நான் ஒரு பாரம்பரியமான மட சாமி... மதுரை ஆதீனம்!

Published: Tuesday, April 1, 2014, 15:39 [IST]

Subscribe to Oneindia Tamil

மதுரை: பாரம்பரியமிக்க மடத்தைச் சேர்ந்த நான், ஹெலிபேடு, கூட்டங்களில் முதல்வர் ஜெயலலிதாவை சந்திப்பது, சம்பிரதாயம் இல்லை. அதை, அவரும் விரும்பமாட்டார். அதனால்தான் நான் முதல்வர் ஜெயலலிதா பிரசாரத்திற்காக மதுரைக்கு வந்தபோது அங்கு போகவில்லை என்று மதுரை ஆதீனம் கூறியுள்ளார்.

மதுரை ஆதீனம் ஆன்மீகத்தோடு அரசியலையும் கலந்து கட்டி அடிப்பதில் வல்லவர். அவ்வப்போது அரசியல் கருத்துக்களிலும் புகுந்து புறப்பட்டு வருபவர்.

தற்போதைய லோக்சபா தேர்தலில் அவர் அதிமுகவுக்கு ஆதரவு தெரிவித்துள்ளார். இந்த நிலையில் நக்கீரனுக்கு அவர் அளிததுள்ள பேட்டி...

பிரச்சாரம் எப்படி இருக்கிறது?

என் பேச்சை கேட்கணும்னு, எல்லோரும் விருப்பமாக இருக்காங்க. நல்லா கூட்டம் கூடுது. நான் சொல்றதை கேட்கணும் என்ற உணர்வு, அவர்களுக்கு இருக்கு. ஆதரவு தருகின்றனர். சாதாரண மடாதிபதி இல்லை. பழமையான ஆதீன மடத்தைச் சேர்ந்த பீடாதிபதி வந்து பேசுறதை, அவர்கள் வரவேற்கிறாங்க.

மதுரை வந்த ஜெ.வை சந்திக்காதது ஏன்?

பாரம்பரியமிக்க மடத்தைச் சேர்ந்த நான், ஹெலிபேடு, கூட்டங்களில் ஜெ.,வை சந்திப்பது, சம்பிரதாயம் இல்லை. அதை, அவரும் விரும்பமாட்டார். அதனால் நான் போகவில்லை.