அமெரிக்காவில் விசா பெற இப்படி செய்யாதீங்க.. இந்தியர்களுக்கு காத்திருக்கும் ஆபத்து! உஷார் மக்களே!

Updated: Saturday, April 11, 2026, 18:18 [IST]

Subscribe to Oneindia Tamil

வாஷிங்டன்: அமெரிக்காவில் விசா மோசடியில் இந்தியர்கள் 10 பேர் கைது செய்யப்பட்டிருக்கும் சம்பவம் அதிர்ச்சியை ஏற்படுத்தியிருக்கிறது. எனவே அமெரிக்கா வாழ் இந்தியர்கள் இந்த விஷயத்தில் அலர்ட்டாக இருக்க வேண்டும் என்று வலியுறுத்தப்பட்டிருக்கிறது.

அமெரிக்காவில் வசிக்க வெளிநாட்டினர் தொடர்ந்து, சட்டவிரோத செயல்கள் மூலம் முயற்சிகளை மேற்கொள்கின்றனர். இந்த முயற்சிகள் கண்டறியப்படும்போது, அது பெரிய சிக்கலை ஏற்படுத்திவிடுகிறது.

U-Visa

அமெரிக்காவின் பாஸ்டன் நகரில், சட்டவிரோதமாக தங்கியிருந்த இந்தியர்கள் 10 பேர், அந்நாட்டின் விசா விதிமுறைகளை தவறாக பயன்படுத்தி சதி செய்ததாக குற்றம் சாட்டப்பட்டு கைது செய்யப்பட்டிருக்கின்றனர். குறிப்பாக இவர்கள் U-visaவை பெற முறைகேடுகளில் ஈடுபட்டிருப்பது கண்டுபிடிக்கப்பட்டிருக்கிறது. இதனால், இந்தியர்கள் மீதான கண்ணோட்டம் அமெரிக்காவில் மாறியிருக்கிறது.

என்ன நடந்தது?

அமெரிக்காவில் U-visa என்று ஒரு வகை இருக்கிறது. இந்நாட்டு சட்டப்படி, கடுமையான குற்றங்களில் பாதிக்கப்பட்டு, காவல்துறையின் விசாரணைக்கு உதவுபவர்களுக்கு இந்த விசா வழங்கப்படும். அதாவது சூப்பர் மார்க்கெட்டுக்குள் திடீரென ஆயுதங்களுடன் ஒரு கும்பல் நுழைந்து கொள்ளையடிக்கிறது எனில், கடைக்குள் இருப்பவர்கள் இதனால் பாதிக்கப்படிருந்து, கொள்ளை கும்பலை பிடிக்க உதவுகிறார்கள் எனில் அவர்களுக்கு இந்த விசா வழங்கப்படும்.

10 இந்தியர்கள்

ஆனால், சிலர் விசாவை பெறுவதற்காக போலியான கொள்ளை நாடகத்தை அரங்கேற்றுவார்கள். தங்களை பாதிக்கப்பட்டவர்களை போல காட்டிக்கொண்டு விசாவை பெறுவார்கள். அப்படித்தான் இந்த 10 இந்தியர்களும் போலியான நாடகத்தை நடத்தியிருக்கிறார்கள். விசாரணை இவை அனைத்தும் கண்டுபிடிக்கப்பட்டிருக்கிறது. எனவே இவர்கள் மீது கடந்த மார்ச் மாதம் குற்றச்சாட்டு பதிவு செய்யப்பட்டது. தற்போது அமெரிக்காவின் ஃபெடரல் கிராண்ட ஜூரி, இவர்கள் மீதான குற்றச்சாட்டுகளை உறுதி செய்திருக்கிறார்.

இந்தியர்களே உஷார்

இதன் பின்னர் விசாரணை விரிவாக நடைபெறும். இந்த குற்றச்சாட்டுகள் உறுதி செய்யப்பட்டால் இவர்களுக்கு பல ஆண்டுகள் சிறை தண்டனை வழங்கப்படும். அத்துடன் அபராதமும் விதிக்கப்படலாம். மட்டுமல்லாது இவர்கள் இந்தியாவுக்கு நாடு கடத்தப்படவும் வாய்ப்புகள் உள்ளன.

எனவே அமெரிக்கா வாழ் இந்தியர்கள் தங்கள் விசா காலாவதியாகிவிட்டது எனில், அதை புதுப்பிக்க உரிய முறையில் முயற்சிக்க வேண்டுமே தவிர, சட்டவிரோத வழிகளை பயன்படுத்தக்கூடாது என்று எச்சரிக்கப்படுகிறது.