பிக் பாஸ் 8ல் இந்த வாரமும் இரண்டு எவிக்ஷன்! கடைசியில் சிக்கியது இவங்களா? எதிர்பாராத வெளியேற்றம்

சென்னை: விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 8வது நிகழ்ச்சியில் இந்த வாரத்திலும் இரண்டு போட்டியாளர்கள் வெளியே அனுப்பப்படுவதாக தகவல்கள் வெளியாகி இருக்கிறது. அதன்படி வாக்குகளின் அடிப்படையில் கடைசி இடத்தில் யார் இருப்பது என்று பார்க்கலாம்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 8-வது நிகழ்ச்சி கடந்த அக்டோபர் ஆறாம் தேதி தொடங்கப்பட்டு வெற்றிக்கரமாக ஒளிபரப்பாகி வருகிறது. இன்னும் ஒரு சில வாரங்களில் இந்த நிகழ்ச்சி முடிவுக்கு வர இருக்கிறது. அதே நேரத்தில் பிக் பாஸ் வீட்டிற்குள் ஆரம்பத்தில் 18 போட்டியாளர்களும் அதை தொடர்ந்து ஆறு வைல்ட் கார்டு போட்டியாளர்களும் அறிமுகம் ஆகி இருந்தனர்.

அதில் 14 போட்டியாளர்கள் வெளியேற்றப்பட்டு இருக்கிறார்கள். இந்த நிகழ்ச்சியில் தற்போது பவித்ரா, மஞ்சரி, தீபக், ஜாக்குலின், முத்துக்குமரன், அருண் பிரசாத், விஷால், ரயான், சௌந்தர்யா ஆகிய 10 போட்டியாளர்கள் மட்டும்தான் இருக்கிறார்கள். அவர்களில் இந்த வாரம் டிக்கெட் டூ பினாலே டிக்கெட்டை வெற்றி பெற்று ரயான் இந்த சீசனில் முதல் ஆளாக பைனலுக்கு நுழைந்து இருக்கிறார்.

இந்த டாஸ்க்கில் ஆரம்பத்திலிருந்து போட்டி போட்ட முத்துக்குமரன் கடைசியில் இரண்டு மதிப்பெண்களில் வெற்றியை தழுவ விட்டார். அதுபோல பிக் பாஸ் நிகழ்ச்சியில் ஒவ்வொரு வாரமும் ஒரு போட்டியாளர் எவிக்ஷனாகி வருவது வழக்கம்தான். ஆனால் இந்த சீசனில் அதிகமான போட்டியாளர்கள் பிக் பாஸ் வீட்டிற்குள் இருந்ததால் கடந்த சில வாரங்களாகவே இரண்டு எவிக்சன் நடந்து கொண்டிருக்கிறது.

அந்த வகையில் தற்போது 10 போட்டியாளர்கள் பிக் பாஸ் வீட்டிற்குள் இருக்கும் நிலையில் அவர்களில் தீபக், ஜாக்குலின், ரயான், ராணவ், பவித்ரா, அருண், விஷால், மஞ்சரி ஆகியோர் இந்த வார எலிமினேஷனக்கான நாமினேஷனில் இடம் பிடித்திருக்கிறார்கள். இவர்களில் தற்போது வரைக்குமான வாக்குகளின் அடிப்படையில் தீபக் முதலிடத்தில் இருக்கிறார்.

அவரை தொடர்ந்து இந்த வார டிக்கெட் டூ பினாலே டாஸ்க்கில் வெற்றிபெற்ற ரயான் இருக்கிறார். இவர்களை தொடர்ந்து கடைசி இடத்தில் இந்த வாரத்தில் மஞ்சரி இடம் பிடித்திருக்கிறார். அடுத்ததாக பவித்ரா மற்றும் அருண் குறைந்த வாக்குகள் பெற்று இருக்கிறார்கள். இந்த நிலையில் இந்த வாரத்தில் வாக்குகளின் அடிப்படையில் மஞ்சரி முதலாவதாக வெளியேற்றப்படுவதற்கு வாய்ப்பு இருக்கிறது. அவரைத் தொடர்ந்து பவித்ரா அல்லது அருண் வெளியேற்றப்படுவார் என்று எதிர்பார்க்கப்படுகிறது.

English summary

There are reports that two contestants will be sent out this week in Bigg Boss Tamil season 8 which is being aired on Vijay TV. Accordingly, we can see who is at the last place based on the votes.