விஜய் ரசிகர்கள் சூப்பர்!
விஜய் ரசிகர்களின் டிவிட்டர் பக்கம் ஒன்று, ஜல்லிக்கட்டு புரட்சியைக் கெளரவப்படுத்தும் வகையில் 6 நாட்களுக்கு பைரவா படம் குறித்த செய்திகளை வெளியிடாமல் நிறுத்தி வைத்திருந்ததாம்.
சென்னை: விஜய் ரசிகர்களை இந்த விஷயத்திற்காக பாராட்டியாக வேண்டும். ஜல்லிக்கட்டு புரட்சி தமிழகத்தை வியாபித்திருந்த நிலையில் போராட்டம் நடந்த நாட்களில் விஜய் நடித்த பைரவா படத்தின் அப்டேட்களைப் போடாமல் போராட்டத்திற்கு வலு சேர்த்துள்ளதாக விஜய் ரசிகர்கள் மன்ற டிவிட்டர் பக்கம் ஒன்றில் தெரிவித்துள்ளனர்.
We had stopped our #Bairavaa updates for the past 6days as a mark of respect and support to the protests related to #Jallikattu
— Bairavaa Fan Page (@Bairavaa) January 23, 2017
~@Bairavaa
பைரவா பேன் பேஜ் என்ற பெயரில் உள்ள அந்த டிவிட்டர் பக்கத்தில் ஜல்லிக்கட்டு போராட்டத்திற்கு ஆதரவாக பைரவா படம் குறித்த செய்திகளை கடந்த 6 நாட்களாக நாங்கள் போடவில்லை. போராட்டங்களுக்கு நாங்கள் ஆதரவாக இருந்தோம் என்று பெருமை பொங்க தெரிவித்துள்ளனர்.
அந்தப் பக்கத்தில் கடைசியாக ஜனவரி 17ம் தேதி அப்டேட் போட்டுள்ளனர். அதுஜல்லிக்கட்டு புரட்சிக்கு விஜய் அளித்த ஆதரவு வீடியோ. அதன் பிறகு 20 மணி நேரத்திற்கு முன்புதான் அப்டேட்டுகளை ஆரம்பித்துள்ளனர்.
விஜய்யே கூட சென்னை மெரீனாவில் நடந்த போராட்டத்திற்கு இரவில் வந்து தனது உணர்வை பதிவு செய்து விட்டுச் சென்றிருந்தார் என்பது நினைவிருக்கலாம்.
இந்த பக்கம் மட்டுமல்லாமல் மேலும் பல விஜய் ரசிகர்களின் பக்கங்களிலும் கூட ஜல்லிக்கட்டு ஆதரவு வாசகங்களை அதிகம் காண முடிந்தது. விஜய் ரசிகர்கள் மட்டுமல்ல பல்வேறு நடிகர்களின் ரசிகர்களும் கூட ஜல்லிக்கட்டு புரட்சி நடந்த காலகட்டத்தில் அதுதொடர்பான உணர்வுகளுக்கும், செய்திகளுக்கும்தான் அதிக முக்கியத்துவம் கொடுத்து முதலில் தாங்கள் தமிழர்கள், தமிழ்நாட்டவர்கள் என்பதை நிரூபித்தனர் என்பது குறிப்பிடத்தக்கது.
Click it and Unblock the Notifications
Sign in with Google