நாக சைதன்யா, சோபிதா துலிபாலா திருமணம்.. மைத்துனி சமந்தா இன்ஸ்டாகிராமில் போட்ட பதிவு!

By Oneindia Staff

Updated: Thursday, December 19, 2024, 17:05 [IST]

Subscribe to Oneindia Tamil

ஹைதராபாத்: சமீபகாலமாக சமூக வலைதளங்களில் அதிகம் பேசப்படும் பெயர்களில் சோபிதா துலிபாலாவும் ஒருவர். சில சினிமாவில் மட்டுமே நடித்திருந்தாலும், மிகக் குறைந்த காலத்திலேயே தனக்கென ஒரு தனி இடத்தை பிடித்துக்கொண்டார். குறிப்பாக நாக சைதன்யா காரணமாகவே சோபிதா துலிபாலா பிரபலமானார் என்று சொல்லலாம்.

நடிகை சமந்தாவை விவாகரத்து செய்த பிறகு, தெலுங்கு நடிகை சோபிதா துலிபாலாவுடன் நெருங்கிய தொடர்பை ஏற்படுத்திக்கொண்டார் நாக சைதன்யா. இந்த நிலையில், நாக சைதன்யா மற்றும் சோபிதா துலிபாலா கடந்த டிசம்பர் 4ஆம் தேதி அன்னபூர்ணா ஸ்டுடியோவில் மிகவும் எளிமையாக திருமணம் செய்து கொண்டனர்.

திருமணத்திற்குப் பிறகு சோபிதா பேசுகையில், நாக சைதன்யா தனது கணவராக வந்தது தனது அதிர்ஷ்டம் என்று கூறினார். திருமணத்திற்குப் பிறகு புதுமண தம்பதிகள் கோவில்களுக்கு சென்று வழிபட்டனர். திருமணத்திற்குப் பிறகு நாக சைதன்யா தனது சினிமாக்களில் பிசியாகிவிட்டார். இதேபோல் சோபிதாவுக்கும் சினிமா ஷூட்டிங்குகள் உள்ளன.

நாக சைதன்யா மற்றும் சோபிதா துலிபாலாவின் திருமணத்தில் சமந்தா அதிகமாக கவனம் ஈர்க்கப்பட்டார். தனது அக்கா சோபிதாவின் நிச்சயதார்த்தத்திற்கு வர முடியாத சமந்தா, திருமண ஏற்பாடுகளை தானே கவனித்து வந்தார். திருமணம் முடிந்த நிலையில், தற்போது தனது அக்காவின் திருமணம் குறித்து சமந்தா தனது இன்ஸ்டாகிராமில் நீண்ட பதிவு ஒன்றை பகிர்ந்துள்ளார்.

திருமணம் குறித்து சமந்தா உணர்வுபூர்வமாக பதிவிட்டு, இது என் வாழ்க்கையின் மிகவும் உணர்ச்சிபூர்வமான தருணம் என்று குறிப்பிட்டுள்ளார். அக்காவை மிகவும் நேசிப்பதாகவும், அவர் தனது வாழ்க்கையில் வந்த நபரை எவ்வளவு நேசிக்கிறார் என்பது தனக்கு மட்டுமே தெரியும் என்றும், சோபிதா மற்றும் சைதன்யா மிகவும் மரியாதைக்குரிய தம்பதிகள் என்று குறிப்பிட்டுள்ளார். தற்போது சமந்தா பகிர்ந்துள்ள இந்த பதிவு சமூக வலைதளங்களில் வைரலாகி வருகிறது.

நாக சைதன்யா மற்றும் சோபிதா துலிபாலா திருமணத்தின்போது, சோபிதா தங்கையான சமந்தா விழுந்து விழுந்து வேலை பார்த்தார். நாக சைதன்யா முதல் மனைவி மற்றும் மைத்துனி ஒரே பெயரை கொண்டிருப்பது குறிப்பிடத்தக்கது.

நாக சைதன்யா ஆரம்பத்தில் இருந்தே தெலுங்கு சூழலில் வளரவில்லை. சென்னையில் வளர்ந்ததால், தமிழ் மற்றும் ஆங்கிலமே அவரது முதன்மை மொழிகளாக இருந்தன. இதேபோல், முன்னதாக நாக சைதன்யா திருமணம் செய்துகொண்ட சமந்தாவும் ஆங்கிலம் மற்றும் மலையாளம் அதிகம் பேசினார். வீட்டில் தெலுங்கு பேசுவது மிகவும் குறைவாக இருந்தது.

இந்த நிலையில், சோபிதா துலிபாலா தெலுங்கை தாய்மொழியாகக் கொண்ட பெண் என்பதால், கண்டிப்பாக வீட்டில் சரளமாக தெலுங்கில் பேச வேண்டும் என்ற நிபந்தனையை திருமணத்திற்கு முன்பே நாக சைதன்யா விதித்தாராம். அதற்கு ஷோபிதாவும் சம்மதம் தெரிவித்தாராம். திருமணத்திற்கு முன்பே தன்னை சந்தித்த பல சந்தர்ப்பங்களில் தெலுங்கில் பேசும்படி ஷோபிதாவை கேட்பேன் என்றும், அவரும் சம்மதிப்பார் என்றும், அதேபோல் திருமணம் ஆன பிறகும் வீட்டில் தெலுங்கில் தான் பேசிக்கொள்கிறோம் என்றும் நாக சைதன்யா சமீபத்தில் தெரிவித்திருந்தது குறிப்பிடத்தக்கது.