Coolie: மோசமாக விமர்சித்த ப்ளூ சட்டை மாறன்! 'கூலி’யை ஒரே வார்த்தையில் இப்படி சொல்லிட்டாரே!

Updated: Friday, August 15, 2025, 8:01 [IST]

Subscribe to Oneindia Tamil

சென்னை: சூப்பர் ஸ்டார் ரஜினிகாந்த் நடிப்பில், இயக்குனர் லோகேஷ் கனகராஜ் இயக்கத்தில் உருவாகியிருக்கும் கூலி திரைப்படம், நேற்று உலகம் முழுவதும் வெளியானது. பெரும் எதிர்பார்ப்புக்கு மத்தியில் வெளியான இந்தப் படம், சுமாரான வரவேற்பையே பெற்றிருக்கிறது. இந்நிலையில், பிரபல சினிமா விமர்சகர் ப்ளூசட்டை மாறன், 'கூலி' படத்தின் விமர்சனத்தை, தனது யூடியூப் சேனலில், வெளியிட்டிருக்கிறார். அவரது கடுமையான விமர்சனம், ரஜினி ரசிகர்கள் மத்தியில், ஒரு பெரிய கோபத்தை ஏற்படுத்தியுள்ளது.

ப்ளூசட்டை மாறனின் விமர்சனம்

ப்ளூ சட்டை மாறன் ஆரம்பத்திலிருந்து ரஜினியை அதிகமாக விமர்சித்து வருகிறார். ரஜினியை மட்டும் அல்லாமல் எல்லா நடிகர்களின் படங்களிலும் அதில் குறை இதில் குறை என்று அதிகமான குறையை சொல்லித்தான் வருகிறார். அதனால் இவருடைய ரிவ்யூ பார்ப்பதற்காக ரசிகர்களும் காத்திருக்கிறார்கள். சிலர் திட்டி தீர்ந்து வந்தாலும் இவருடைய ரிவ்யூக்கு அதிகமான வியூஸ் வருகிறது.

இந்த நிலையில் கூலி படத்தை பற்றி ப்ளூசட்டை மாறன் பேசும் போது "நண்பன் கொலை செய்யப்பட்டதற்கு, பழி வாங்க, ஹீரோ வருவதுதான், இந்தப் படத்தின் கதை," என்று, அவர், படத்தின் கதையை, விமர்சித்துள்ளார். "பான் இந்தியா படம் என்றால், 'நேட்டிவிட்டியோடு' எடுத்து, அது, நம் ஊரிலும் ஹிட்டாக வேண்டும். இந்திய அளவிலும், உலக அளவிலும், ஹிட்டாக வேண்டும். அதுதான், பான் இந்தியா ஹிட் என்று சொல்லப்படும். ஆனால், ரஜினியோ, மற்ற மொழி நடிகர்களை, தன் படத்தில் சேர்த்துவிட்டு, பான் இந்தியா படம் என, சொல்கிறார்," என்று, மாறன், கடுமையாக விமர்சித்தார்.

லோகேஷின் இயக்கம்

"கதை எழுத துப்பு இல்லாத ஒருவர்தான், இந்தக் கதையை, எழுதியிருப்பார் என்று, தோன்றுகிறது. லோகேஷ் கனகராஜுக்கு, கொலை, கஞ்சா, பவுடர் கடத்துவதைத் தவிர, எதுவும் தெரியாது. அப்படிப்பட்ட லோகேஷ், இந்த மூன்று மணி நேரத்தை, ரசிகர்கள் எப்படி கடத்துவார்கள் என்பதை, யோசித்து, படம் எடுத்திருந்திருக்கலாம்," என்று, லோகேஷ் கனகராஜின் இயக்கத்தை, கடுமையாகச் சாடினார்.

நடிகர்கள்

"நாகார்ஜுனாவை, ஸ்டைலிஷ் வில்லனாக காண்பித்திருக்கிறார்கள். அவருக்குக் கீழே, சௌபின் சாஹிரை, காண்பிக்கிறார்கள். இரண்டு பேரில், சௌபின் மட்டுமே, கிடைத்த 'கேப்பில்', ஏதோ செய்திருக்கிறார். உபேந்திரா எல்லாம், எவ்வளவு பெரிய டெக்னீஷியன். அவரை அழைத்து வந்து, நாசம் செய்திருக்கிறார்கள். அவர் யார் என்றே தெரியவில்லை," என்று, மற்ற நடிகர்களையும், மாறன், விமர்சித்தார்.

அமீர் கான்

"கடைசியில், அமீர் கான் வருகிறார். அவர் வந்து, பீடியின் சுவைகளைப் பற்றிப் பேசுகிறார். இந்தப் படத்தால், 'ஜெயிலர்' படம், நல்ல படமாகிவிட்டது," என்று, மாறன், கிண்டலாகக் கூறினார். "பொதுவாக, 'மொக்கை' படம் என்று, நினைத்து, போய் பார்த்தால், அந்தப் படம், நன்றாக இருக்கும். இப்படத்தை, நீங்கள், 'காட்டு மொக்கை' என்று, நினைத்து பார்த்தாலுமே, உங்களுக்குப் படம் பிடிக்காது," என்று, மாறன், தனது விமர்சனத்தை, முடித்தார்.

கூலி - ரசிகர்களின் கருத்து

ரஜினி ரசிகர்களுக்கு, படம், ரொம்பவே கனெக்ட் ஆகிவிட்டது. ஒவ்வொரு சீனிலும், ரஜினிக்குத் தேவையான, அத்தனை 'மாஸ் மொமண்ட்ஸையும்', லோகேஷ், வைத்துவிட்டதாக, புகழ்ந்துவிட்டனர். பொதுவான ரசிகர்களுக்கு, படம், கொஞ்சம் 'டல்'தான். எந்த இடத்திலும், படம், எங்களுக்கு, கனெக்ட் ஆகவில்லை. படத்தின் கதை, அரதப் பழசு; திரைக்கதை, அதைவிட மோசம், என்று, அவர்கள், கருத்து தெரிவித்துள்ளனர். ப்ளூசட்டை மாறனின் இந்தக் கடுமையான விமர்சனம், ரஜினி ரசிகர்கள் மத்தியில், ஒரு பெரிய கோபத்தை ஏற்படுத்தியுள்ளது. சமூக வலைத்தளங்களில், அவருக்கு, கடுமையான பதிலடிகள், வந்து கொண்டிருக்கின்றன.