கோர்ட்டில் சாட்சிக்காக வைக்கப்பட்ட 31 செல்போன்கள் திருட்டு... 2 நீதிமன்ற ஊழியர்கள் கைது!

திருப்பூர்: திருப்பூர் நீதித்துறை நடுவர் மன்றத்தில் கிட்டதட்ட 31 செல்போன்கள் மாயமான நிலையில், இச்சம்பவம் தொடர்பாக நீதிமன்ற ஊழியர்கள் கைது செய்யப்பட்டுள்ளனர்.

திருப்பூர் மாவட்டம், தாராபுரத்தில் உள்ள முதலாவது குற்றவியல் நீதித்துறை நடுவர் மன்றத்தில் பல்வேறு வழக்குகள் தொடர்பான ஆவணங்கள் மற்றும் வழக்குகளில் தொடர்புடைய நபர்களிடம் இருந்து பறிமுதல் செய்யப்பட்ட பொருட்கள் பாதுகாப்பில் வைக்கப்பட்டுள்ளன.

இவற்றில் இருந்த 31 செல்போன்கள் கடந்த சில நாள்களுக்கு முன்பு மாயமாகின. இதுதொடர்பாக நீதிமன்ற தலைமை எழுத்தர் ஆஷியா பேகம் தாராபுரம் காவல் நிலையத்தில் புகார் அளித்திருந்தார்.

இதுதொடர்பாக வழக்குப் பதிவு செய்து, விசாரணை மேற்கொண்ட போலீஸார் செல்போன்களைத் திருடியதாக நீதிமன்ற அலுவலக உதவியாளர்கள் கீதா, சதீஷ்குமார் ஆகிய இருவரையும் கைது செய்தனர். போலீசார் மேற்கொண்ட நடவடிக்கையின் காரணமாக அவர்களிடமிருந்து 21 செல்போன்கள் பறிமுதல் செய்யப்பட்டன.

இதுகுறித்து துறை ரீதியிலான விசாரணை மேற்கொண்ட மாவட்ட குற்றவியல் நீதிமன்ற தலைமை நீதிபதி சிங்கராஜ், தாராபுரம் நீதிமன்ற தலைமை எழுத்தர் ஆஷியா பேகத்தை பணி இடைநீக்கம் செய்து உத்தரவிட்டார்.

English summary

Totally 31 mobiles theft from Tirupur court, which is maintain for seen of victim. Court arrested workers for this theft incident.