYNnDkkap
— சீமான் கார்த்திக்ᴺᵀᴷ (@NaamTamilar_) January 2, 2020

அறிகுறி

மக்களுக்கும், மண்ணுக்கும், மரத்துக்கும், மலைக்கும் கூட போராடி கொண்டிருக்கும் சீமானின் விழுதுகள் இன்று பெருமளவு உருவாக தொடங்கிவிட்டனர்.. யாருமே சொல்லாமல், மக்கள் பிரச்சனைகளை இக்கட்சியினர் தாமாக முன்வந்து எடுத்து செய்வதால்தான், சீமான் மக்களிடம் எந்நேரமும் நெருங்கியே இருக்கிறார்... இதன் அறிகுறிதான் குமரியில் தென்பட துவங்கி உள்ளது!