‛குற்றமற்றவர்’.. டொனால்ட் ட்ரம்ப் நிரபராதி.. அமெரிக்க நீதிமன்றம் போட்ட அதிரடி உத்தரவு.. செம ட்விஸ்ட்
வாஷிங்டன்: 2020ல் அமெரிக்காவில் நடந்த அதிபர் தேர்தலில் முடிவுகளை மாற்றியமைக்க முயன்றதாக முன்னாள் அதிபர் டொனால்ட் ட்ரம்ப் மீது எழுந்த புகாரில் அந்நாட்டு உயர்நீதிமன்றம் முக்கிய விஷயத்தை தெரிவித்துள்ளது. இதன்மூலம் டொனால்ட் ட்ரம்ப் நிம்மதியடைந்துள்ளார்.
அமெரிக்காவில் கடந்த 2020ல் அதிபர் தேர்தல் நடந்தது. அந்த தேர்தலில் அப்போது அதிபராக இருந்த டொனால்ட் ட்ரம்ப் மீண்டும் போட்டியிட்டார். அவர் குடியரசு கட்சி சார்பில் களமிறங்கினார். அதேபோல் ஜனநாயக கட்சி சார்பில் ஜோ பைடன் போட்டியிட்டார்.
இந்த தேர்தலில் டொனால்ட் ட்ரம்ப் தோல்வியடைந்தார். ஜோபைடன் வெற்றி பெற்று அதிபரானார். இந்த வேளையில் அமெரிக்காவில் பல இடங்களில் ட்ரம்ப் ஆதரவாளர்கள் போராட்டத்தில் ஈடுபட்டனர். மேலும் தேர்தல் வாக்கு எண்ணிக்கையில் முறைகேடு நடந்துள்ளதாக ட்ரம்ப் குற்றம்சாட்டினார்.
இதற்கிடையே தான் டொனால்ட் ட்ரம்ப் மீது முக்கிய புகார் எழுந்தது. அதாவது தோல்வி நெருங்கியதை தொடர்ந்து 2020ல் அதிபர் தேர்தல் முடிவுகளை மாற்றியமைக்க அவர் முயன்றதாக குற்றம்சாட்டப்பட்டது. மேலும் அவர் தேர்தல் அதிகாரிகளுக்கு இடையூறு செய்து, ஜனநாயகத்தை ஏமாற்ற முயன்றதாக புகார் முன்வைக்கப்பட்டது. இதுதொடர்பாக ட்ரம்ப் மீது வழக்கும்பதிவு செய்யப்பட்டது.
மேலும் இந்த வழக்கு அமெரிக்காவில் உள்ள வாஷிங்டன் நீதிமன்றத்தில் நடந்து வருகிறது. வழக்கு விசாரணைக்கு ஆஜராகும்படி ட்ரம்ப்புக்கு சம்மன் அனுப்பி வைக்கப்பட்டது. இதையடுத்து ட்ரம்ப் நீதிமன்றத்தில் ஆஜரானார். மொத்தம் 27 நிமிடங்கள் வரை விசாரணை நடந்தது. இதையடுத்து அப்போது தேர்தல் முடிவுகளை மாற்றியமைக்க முயன்றதாக அவர் மீது கூறப்பட்ட குற்றச்சாட்டுகளில் அவர் நிரபராதி என நீதிமன்றம் கூறியது.
மேலும் வழக்கின் அடுத்த விசாரணை ஆகஸ்ட் 28 ம் தேதிக்கு நீதிமன்றம் ஒத்திவைத்தது. இதனால் ட்ரம்ப் நிம்மதியடைந்துள்ளார். அடுத்த ஆண்டு அமெரிக்காவில் மீண்டும் அதிபர் தேர்தல் நடைபெற உள்ளது. இதில் ட்ரம்ப் போட்டியிட ஆர்வமாக உள்ளார். இத்தகைய சூழலில் நீதிமன்றத்தின் இந்த உத்தரவு அவருக்கு சாதகமானதாக பார்க்கப்படுகிறது.
இதற்கிடையே பத்திரிகையாளர்களை சந்தித்த ட்ரம்ப் ‛‛இந்த குற்றச்சாட்டுகள் அனைத்தும், ஒரு அரசியல் பழிவாங்கும் நடவடிக்கையாகும். இந்த பழிவாங்கல் நடவடிக்கை என்பது அமெரிக்காவில் ஒருபோதும் நடக்கக் கூடாது'' என உற்சாகமாக தெரிவித்தார்.
Click it and Unblock the Notifications
Sign in with Google