Bigg Boss: கப் வாங்க வரலை; இதற்காகத்தான் பிக் பாஸ் வந்தேன்! அகோரி கலையரசன் பல்டி! ஓபனா சொல்லிட்டாரு
சென்னை: விஜய் டி.வி-யின் பிக் பாஸ் தமிழ் சீசன் 9 நிகழ்ச்சி ஆரம்பிச்ச நாள்ல இருந்தே ஒரே சண்டையும், சச்சரவும், கண்ணீர்க் கதையுமா போய்க்கிட்டு இருக்கு. இந்த 20 போட்டியாளர்கள்ல வித்தியாசமான ஆளுன்னு சொன்னா, அது அகோரி கலையரசன் தான்! இந்த சீசனில் அதிகமான சோசியல் மீடியா பிரபலங்கள் கலந்து கொண்டிருக்கின்றனர். அந்த வரிசையில் கலந்து கொண்ட அகோரி கலையரசனை சோசியல் மீடியாவில் பலரும் கலாய்த்து வருகின்றனர்.
அகோரி குடும்பத்தின் அதிரடி
அகோரி கலையரசன் பிக் பாஸ் வீட்டுக்குள்ள வரதுக்கு முன்னாடியே செம ஃபேமஸ். கரகாட்டம், பறை இசைன்னு பல கலைகள்ல சாதனை செஞ்சு பல விருதுகள் வாங்கியிருக்கார். குறிப்பா, அவருடைய மனைவி கர்ப்பமா இருந்தபோது, அவர் பறை இசைச்சுக்கிட்டே டியூப் லைட் மேல ஏறி மிதிச்சு ரெக்கார்டு பண்ணியது பெரிய வைரல்.
ஆனா, சமீபகாலமா இவருடைய குடும்பப் பிரச்சனைதான் சமூக வலைதளங்கள்ல பெரிய தலைப்புச் செய்தியா ஓடிச்சு. கலையரசனும் அவர் மனைவியும் பிரிஞ்சுட்டோம்ன்னு மாறி மாறிப் பல குற்றச்சாட்டுகள் சொல்லி வந்தாங்க. ஆனா, பிக் பாஸ் நிகழ்ச்சியில அவர் கலந்துக்கிட்டப்போ, அவரோட மனைவியும் கூடவே வந்து, "நாங்க ரெண்டு பேரும் மீண்டும் சேர்ந்துட்டோம்"னு சொல்லி எல்லாருக்கும் இன்ப அதிர்ச்சி கொடுத்தாங்க.
அடையாள மாற்றம்
பொதுவா, நீண்ட தலைமுடி, நெத்தியில விபூதி சகிதமா பார்ப்பதற்கே வித்தியாசமான தோற்றத்துல இருப்பாரு கலையரசன். ஆனா, இப்போ அவர் சுத்தமா அடையாளம் தெரியாத அளவுக்கு, புது கெட்டப்ல வந்துட்டார்! இதுக்குப் பின்னாடி ஒரு பெரிய உருக்கமான காரணம் இருக்குதாம்.
பிக் பாஸ் வீட்டுக்குள்ள அவர் பேசும்போது சொன்னது இதுதான்: "நான் இந்த நிகழ்ச்சிக்கு கப் வாங்க வரலை. ஏன்னா, நான் வாங்கிய கப்பை வைக்கவே என்கிட்ட இடமில்லை! நான் வந்தது என் அடையாளத்தை மாத்தணும்னுதான்!" என்று அதிரடியாக ஒரு பல்டியைப் போட்டார்.
ஏன்னா, "இவன் அகோரிப் பிள்ளைன்னு சொல்லி என் பசங்களை ஸ்கூல்ல கூட சேர்க்க மாட்டேன்னு சொல்லிட்டாங்க. என் பசங்களுக்காக, என் குடும்பத்துக்காகவும் தான் என்னை நான் மாத்திக்கணும்னுதான் இந்த பிக் பாஸுக்கு வந்திருக்கேன்" என்று கலையரசன் கண்ணீருடன் பேசினது, ஒரு அப்பாவோட பாசத்தை வெளிப்படுத்துற மாதிரி இருந்தது.
மனசுல நான் அகோரி தான்
குடும்பத்துக்காக கெட்டப்பை மாத்தினாலும், மனசுக்குள்ள இன்னும் பழைய அகோரி கேரக்டர் இருக்குதாம். முதல் நாள்ல பிக் பாஸ் வீட்டில் அவர் பேசியபோது, "நான் இப்போ கெட்டப்பெல்லாம் மாத்திட்டேன். ஏன்னா, எல்லாரும் என்னைப் பார்த்துக் பயப்படுறாங்க. அதுக்காகத்தான் மாறினேன். ஆனா, என் மனதுக்குள் இருக்கும் அகோரி கேரக்டர் அப்படியேதான் இருக்கு. அதை யாராலும் மாற்ற முடியாது. அது எங்களுடைய பரம்பரைத் தொழில்"னு நெஞ்சுல அடிச்சுக்கிட்டுச் சொன்னார்.
"என் மனைவி, குழந்தைங்க எல்லாம் வளர்ந்த பிறகு, நீ அகோரியா மாறிக்கோனு சொல்லி இருக்காங்க. அதனால இப்போதைக்கு எதுவும் வேண்டாம்னு ஒதுங்கி இருக்கேன்"னு சொல்லி, பழைய கதையைச் சொல்லியிருக்கார்.
மொத்தத்துல, பிக் பாஸ் வீட்டுக்குள்ள இந்த சீசன்ல, சண்டை போட வந்தவர்களும் இருக்காங்க, அடையாளத்தை மாத்திக்க வந்தவர்களும் இருக்காங்க! 'கப் வாங்க இடம் இல்லை'ன்னு சொன்ன கலையரசன், உண்மையில அவர் 'சாமானிய மனிதர்'ங்கிற அடையாளத்தோட, இந்த பிக் பாஸ் சீசன்ல எவ்வளவு நாள் தாக்குப்பிடிக்கிறார்னு பார்ப்போம்!
குடும்பத்துக்காக தனது அகோரி அடையாளத்தை மாற்றிக்கொண்டு, பிக் பாஸ் வீட்டுக்குள்ளே வந்த கலையரசனின் முடிவை நீங்கள் எப்படிப் பார்க்கிறீர்கள்?
Click it and Unblock the Notifications
Sign in with Google