விருதுநகர் பட்டாசு ஆலை வெடி விபத்து..2 பேர் படுகாயம்..மருத்துவமனையில் சிகிச்சை

விருதுநகர் அருகே பட்டம்புத்தூரில் செயல்பட்டு வரும் பட்டாசு ஆலையில் ஏற்பட்ட வெடி விபத்தில் 2 பேர் காயமடைந்துள்ளனர்.

விருதுநகர்: பட்டம்புத்தூரில் செயல்பட்டு வரும் பட்டாசு ஆலையில் ஏற்பட்ட வெடி விபத்தில் 2 பேர் காயமடைந்துள்ளனர். திரிகள் தயாரிக்கும் இடத்தில் உராய்வின் காரணமாக திடீர் வெடி விபத்து ஏற்பட்டு ஒரு அறை இடிந்து தரைமட்டமானது. வெடி விபத்தில் காயமடைந்த தொழிலாளர்கள் சிகிச்சைக்காக மருத்துவமனையில் அனுமதிக்கப்பட்டுள்ளனர்.

விருதுநகர் மாவட்டம் சிவகாசி சுற்றுவட்டாரப்பகுதியில் ஏராளமான பட்டாசு ஆலைகள் உள்ளன. லட்சக்கணக்கான தொழிலாளர்கள் பட்டாசு ஆலைகளில் வேலை செய்து வருகின்றனர். வெயில் காலத்தில் அடிக்கடி விபத்து ஏற்பட்டு உயிரிழப்புகள் ஏற்படுகின்றனர்.

கடந்த ஆண்டு பட்டாசு ஆலைகளில் நிகழ்ந்த விபத்துகளில் 50க்கும் மேற்பட்டோர் உயிரிழந்துள்ளனர். பலர் படுகாயமடைந்துள்ளனர். பாதுகாப்பு நடைமுறைகளை பின்பற்றாததே காரணம் என்று சொல்லப்படுகிறது. கடந்த ஜனவரி மாதத்தில் சிவகாசி அருகே வெம்பக்கோட்டையை அடுத்த கனஞ்சாம்பட்டியில் நிகழ்ந்த பட்டாசு வெடி விபத்தில் பலர் உயிரிழந்தனர்.

நாக்பூரில் உள்ள மத்திய பெட்ரோலியம் மற்றும் வெடிபொருள் கட்டுப்பாட்டுத்துறையின் அனுமதி பெற்று இயங்கி வரும் இந்த ஆலையில் 70க்கும் மேற்பட்ட அறைகளில் பேன்ஸி ரக பட்டாசுகள் தயாரிக்கப்பட்டு வருகின்றன.
இந்த ஆலையில் 150க்கும் மேற்பட்ட தொழிலாளர்கள் பணியாற்றி வந்தனர்.

இந்நிலையில், இன்றும் இந்த பட்டாசு ஆலையில வழக்கம்போல் பட்டாசு தயாரிக்கும் பணியில் தொழிலாளர்கள் ஈடுபட்டிருந்தனர். அப்போது,ஒரு அறையில் பேன்ஸி ரக பட்டாசுகள் தயாரித்தபோது உராய்வு ஏற்பட்டு திடீர் வெடி விபத்து ஏற்பட்டது. இதில், அந்த அறை முழுவதும் இடிந்து தரைமட்டமானது. இதில் 7 பேர் உயிரிழந்தனர் பலர் படுகாயமடைந்தனர்.

பட்டாசு ஆலைகளில் அடிக்கடி விபத்து ஏற்படுவது தொடர்கதையாகி வருகிறது. இந்த நிலையில் இன்றைய தினம்
பட்டம்புத்தூரில் செயல்பட்டு வரும் பட்டாசு ஆலையில் ஏற்பட்ட வெடி விபத்தில் 2 பேர் காயமடைந்துள்ளனர். திரிகள் தயாரிக்கும் இடத்தில் உராய்வின் காரணமாக திடீர் வெடி விபத்து ஏற்பட்டு ஒரு அறை இடிந்து தரைமட்டமானது. வெடி விபத்தில் காயமடைந்த முத்துப்பாண்டி, கருப்பையா ஆகியோர் மருத்துவமனையில் சிகிச்சைக்காக அனுமதிக்கப்பட்டுள்ளனர்.

English summary

Two people were injured in an explosion at a firecracker factory in Pattambutur near Virudhunagar. A sudden explosion occurred due to friction in a wick manufacturing area and a room collapsed to the ground. The workers injured in the explosion have been admitted to the hospital for treatment.