திருவாரூர் இடைத்தேர்தலில் அமமுக வேட்பாளர் எஸ்.காமராஜ்.. டிடிவி தினகரன் அதிரடி!

திருவாரூர் இடைத்தேர்தலில் போட்டியிட போகும் அம்மா மக்கள் முன்னேற்ற கழக வேட்பாளர் யார் என்பது குறித்து இன்று அதிகாரப்பூர்வ அறிவிப்பு வெளியாக உள்ளது.

Updated: Friday, January 4, 2019, 14:15 [IST]

Subscribe to Oneindia Tamil

Recommended Video

திருவாரூர் இடைத்தேர்தலில் அமமுக வேட்பாளர் எஸ்.காமராஜ்- வீடியோ

திருவாரூர்: திருவாரூர் இடைத்தேர்தலில் அம்மா மக்கள் முன்னேற்ற கழகம் சார்பில் எஸ்.காமராஜ் வேட்பாளராக போட்டியிடுவார் என்று அமமுக துணைப் பொதுச்செயலாளர் டிடிவி தினகரன் அறிவிப்பு வெளியிட்டுள்ளார்.

திருவாரூர் இடைத்தேர்தலுக்காக அனைத்து கட்சிகளும் தீவிரமாக தயாராகி வருகிறது. திமுக இன்றுதான் வேட்பாளரை அறிவிக்க உள்ளது. இது பெரிய எதிர்பார்ப்பை ஏற்படுத்தி உள்ளது.

இந்த நிலையில் அமமுக தற்போது வேட்பாளரை அறிவித்துள்ளது. ஜனவரி 28-ம் தேதி திருவாரூர் சட்டமன்ற தொகுதி இடைத்தேர்தல் நடக்க உள்ளது. ஜனவரி 31-ம் தேதி வாக்குகள் எண்ணப்பட உள்ளது. கடந்த 3ம் தேதி இடைத்தேர்தலுக்கான வேட்புமனு தாக்கல் துவங்கியது.

பெரிய கேள்வி

கடந்த சில நாட்களாக திருவாரூர் தேர்தலில், அம்மா மக்கள் முன்னேற்ற கழகம் யாரை வேட்பாளராக நிறுத்த போகிறது என்பதுதான் பெரிய கேள்வியாக உள்ளது. அதிமுக, திமுகவை எதிர்த்து அமமுக சார்பாக யார் நிற்க போகிறார்கள் என்பதுதான் தற்போதைய மிகப்பெரிய சஸ்பென்ஸாக இருந்தது.

ஆலோசனை நடந்தது

இதற்காக கடந்த இரண்டு நாட்களாக அமமுக சார்பாக டிடிவி தினகரன் தலைமையில் இதற்காக ஆலோசனை கூட்டம் நடந்தது. சில முக்கிய உறுப்பினர்களுடன் தினகரன் தொடர்ந்து ஆலோசனை நடத்தி வந்தார். வெற்றி வாய்ப்பு அதிகம் உள்ள வேட்பாளர் குறித்து ஆலோசனை செய்யப்பட்டது.

இரண்டு பேர்

அமமுகவைப் பொறுத்தவரை இரண்டு பேர் வேட்பாளர் ரேஸில் இருந்தனர். கடந்த 2011 தேர்தலில் மறைந்த திமுக முன்னாள் தலைவர் கருணாநிதியை எதிர்த்து போட்டியிட்டு தோல்வி அடைந்த குடவாசல் ராஜேந்திரன் கணக்கில் எடுத்துக் கொள்ளப்பட்டார். அதேபோல் அமமுக மாவட்டச் செயலாளரான எஸ்.காமராஜ் கணக்கில் எடுத்துக் கொள்ளப்பட்டார். இருவரும் அமமுகவில் மிக முக்கியமான உறுப்பினர்கள்.

தேர்வு செய்யப்பட

இந்த நிலையில் அம்மா மக்கள் முன்னேற்ற கழகம் சார்பில் எஸ்.காமராஜ் வேட்பாளராக போட்டியிடுவார் என்று அமமுக துணைப் பொதுச்செயலாளர் டிடிவி தினகரன் அறிவிப்பு வெளியிட்டுள்ளார். அமமுக மாவட்டச் செயலாளரான எஸ்.காமராஜ், முன்னாள் அதிமுக மாவட்டச் செயலாளர் என்பது குறிப்பிடத்தக்கது. திருவாரூர் தொகுதியில் இவர் மிகவும் பிரபலமான நபர் என்பதும் குறிப்பிடத்தக்கது.