நடிகர் அர்ஜுன் வீட்டில் கொண்டாட்டம்.. கேக் வெட்டி கொண்டாடிய மகள் ஐஸ்வர்யா.. சந்தோஷத்தில் உமாபதி

சென்னை: நடிகர் அர்ஜுன் மகளான ஐஸ்வர்யா தன்னுடைய கணவர் மற்றும் அப்பா, அம்மா குடும்பத்தினருடன் கேக் வெட்டி கொண்டாடி இருக்கிறார். அப்போது எடுத்த புகைப்படங்கள் மற்றும் வீடியோக்கள் இணையத்தில் பகிர்ந்திருக்கிறார். ஐஸ்வர்யாவுக்கு ரசிகர்கள் பலரும் வாழ்த்துக்கள் தெரிவித்து வருகிறார்கள்.

தமிழ் சினிமாவில் ஆக்சன் கிங் என்று ரசிகர்களால் கொண்டாடப்படும் அர்ஜுன் நடிகராக மட்டுமல்லாமல் தயாரிப்பாளராகவும், இயக்குனராகவும் கலக்கி கொண்டிருக்கிறார். சின்னத்திரையையும் விட்டு வைக்காமல் சர்வைவர் நிகழ்ச்சியில் தொகுப்பாளராக கலந்து கொண்டு ரசிகர்களின் மனதில் நல்ல வரவேற்பு பெற்று இருந்தார்.

சமீபத்தில் நடிகர் அஜித் நடிப்பில் வெளியான விடாமுயற்சி திரைப்படத்திலும் முக்கிய கேரக்டரில் அர்ஜுன் நடித்திருந்தார். ஆரம்பத்தில் இருந்து பல திரைப்படங்களில் காதலுக்கு சப்போர்ட் செய்யும் கேரக்டரில் நடித்துக் கொண்டிருக்கிறார். அதேபோல சினிமாவில் மட்டுமல்ல நிஜத்திலும் காதலர்களுக்கு சப்போர்ட் செய்து பலருக்கும் ரோல் மாடலாக மாறி இருக்கிறார்.

தன்னுடைய மகள் ஐஸ்வர்யா நடிகர் தம்பி ராமையாவின் மகனான உமாபதி காதலிக்கிறார் என்ற செய்தியை தெரிந்ததும் இருவருடைய திருமணத்திற்கு சம்மதம் சொல்லி பிரம்மாண்டமாக திருமணத்தை நடத்தி இருந்த அர்ஜுன் தொகுத்து வழங்கிய சர்வைவர் நிகழ்ச்சியில் தான் உமாபதியும் போட்டியாளராக கலந்து கொண்டார். அப்போது அர்ஜுன் பல இடங்களில் உமாபதிக்கு சப்போர்ட் செய்திருந்தார்.

அதுபோல உமாபதியின் விளையாட்டை அர்ஜுன் பாராட்டி இருந்தார். ஆனால் அந்த நேரத்தில் அவர்தான் தன்னுடைய மருமகனாக வரப்போகிறார் என்பதை அர்ஜூன் எதிர்பார்த்து இருக்க மாட்டார். ஆனால் அந்த நிகழ்ச்சியில் கலந்து கொண்ட போட்டியாளர்களுக்கு அர்ஜுன் விருந்து வைத்து ஒரு பங்க்ஷன் நடத்தி இருக்கிறார். அதில் அர்ஜுனுடைய குடும்பத்தினரும் கலந்து கொண்டிருக்கிறார்கள்.

அப்போதுதான் உமாபதியோடு அர்ஜுன் மகள் ஐஸ்வர்யாவிற்கு பழக்கம் ஏற்பட்டிருக்கிறது. அதற்கு முன்பு உமாபதி சில திரைப்படங்களில் நடித்திருந்தார். ஆனால் அந்த திரைப்படங்கள் பெரிய அளவில் அவருக்கு ஹிட் கொடுக்கவில்லை. இந்த நிலையில் அர்ஜுன் நடித்து ஹிட்டான ஏழுமலை படத்தில் இரண்டாவது பாகத்தில் உமாபதி நாயகனாக நடிக்க போவதாகவும் தகவல்கள் வெளியாகி இருந்தது.

இந்த நிலையில் இன்று அர்ஜுனின் மகள் ஐஸ்வர்யாவிற்கு பிறந்தநாள். அவருடைய குடும்பத்தினர் கொண்டாடி இருக்கிறார்கள். அப்போது ஐஸ்வர்யாவிற்காக பல கேக்குகளை உமாபதி மற்றும் அர்ஜுன் வாங்கி குவித்திருக்கிறார்கள். அதை ஒவ்வொன்றாக கட் பண்ணிய க்யூட்டான வீடியோவை ஐஸ்வர்யா தன்னுடைய இன்ஸ்டாகிராம் பக்கத்தில் பகிர்ந்து இருக்கிறார்.

ஐஸ்வர்யாவிற்கு ரசிகர்கள் பலரும் வாழ்த்துக்கள் தெரிவித்து வருகிறார்கள். நடிகர் அர்ஜுன் 1988 ஆம் ஆண்டு நிவேதிதா என்பவரை திருமணம் செய்து கொண்டார். இந்த தம்பதிக்கு ஐஸ்வர்யா மற்றும் அஞ்சனா என்ற இரண்டு மகள்கள் இருக்கின்றனர். அதில் அர்ஜுனின் மூத்த மகளான ஐஸ்வர்யா தமிழில் விஷால் நடிப்பில் வெளியான பட்டத்து யானை என்ற திரைப்படத்தில் கதாநாயகியாக சினிமாவில் அறிமுகமானார்.

அதற்கு பிறகு அர்ஜுன் இயக்கிய தெலுங்கு படத்தில் ஐஸ்வர்யா நடித்திருந்தார். ஆனாலும் அவருடைய தந்தை போல இவரால் பெரிய அளவில் ஜொலிக்க முடியவில்லை. ஆனாலும் கடந்த வருடத்தில் ஐஸ்வர்யா மற்றும் உமாபதிக்கு திருமணம் நடைபெற்றது. திருமணத்திற்கு பிறகும் தொடர்ந்து நடிப்பில் கவனம் செலுத்தி வருகிறார்.

English summary

Aishwarya, the daughter of actor Arjun, is celebrating the cake with her husband and father and mother. He has shared photos and videos taken on the Internet. Many fans have congratulated Aishwarya.