ஹார்முஸ் நீரிணை.. வணிகக் கப்பல்களை தாக்குவதை ஏற்க முடியாது! ஐநாவில் கண்டனம் முழங்கிய இந்தியா

Updated: Friday, April 17, 2026, 8:37 [IST]

Subscribe to Oneindia Tamil

வாஷிங்டன்: ஹார்மூஸ் நீரிணை வழியாக செல்லும் வணிக கப்பல்கள் மீது, தாக்குதல் நடத்தப்படுவதை ஏற்றுக்கொள்ள முடியாது என்று ஐநாவுக்கான இந்திய தூதர் ஹரிஷ் தெரிவித்திருக்கிறார்.

இந்தியாவின் எரிசக்தித் தேவைகளுக்கு ஹார்முஸ் நீரிணை மிக முக்கியமான கடல்வழிப் பாதையாகும். அங்கு ஏற்படும் தடைகள் இந்தியாவின் பொருளாதாரத்தைப் பாதிக்கும். இந்த மோதல்களின் போது வணிகக் கப்பல்களில் பணியாற்றிய இந்திய மாலுமிகள் உயிரிழந்திருப்பதற்கு இந்தியா தனது ஆழ்ந்த வருத்தத்தைப் பதிவு செய்துள்ளது. ஹார்முஸ் நீரிணையில் பாதுகாப்பான கடல்வழிப் போக்குவரத்தை உடனடியாக மீட்டெடுக்கவும், மத்திய கிழக்கில் பதட்டங்களைக் குறைக்கவும் இந்தியா கோரியுள்ளது.

நியூயார்க்கில் நடைபெற்ற ஐ.நா. பொதுச் சபையின் மத்திய கிழக்கில் உள்ள நிலைமை மீதான விவாதத்தில், இந்தியாவின் நிரந்தரப் பிரதிநிதி ஹரிஷ் பி., இக்கருத்துக்களை வலியுறுத்தியுள்ளார். நாட்டின் எரிசக்தி மற்றும் பொருளாதார நலன்களுக்கு கடல்சார் பாதுகாப்பு மிக முக்கியம் என்பதை அவர் வலியுறுத்தினார்.

ஹார்முஸ் ஜலசந்தி வழியாகச் செல்லும் வணிகக் கப்பல்களுக்கு உள்ள அச்சுறுத்தல்கள் குறித்து அவர் ஆழ்ந்த கவலை தெரிவித்தார். “இந்தியாவுக்கு, எரிசக்தி மற்றும் பொருளாதாரப் பாதுகாப்புக்கு கவலை அளிக்கும் ஒரு அம்சம் ஹார்முஸ் நீரிணை வழியாகச் செல்லும் வணிகக் கப்பல்கள் சம்பந்தப்பட்டது. இந்த மோதலில் வணிகக் கப்பல்களை இராணுவத் தாக்குதல்களுக்கு இலக்காக்கியது கண்டிக்கத்தக்கது,” என்றார். மோதலில் இந்தியக் குடிமக்கள் பாதிக்கப்பட்டனர். இந்திய மாலுமிகளின் உயிர்கள் பறிபோயின என்று ஹரிஷ் பி. சுட்டிக்காட்டினார்.

“வணிகக் கப்பல்களைக் குறிவைப்பதும், அப்பாவி பொதுமக்கள் உயிருக்கு ஆபத்தை விளைவிப்பதும் அல்லது ஹார்முஸ் ஜலசந்தியில் வழிசெலுத்தல் மற்றும் வர்த்தக சுதந்திரத்தைத் தடுப்பதும் ஏற்றுக்கொள்ள முடியாதவை என்பதை நாங்கள் மீண்டும் வலியுறுத்துகிறோம்,” என்று அவர் கூறினார்.

சர்வதேச சட்டங்களுக்கு கட்டுப்பட வேண்டும் என்றும் ஹரிஷ் வேண்டுகோள் விடுத்தார். “கடல் போக்குவரத்து தொடர்பான சர்வதேச சட்டம் முழுமையாக மதிக்கப்பட வேண்டும். ஹார்முஸ் ஜலசந்தி வழியாகப் பாதுகாப்பான மற்றும் தடையற்ற கடல்வழிப் போக்குவரத்து, உலக வர்த்தகம் விரைவில் மீட்டெடுக்கப்பட வேண்டும் என்று நாங்கள் வலுவாக வலியுறுத்துகிறோம்” என்றார்.