பிரதமர் போகாதது இலங்கைக்கு 'ஷாக்'தான்.. ஜி.கே.வாசன்

சென்னை: காமன்வெல்த் மாநாட்டுக்கு பிரதமர் மன்மோகன் சிங் போகாமல் இருப்பதால் இலங்கை அரசுக்கு நிச்சயம் அதிர்ச்சியாகத்தான் இருக்கும் என்று மத்திய அமைச்சர் ஜி.கே.வாசன் கூறியுள்ளார்.

ஜப்பான் போயிருந்த ஜி.கே.வாசன் நேற்று சென்னை திரும்பினார். பின்னர் செய்தியாளர்களிடம் அவர் பேசுகையில்,

இலங்கையில் நடைபெறும் காமன்வெல்த் மாநாட்டில் பிரதமர் மன்மோகன் சிங் பங்கேற்க மாட்டார் என்று அறிவித்திருப்பது வரவேற்கத்தக்கது. இந்தியாவின் இந்த நிலைப்பாடு இலங்கைக்கு அதிர்ச்சியை ஏற்படுத்தும்.

இந்தியாவில் உள்ள துறைமுகங்களை மேம்படுத்த ஜப்பானிடம் நிதி உதவி கேட்க சுற்றுப்பயணம் மேற்கொண்டேன். இங்குள்ள துறைமுகங்களை மேம்படுத்த ஜப்பான் தயாராக உள்ளது. அதிலும் குறிப்பாக தூத்துக்குடி துறைமுகத்தை நவீனப்படுத்த ஜப்பான் நாடு நிதி உதவிக்கு ஒப்புதல் அளித்துள்ளது என்றார்.

English summary

PM Manmohan SIngh's decision has sent shock waves to SL, said union minister of state G K Vasan.