போடுங்கம்மா ஓட்டு.. .டிரம்ஸ் அடித்து... நெசவு நெய்து ... வாக்கு சேகரித்த கனிமொழி எம்.பி!
திருப்பூர்: திருப்பூர் மாவட்டம் உடுமலை பகுதியில் தேர்தல் பிரசாரம் மேற்கொண்ட கனிமொழி எம்.பி. டிரம்ஸ் அடித்து ஒட்டு கேட்டார்.
மேலும் அவர் நெசவாளர்கள் வீடுகளுக்கு நேரடியாக சென்று அவர்களுடன் சேர்ந்து நெசவும் நெய்தார்.
திருப்பூர் மாவட்டம் உடுமலை பகுதியில் விடியலை நோக்கி ஸ்டாலின் குரல் நிகழ்வுக்காக நெசவாசளர்கள் விவசாயிகள் என பலதரப்பு மக்களை கனிமொழி எம்.பி.சந்தித்து வருகிறார் அதன் ஒரு பகுதியாக உடுமலை மலையாண்டிபட்டிணம் ஜல்லிபட்டி திருமூர்த்திமலை பகுதியில் கனிமொழி எம்.பி. சுற்றுப்பயணம் மேற்கொண்டார்.
அப்போது அவர் நெசவாளர்கள் வீடுகளுக்கு நேரடியாக சென்று அவர்களுடன் சேர்ந்து நெசவு நெய்தார். கனிமொழியை வரவேற்க டிரம்ஸ் தொழிலாளர்கள் டிரம்ஸ் அடித்து கொண்டிருந்தனர். இதனை பார்த்த கனிமொழி எம் பி. வாகனத்திலிருந்து இறங்கிச் சென்று, அவர்களிடம் நலம் விசாரித்தார். பின்னர் தான் டிரம்ஸ் அடித்து பார்க்க வேண்டுமென கூறி டிரம்ஸை அடித்து பார்த்தார்.
இதனால் அந்த தொழிலார்கள் ஆச்சரியம் அடைந்தனர். அதன்பின் தடுக்கு பின்னும் பெண்களுடன் சேர்ந்து தடுக்கு தயாரித்தும் கனிமொழி எம் பி. மகிழ்ந்தார்