சிறுதாவூர் பங்களாவில் பணம் பதுக்கியதாகப் பேசிய வைகோ... அதிமுக புகார்.. வழக்குப் பதிவு!

சென்னை: தமி்ழக முதல்வர் ஜெயலலிதாவுக்குச் சொந்தமான சிறுதாவூர் பங்களாவில் கோடிக்கணக்கான பணம் பதுக்கி வைக்கப்பட்டுள்ளதாகக் கூறிய மக்கள் நலக் கூட்டணியின் ஒருங்கிணைப்பாளரும், மதிமுகவின் பொதுச்செயலாளருமான வைகோ மீது வழக்குப் பதிவு செய்யப்பட்டுள்ளது.

சாத்தூர், நெல்லையில் நடைபெற்ற தேர்தல் பிரச்சார பொதுக்கூட்டங்களில் பேசிய வைகோ, முதல்வர் ஜெயலலிதா அடிக்கடி தங்குகின்ற சிறுதாவூர் பங்களாவிற்கு மிகப் பெரிய கண்டெய்னர் ஒன்று லாரியில் எடுத்துச் செல்லப்பட்டதாக கூறினார். அதில் நம்பத் தகுந்த வட்டாரங்களில் இருந்து கிடைத்த தகவலின் அடிப்படையில் ரூ.1000 மற்றும் ரூ. 500 அடங்கிய நோட்டுக் கட்டுகள் பல ஆயிரம் கோடி ரூபாய் மதிப்புக்கு அந்தக் கண்டெய்னரில் கொண்டு செல்லப்பட்டுள்ளது என்று குற்றம் சாட்டினார்.

தார்பாலின் உறையைப் போட்டு மூடிய நிலையில் பத்து லாரிகள் 28ஆம் தேதி காலை சிறுதாவூர் பங்களாவுக்குள் சென்றதாகவும், லஞ்ச ஊழலில் சேர்க்கப்பட்ட பல ஆயிரம் கோடி ரூபாய் ஜெயலலிதாவின் சிறுதாவூர் பங்களாவுக்கு கொண்டுசெல்லப்பட்டுள்ளதாக தனக்குக் கிடைத்த தகவலின் அடிப்படையில் உறுதியாக நம்புவதாக குற்றம் சாட்டிய வைகோ, இது குறித்து தேர்தல் ஆணையத்திற்கும் கடிதம் எழுதினார்.

உறுதி செய்யப்படாத தகவலின் அடிப்படையில் சிறுதாவூர் பங்களா வளாகத்திற்குள்ளாக மூடி மறைக்கப்பட்ட நிலவறைகள் அமைக்கப்பட்டு உள்ளதாகவும், அதில் சட்ட விரோதமாக லஞ்ச லாவண்யத்தில் பெற்ற பணம் பதுக்கப்பட்டு, மறைக்கப்பட்டு உள்ளதாகவும் தெரிய வருவதால், சிறுதாவூர் பங்களாவில் தீவிர சோதனை மேற்கொள்ள வேண்டும் எனவும் தேர்தல் ஆணையத்திற்கு எழுதிய கடிதத்தில் குறிப்பிட்டார்.

இந்நிலையில் காஞ்சிபுரம் மாவட்ட அ.தி.மு.க. செயலர் சிட்லபாக்கம் ராஜேந்திரன், வைகோ மீது போலீசில் புகார் கூறினார். புகாரின் அடிப்படையில் திருப்போரூர் போலீசார் வைகோ மீது 2 பிரிவுகளில் வழக்குப்பதிவு செய்துள்ளனர்.

English summary

Tiruporur police case files against Peoples Welfare Front coordinator Vaiko. He has alleged that the Tamil Nadu CM and AIADMK leader J Jayalalithaa has Rs 2000 crore money was stashed in a bungalow at Siruthavur in Kanchipuram district.