மனநலம் பாதித்தவர் மின்கோபுரத்தில் இருந்து குதிக்க முயற்சி - தீயணைப்புத்துறை அதிரடி மீட்பு: வீடியோ

மனநலம் பாதிக்கப்பட்ட ஒருவர் உயர் மின் கோபுரத்தில் ஏறிவிட்டு இறங்கத் தெரியாமல் தவித்தார். அவரை தீயணைப்புத் துறையினர் மீட்டனர்.

ராமநாதபுரம்: மனநலம் பாதிக்கப்பட்டவர் உயர் மின் கோபுரத்தில் ஏறி இறங்கத் தெரியாமல் குதிக்க முயன்றால் அங்கு பரபரப்பு ஏற்பட்டது.

ராமநாதபுரம் மாவட்டத்தில் பெயர் தெரியாத மனநலம் பாதிக்கப்பட்ட ஒருவர், அங்கிருந்த உயர் மின் கோபுரத்தில் சரசரவென ஏறிவிட்டார். ஏறியவருக்கு எப்படி இறங்க வேண்டும் என்பது தெரியவில்லை. டவரின் உச்சியில் இருந்து குதிக்க முயற்சி செய்த அவருக்கு கீழே நின்றிருந்த ஒருவர் விரும்பினார்.

இதனால், அவரும் சரசரவென உயர் மின் கோபுரத்தில் ஏறினார். என்றாலும் மனநலம் பாதிக்கப்பட்டவரை அழைத்துக் கொண்டு எப்படி கீழே இறங்குவது என்று அவருக்கும் தெரியவில்லை. இதனால் இரண்டு பேரும் டவரின் உச்சியில் நின்று கொண்டு தவித்து வந்தனர்.

இதனையடுத்து, தீயணைப்பு துறையினருக்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த தீயணைப்புத் துறையினர் மளமளவென டவரில் ஒருவர் பின் ஒருவராக ஏறினார்கள். பின்னர், மனநலம் பாதிக்கப்பட்டவரையும், அவரைக் காப்பாற்றச் சென்ற மற்றொருவரையும் கீழே இறக்கினார்கள்.

இந்த மீட்புக் காட்சிகள் சினிமாக் காட்சிகள் போல் பரபரப்பாக இருந்ததால், அந்தப் பகுதி மக்கள் பதற்றத்துடன் பார்த்துக் கொண்டிருந்தனர். இருவரும் மீட்கப்பட்ட பின்னரே அனைவரும் நிம்மதி பெருமூச்சிவிட்டனர்.

English summary

A mentally challenged man climbed a high power tower in Ramanathapuram. Fire department rescued him.