மனசாட்சியுடன் பதில் சொல்லும் துணிச்சல் இருக்கிறதா?

நான் தமிழக அரசின் இணையதளத்தைப் பார்த்தேன். அதில் திரு ஒ. பன்னீர் செல்வம், முதல்வர் என்று குறிப்பிட்டிருந்தது. நீங்கள் இன்று வரை அப்படி நடந்து கொண்டதாக தெரியவில்லை.

ஆட்சியின் கடைசி வருடத்தில் அடி எடுத்து வைத்துள்ள உங்களது நிர்வாகம் இனிமேலாவது விழித்துக் கொள்ளுமா? மக்களின் தேவைகளை பூர்த்தி செய்ய இப்போதாவது முயற்சி செய்வீர்களா? தமிழ்நாட்டு மக்கள் நலனில் கொஞ்சமாவது அக்கறை காட்டுவீர்களா?

இந்த கடிதத்தை நிறைவு செய்யும் முன்பு இறுதியாக ஒரு கேள்வியை உங்களிடம் கேட்க ஆசைப்படுகிறேன். உங்களிடம் மட்டுமல்ல, அ.தி.மு.கவின் சட்டப்பேரவை உறுப்பினர்கள் ஒவ்வொருவரிடமும் கேட்க விரும்புகிறேன். உங்களது முதல் கடமை தமிழக மக்கள் நலனுக்காகப் பாடுபடுவதா? அல்லது நீதிமன்றத்தால் தண்டிக்கப்பட்டுள்ள உங்கள் கட்சி தலைவியின் நலனுக்காக மட்டும் பாடுபடுவதா? இந்த கேள்விக்கு மனச்சாட்சியை தொட்டு பதில் அளிக்கும் துணிச்சல் உங்களுக்கு உண்டா?" என்று எழுதியுள்ளார்.

English summary

DMK Treasurer M.K.Stalin wrote an open letter about state’s situation to Tamil Nadu chief minister O.Paneer Selvam.