• search
For Quick Alerts
ALLOW NOTIFICATIONS  
For Daily Alerts

தமிழக வாழ்வுரிமைக் கட்சியினர் மீது தடியடி... இன்ஸ்பெக்டர் மீது நடவடிக்கை கோரும் வேல்முருகன்

|

சென்னை: நெல்லை கங்கைகொண்டான் சிப்காட் வளாகத்தில் குளிர்பான ஆலைகள் வெளியேறக் கோரி அமைதி வழியில் போராடிய தமிழக வாழ்வுரிமைக் கட்சியினர் மீது காட்டுமிராண்டித்தனமாக தடியடி நடத்திய இன்ஸ்பெக்டர் சிவமுருகன் மீது நடவடிக்கை எடுக்க வேண்டும் என அக்கட்சித் தலைவர் வேல்முருகன் வலியுறுத்தியுள்ளார்.

நெல்லை அருகே கோககோலா, பெப்சி குளிர்பான ஆலைகள் அமைவதை எதிர்த்து தமிழக வாழ்வுரிமை கட்சியினர் கங்கைகொண்டான் சிப்காட் வளாகத்தை முற்றுகையிட்டு போராட்டம் நடத்தினர். அப்போது அங்கு வந்த போலீசார் போராட்டத்தில் ஈடுபட்டவர்கள் மீது தடியடி நடத்தினர். அதோடு, போராட்டத்தில் ஈடுபட்ட வேல்முருகன் உள்ளிட்ட 500 பேரையும் போலீசார் கைது செய்தனர்.

ஆனால், அமைதியாக போராடிய தங்கள் மீது தடியடி நடத்தப்பட்டதற்கு தமிழக வாழ்வுரிமைக் கட்சித் தலைவர் வேல்முருகன் கண்டனம் தெரிவித்துள்ளார். இது தொடர்பாக அவர் வெளியிட்டுள்ள அறிக்கையில்,

குளிர்பான ஆலைகள்...

குளிர்பான ஆலைகள்...

திருநெல்வேலி கங்கைகொண்டான் சிப்காட் வளாகத்தில் அமைக்கப்பட்டுள்ள கோககோலா, பெப்சி ஆலைகள் தாமிபரணி நீரை இந்த உறிஞ்சி எடுப்பதால் அப்பகுதி மக்களின் வாழ்வாதாரம் பெருமளவு பாதிக்கப்படுகிறது.

போராட்டம்...

போராட்டம்...

ஆகையால் இந்த பன்னாட்டு பகாசுர ஆலைகளை வெளியேற்றக் கோரி நெல்லை கங்கைகொண்டான் சிப்காட் வளாகத்தில் இன்று (அக்டோபர் 27) என் தலைமையில் தமிழக வாழ்வுரிமைக் கட்சியினர் மாபெரும் முற்றுகைப் போராட்டத்தை அமைதி வழியில் நடத்திக் கொண்டிருந்தோம்.

குடிபோதையில் தடியடி...

குடிபோதையில் தடியடி...

ஆனால் கோககோலா, பெப்சி ஆலைகளுக்கு ஆதரவாக செயல்பட்டு வரும் கங்கைகொண்டான் காவல்துறை இன்ஸ்பெக்டர் சிவமுருகன் என்பவர் பணியில் குடிபோதையில் இருந்தபடியே திடீரென காட்டுமிராண்டித்தனமாக தமிழக வாழ்வுரிமைக் கட்சியினர் மீது கொடூரமாக தடியடி தாக்குதலை நடத்தினார்.

படுகாயம்...

படுகாயம்...

இதில் 10க்கும் மேற்பட்ட தமிழக வாழ்வுரிமைக் கட்சி நிர்வாகிகள் படுகாயமடைந்து மருத்துவமனைகளில் அனுமதிக்கப்பட்டுள்ளனர்.

நடவடிக்கை தேவை...

நடவடிக்கை தேவை...

அமைதி வழியில் போராடிய தமிழக வாழ்வுரிமைக் கட்சியினர் மீது தடியடி நடத்தி பன்னாட்டு ஆலைகளால் ஏவிவிடப்பட்ட ரவுடி போல நடந்து கொண்ட கங்கை கொண்டான் இன்ஸ்பெக்டர் சிவமுருகன் மீது மாண்புமிகு தமிழக முதல்வர் அவர்கள் கடும் நடவடிக்கை எடுக்க வேண்டும் என்று கேட்டுக் கொள்கிறேன்' இவ்வாறு அதில் தெரிவிக்கப்பட்டுள்ளது.

கைது...

கைது...

இந்நிலையில், நெல்லையில் தமிழக வாழ்வுரிமைக் கட்சியினர் மீதான தடியடியைக் கண்டித்து திண்டுக்கல் பேருந்து நிலையம் அருகே அக்கட்சியினர் கண்டன ஆர்ப்பாட்டம் நடத்தினர். அவர்களைப் போலீசார் கைது செய்தனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The Tamilaga valvurimai katchi president Velmurugan has condemned the lathi charge on his party cadres by police in nellai.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more