மன்னராட்சி மரபு முடிவுக்கு வரும்.. பிறப்பால் இனி யாரும் முதல்வராக முடியாது! ஆதவ் அர்ஜுனா போஸ்ட்
சென்னை: தமிழ்நாடு சட்டமன்றத் தேர்தல் முடிவுகள் தீர்ப்பு இன்று வெளியாகிறது. அதிகாலை முதலே மாநிலம் முழுவதும் வாக்கு எண்ணிக்கை மையங்களில் பதற்றத்துடனும் எதிர்பார்ப்புடனும் சூழல் உருவாகியுள்ளது. இந்த முறை தேர்தல் குறித்து பொதுமக்கள் காட்டும் அசாதாரண ஆர்வத்திற்கு முக்கிய காரணமாக விஜய் அரசியல் வருகை குறிப்பிடப்படுகிறது. இந்த நிலையில் முடிவுகள் வெளியாவது குறித்து ஆதவ் அர்ஜுனா வெளியிட்ட பதிவு இணையத்தில் வெளியாகி வருகிறது.
விஜய் அரசியல் பயணம்
சினிமாவில் நீண்ட காலம் வெற்றிகளைச் சேர்த்து "பாக்ஸ் ஆபீஸ் கிங்" என அழைக்கப்பட்ட விஜய், "இனி அரசியல் வழியே மக்களுக்கு சேவை செய்ய வேண்டும்" என்ற நோக்கில் தமிழக வெற்றிக் கழகம் கட்சியைத் தொடங்கினார். ஆரம்பத்தில், "அவரால் பெரிய தாக்கம் ஏற்படாது", "வேட்பாளர்களே நிறுத்த முடியாது" என்ற விமர்சனங்கள் எழுந்தன. ஆனால் தேர்தல் பிரசார காலத்தில் அவர் பெற்ற கூட்டமும், ரசிகர் ஆதரவும் அரசியல் வட்டாரங்களையே கவனிக்க வைத்தது. அதனால், இப்போது "அவர் எவ்வளவு தூரம் செல்வார்?" என்பது முக்கியமான விவாதமாக மாறியுள்ளது.
ஆதவ் அர்ஜுனா பதிவு
இந்த சூழலில், விஜய் அணியுடன் தொடர்புடைய ஆதவ் அர்ஜுனா வெளியிட்டுள்ள பதிவு அதிக கவனம் பெற்றுள்ளது. அதிகாலை நேரத்தில் அவர் வெளியிட்ட கருத்தில், "தமிழ்நாட்டில் மாற்றத்திற்கான ஒரு புயல் இன்று உருவாகிறது; நாள் முழுவதும் அது வலுவாக வீசும். சரியாக மாலை 7 மணிக்கு தேர்தல் முடிவுகள் எனும் அந்த புயல் கரையை கடக்கும்போது அதன் வேகத்தில் 75 வருடங்கள், 50 வருடங்கள் என ஆதிக்கம் செலுத்தி தூர்ந்து போன பழைய மரங்கள் மக்கள் சக்தி என்னும் விசையால் வேருடன் பிடுங்கி எறியப்படும். மன்னராட்சி மரபு முடிவுக்கு வரும், பிறப்பால் இனி யாரும் முதல்வராக முடியாது.. தமிழ்நாட்டில் அரசியல் மாற்றத்திற்கான புதிய வரலாறு இன்று முதல் தொடங்கும் என்ற நம்பிக்கையை வெளிப்படுத்தியுள்ளார். அவரது இந்த கருத்து சமூக வலைதளங்களில் பரவலாக பகிரப்பட்டு வருகிறது.
வாக்கு எண்ணிக்கை
இதேவேளை, மாநிலம் முழுவதும் வாக்கு எண்ணிக்கை செயல்முறை கட்டுப்பாடுடன் நடைபெற்று வருகிறது. முதலில் போஸ்ட் வாக்குகள் எண்ணப்பட்டு, பின்னர் வாக்குப்பதிவு இயந்திரங்களில் பதிவு செய்யப்பட்ட வாக்குகள் சுற்று முறையில் எண்ணப்படுகின்றன. ஒவ்வொரு சுற்றிலும் முன்னிலை மாறும் சாத்தியம் இருப்பதால், கட்சிகள் அனைத்தும் தங்களது பிரதிநிதிகளை மையங்களில் அமர்த்தி தீவிரமாக கண்காணித்து வருகின்றன. பாதுகாப்பு ஏற்பாடுகளும் பலப்படுத்தப்பட்டுள்ளதால், எந்த வித சிக்கலும் ஏற்படாமல் அதிகாரிகள் கவனித்து வருகின்றனர்.
மக்கள் எதிர்பார்ப்பு
இந்த தேர்தலில் முக்கியமாக எழும் கேள்விகள் பல உள்ளன. விஜய் போட்டியிட்ட தொகுதிகளில் அவர் வெற்றி பெறுவாரா, அவரது கட்சி எத்தனை இடங்களில் முன்னிலை பெறும், அவர் முதல்வர் பதவிக்கான பாதையை அமைக்க முடியுமா என்பதுதான் அதில் முக்கியமானவை. அதே நேரத்தில், மு.க.ஸ்டாலின் தலைமையிலான ஆட்சி தொடருமா? அல்லது மாற்றம் ஏற்படுமா? என்பதையும் மக்கள் ஆவலுடன் எதிர்பார்த்து வருகின்றனர்.
2026 முதல்வர் யார்?
சில எக்ஸிட் போல் கணிப்புகள் விஜய்க்கு சாதகமாக இருக்கலாம் என்ற கூறியிருந்தாலும், அவை உண்மையா இல்லையா என்பது இறுதி எண்ணிக்கையில் தான் உறுதி ஆகும். தேர்தல் வரலாற்றில் பலமுறை கணிப்புகள் மாறுபட்டிருப்பதால், அரசியல் கட்சிகள் எந்த முடிவையும் முன்கூட்டியே உறுதியாகக் கூறாமல் காத்திருக்கின்றன.
மொத்தத்தில், இன்று வெளியாகும் தேர்தல் முடிவுகள் வெறும் வெற்றி-தோல்வியை மட்டும் தீர்மானிக்காது; தமிழ்நாட்டின் அரசியல் திசையை அடுத்த சில ஆண்டுகளுக்கு அமைக்கும் முக்கிய தருணமாகவும் பார்க்கப்படுகிறது. மக்கள் மாற்றத்தை தேர்வு செய்தார்களா? அல்லது நிலையான ஆட்சியையே தொடர விரும்புகிறார்களா? என்பதற்கான தெளிவான பதில், இன்று மாலைக்குள் வெளிவரும்.
தமிழ்நாட்டில் இன்று காலை உருவாகும் 'மாற்றத்திற்கான புயல்' நாள் முழுவதும் வீறு கொண்டு வீசும்! சரியாக, மாலை 7 மணிக்கு 'தேர்தல் முடிவுகள்' எனும் அந்தப் புயல் கரையைக் கடக்கும்போது, அதன் வேகத்தில் 75 வருடங்கள், 50 வருடங்கள் என ஆதிக்கம் செலுத்தித் தூர்ந்து போன பழைய மரங்கள் மக்கள் சக்தி…
— Aadhav Arjuna (@AadhavArjuna) May 3, 2026
Click it and Unblock the Notifications
Sign in with Google