"கிறிஸ்துமஸை சந்திக்கும் கார்த்திகை.." த்ரிஷா பகிர்ந்த போட்டோ! இப்போது இணையத்தில் இதுதான் டிரெண்டிங்

Updated: Monday, December 16, 2024, 8:30 [IST]

Subscribe to Oneindia Tamil

சென்னை: தமிழ் திரைப்பட உலகில் முக்கிய நடிகைகளில் ஒருவராக வலம்வரும் த்ரிஷா இப்போது தனது இன்ஸ்டாகிராம் தளத்தில் போட்டோ ஒன்றைப் பகிர்ந்துள்ளார். கார்த்திகை தீபம் மற்றும் கிறிஸ்துமஸ் கொண்டாட்டங்களைக் குறிக்கும் வகையில் அவர் பகிர்ந்து இந்த போட்டோ இணையத்தில் இப்போது டிரெண்டாகி வருகிறது.

தமிழ் சினிமாவில் முக்கிய நடிகைகளில் ஒருவர் திரிஷா. கடந்த 2002ம் ஆண்டு சூர்யா நடிப்பில் வெளியான மவுனம் பேசியதே படத்தின் மூலம் தமிழ் சினிமாவில் அறிமுகமானவர் த்ரிஷா.

த்ரிஷா: அதன் பிறகு சாமி, கில்லி, திருப்பாச்சி என அடுத்தடுத்து இவர் நடித்த ஹிட் அடித்த நிலையில், தமிழ் சினிமாவின் முக்கிய கதாநாயகிகளில் ஒருவரானார். தமிழ், தெலுங்கு, கன்னடம், இந்தி என்று பல்வேறு மொழி படங்களிலும் நடித்துள்ளார். இவர் சினிமா துறைக்கு வந்து 22 ஆண்டுகள் ஆன நிலையில், சமீபத்தில் தான் சூர்யா 45வது பத்தின் ஷூட்டிங்கில் அதை அவர் கொண்டாடினார்.

இதற்கிடையே நடிகை த்ரிஷா இப்போது தனது இன்ஸ்டகிராம் தளத்தில் அலங்கரிக்கப்பட்ட வீட்டின் கதவின் படத்தைப் பதிவிட்டுள்ளார். அவரது இந்த போட்டோ இப்போது இணையத்தில் தீயாகப் பரவி வருகிறது. அதாவது கார்த்திகை தீபம் இப்போது கொண்டாடப்படும் நிலையில், கார்த்திகை தீப அலங்காரம் அதில் செய்யப்பட்டுள்ளது. வாசலில் இரண்டு அகல் விளக்குகளும் ஏற்றப்பட்டுள்ளது.

கிறிஸ்துமஸ் பண்டிகை: அதேபோல கிறிஸ்துமஸ் பண்டிகை காலத்தில் கதவில் அலங்கரிக்கப்படும் Christmas Wreathம் அதில் இருக்கிறது. இந்த போட்டோவை பகிர்ந்துள்ள த்ரிஷா, கிறிஸ்துமஸை சந்திக்கும் கார்த்திகை என்றும் அதில் பதிவிட்டுள்ளார். த்ரிஷாவின் இந்த பதிவு இப்போது இணையத்தில் பலராலும் பகிரப்பட்டு வருகிறது. நெட்டிசன்கள் பலரும் த்ரிஷாவின் இந்த போஸ்ட்டிற்கு பல்வேறு விதமான கருத்துகளைத் தெரிவித்து வருகிறார்கள்.

அலங்காரம்: பொதுவாகவே கார்த்திகை மாதத்தில் இந்து மத வழக்கத்தின்படி வீட்டின் வாசலில் அகல் விளக்குகள் ஏற்றப்படும். திருக்கார்த்திகை தீபத்திருநாளான வெள்ளிக்கிழமை திருவண்ணாமலையில் பரணி தீபமும் மகா தீபமும் ஏற்றப்பட்டது. அதேபோல ஏசுவின் பிறந்த நாளான கிறிஸ்துமஸ் திருநாள் வரும் டிச.25ம் தேதி கொண்டாடப்பட உள்ளது. அதற்காக இப்போது பலரது வீடுகளில் முகப்புகளில் கிறிஸ்துமஸ் ஸ்டாரும் அலங்காரமும் செய்யப்பட்டுள்ளது குறிப்பிடத்தக்கது.