எல்லோரும் என்னை மன்னிச்சிடுங்க! உருக்கமாக பேசிய மாரி செல்வராஜ்.. ரஜினி நேரடியாக கேட்ட கேள்வி!
சென்னை: தமிழ் சினிமால இப்போ ரொம்ப பரபரப்பா பேசப்படுற ஒருத்தர்னா அது இயக்குநர் மாரி செல்வராஜ்தான். அவருடைய இயக்கத்துல, நடிகர் விக்ரமோட மகன் துருவ் விக்ரம் நடிச்சிருக்கிற படம்தான் 'பைசன்'. 'வாழை' படத்தோட பெரிய வெற்றிக்குப் பிறகு, மாரி செல்வராஜ் இயக்கியிருக்கிற இந்தப் படத்துக்கு, ரசிகர்கள் மத்தியில் நிறைய எதிர்பார்ப்பு இருக்கு. இந்தப் படத்தை, நீலம் ஸ்டுடியோஸ் மற்றும் அப்ளாஸ் என்டர்டெயின்மெண்ட் நிறுவனம் சேர்ந்து தயாரிச்சிருக்காங்க.
மாரி செல்வராஜ் கேட்ட மன்னிப்பு
'பைசன்' படம் நாளைக்கு (அக்டோபர் 17) ரிலீஸ் ஆகப் போற நிலையில், படத்தோட டைட்டில் பற்றி மாரி செல்வராஜ் சமீபத்தில் பேசி இருக்கிற விஷயம் தான் இப்போ ட்ரெண்ட் ஆகுது. இந்த படத்துக்கு ஆங்கிலத்துல 'பைசன்'ன்னு டைட்டில் வைத்ததுக்காக, அவர் செய்தியாளர்கள் சந்திப்புல மன்னிப்புக் கேட்டிருக்காரு.
"படத்துக்கு 'பைசன்'ன்னு ஆங்கிலத்துல தலைப்பு வச்சதுக்கு மன்னிப்புக் கேட்டுக்கிறேன். தமிழ்நாட்டை கடந்து படத்தை கொண்டு போகணும்னு தயாரிப்பு நிறுவனம் சொன்னதாலதான் பொதுவான தலைப்பு வச்சோம். ஆனா, என்னுடைய திரைக்கதை புத்தகத்துல இன்னமும் 'காளமாடன்'னு தான் இருக்கு!"னு அவர் வெளிப்படையாச் சொல்லி இருக்காரு.
இந்தப் படத்தோட கதை, அர்ஜுனா விருது வென்ற தூத்துக்குடியைச் சேர்ந்த ஒரு கபடி வீரரோட வாழ்க்கையை அடிப்படையா வச்சு எடுக்கப்பட்டிருக்குதாம். இந்தப் படத்துக்கு நிவாஸ் கே. பிரசன்னா இசையமைச்சிருக்காரு. அனுபமா பரமேஸ்வரன், ரெஜிஸ்டா விஜயன், பசுபதி, கலையரசன், லால்ன்னு நிறைய பேர் நடிச்சிருக்காங்க.
மாரி செல்வராஜோட ஸ்டைல்
சூப்பர் ஸ்டார் ரஜினி வழக்கம் என்னன்னா, ஒரு படம் சூப்பர் ஹிட் ஆச்சுன்னா உடனே அந்த இயக்குநருக்கு போன் பண்ணியோ, இல்லை நேர்லயோ கூப்பிட்டுப் பாராட்டுறதுதான். இது பல வருஷமா அவர் வெச்சிருக்கிற பழக்கம். அப்படி பாராட்டும்போது, அந்த படத்துல இருக்கிற நுணுக்கமான விஷயங்களை பற்றி பேசி இயக்குநர்களையே அவர் ஆச்சரியப்படுத்துவாராம்.
அதே மாதிரி, "நமக்கு ஏதாவது கதை இருக்கா?"ன்னு கேட்கிறது ரஜினி சாரோட வழக்கம். அவர் எல்லார் இயக்கத்துலயும் நடிக்க மாட்டாருன்னாலும், ஆர்வமா அப்படி விசாரிப்பாரு. அப்படி நெல்சன், லோகேஷ் கனகராஜ், கார்த்திக் சுப்பாராஜ்ன்னு பல இளம் இயக்குநர்களோட அவர் படம் பண்ணாரு. இப்போ அந்த லிஸ்ட்ல மாரி செல்வராஜும் இருக்காரு.
சமீபத்துல ஒரு பேட்டியில், ரஜினி சாரோட சேர்ந்து படம் பண்றது பற்றி மாரி செல்வராஜ் கிட்ட கேட்டாங்க. அதுக்கு அவர் கொடுத்த பதில் தான் செம மாஸ். "என் மேல ரஜினி சாருக்கு அன்பு உண்டு. என்னோட ஒவ்வொரு படமும் ரிலீஸ் ஆகும்போது பார்த்துட்டு, என்னை கூப்பிட்டுப் பாராட்டி பேசுவாரு. 'வாழை' படத்துக்கு ஒரு பெரிய கடிதமே அனுப்பி இருந்தார். நான் சில கதைகளை அவர் கிட்ட சொல்லி இருக்கேன்".
ஆனா, படத்துல நடிக்கிறது பற்றி பேசும்போது, மாரி செல்வராஜ் தன்னோட கொள்கையில் உறுதியா இருந்தாரு: "ஆனா என் ஸ்டைல் அவருக்கு செட் ஆகுமான்னு அவர் யோசிக்கலாம். அவர் என்னை நம்பணும். சின்ன நடிகராக இருந்தாலும், பெரிய நடிகராக இருந்தாலும், என் கதை, என் உலகம், என் மக்கள், அந்தக் கதையோட உண்மை, நேர்மை இதை புரிஞ்சு நடிக்க முன்வந்தா கண்டிப்பா யாரா இருந்தாலும் நான் படம் எடுப்பேன். அது ரஜினி சாராக இருந்தாலும் சரி... துருவாக இருந்தாலும் சரி..." னு தன்னோட ஸ்டைல்ல மாரி செல்வராஜ் பதிலளிச்சிருக்காரு.
அதாவது, ரஜினி தன்னோட கதை உலகத்தை புரிஞ்சு, நேர்மையா நடிக்க முன்வந்தா மட்டுமே அவர் கூட வேலை செய்வேன்னு, மாரி செல்வராஜ் மறைமுகமா சொல்லியிருக்காரு! 'பைசன்' வெளியாகும் முன்னாடியே மாரி செல்வராஜோட இந்த பேச்சு, பெரிய அளவில் வைரலாகி வருது!
'காளமாடன்'னு பேர் வச்சதுக்கு மன்னிப்பு கேட்ட மாரி செல்வராஜ், ரஜினி தன்னோட ஸ்டைலை விட்டுக் கொடுக்காம பேசியிருக்காரு! மாரி செல்வராஜ் ஸ்டைல் ரஜினிக்கு செட் ஆகுமான்னு பொறுத்திருந்து பார்க்கலாம்!
Click it and Unblock the Notifications
Sign in with Google