காதலுக்கு மொழி எதற்கு? இதயம் தொட்ட காதல்.. தமிழா தமிழாவில் நெகிழ்ச்சி.. இப்படியுமா காதலிப்பாங்க!

Updated: Saturday, June 22, 2024, 6:31 [IST]

Subscribe to Oneindia Tamil

சென்னை: ஜீ தமிழில் ஒளிபரப்பாகி வரும் தமிழா தமிழா நிகழ்ச்சியில் வரும் ஜூன் 23ஆம் தேதிக்கான எபிசோடின் ப்ரோமோ வெளியாகியிருக்கிறது. அதில் இந்த வாரம் மனங்கள் பேச மொழிகள் எதற்கு இதயம் தொட்ட காதல் கதைகள் என்ற தலைப்பில் விவாதம் நடைபெறுகிறது. அதில் மொழித்தாண்டி காதலித்து திருமணம் செய்து கொண்டவர்கள் கலந்து கொண்டிருக்கிறார்கள்.

தமிழ் சின்னத்திரையில் ஜீ தமிழ் தொலைக்காட்சியில் ஒவ்வொரு வாரமும் ஞாயிறு மதியம் 12.30 மணிக்கு ஒளிப்பரப்பாகி வரும் பிரபலமான நிகழ்ச்சி தமிழா தமிழா. ஆவுடையப்பன் இந்த நிகழ்ச்சியை தொகுத்து வழங்கி வருகிறார்.

Zee Tamil TV Tamil Cinema Tamizha Tamizha Show

ஒவ்வொரு வாரமும் தொடர்ந்து மாறுபட்ட தலைப்புகளை கையில் எடுத்து நிகழ்ச்சியை தொகுத்து வழங்கி வருகிறார். அந்த வகையில் இந்த வாரம் ரியல் காதல் காவியங்களை கொண்டாடும் அரங்கமாக தமிழா தமிழா மேடை மாற உள்ளது.

இது குறித்து வெளியான ப்ரோமோ வீடியோவில் மதம், இனம், நாடு, மொழி இவற்றையெல்லாம் கடந்து திருமணம் செய்து கொண்ட காதலிக்க ஜோடிகளின் காவியமாக இந்த நிகழ்ச்சி ஒளிபரப்பாக இருப்பதாக தெரிய வந்துள்ளது.

வெளிநாட்டை சேர்ந்த நபரும் தமிழகத்தை சேர்ந்த பெண்ணும் சமூக வளையதளத்தின் மூலம் அறிமுகமாகி முதல் முறை நேரில் சந்தித்து காதல் வயப்பட்டு திருமணம் செய்து கொண்ட கதையை தெரிவித்துள்ளனர்.

அதே போல் கேரளாவை சேர்ந்த பெண்ணும் தமிழகத்தை சேர்ந்த ஆணும் காதல் திருமணம் செய்து கொண்டதாகவும் தங்களுக்குள் பாஷை ஒரு பிரச்சனையாக இல்லை, காதலுக்கு பாஷை எல்லாம் கிடையாது எனவும் பேசியுள்ளனர்.

இது குறித்த ப்ரோமோ வீடியோ இணையத்தில் வெளியாகி ரசிகர்களை கவர்ந்து வருகிறது.இந்த நிலையில் இந்த எபிசோடு அதிகமாக இணையத்தில் விவாதிக்கப்பட்டு வருகிறது. இதுபோல மொழி கடந்து காதலித்தவர்கள் பலர் காதல் வாழ்க்கையில் பயணித்து கொண்டிருக்கிறீர்களா? என்பது பலருடைய கேள்வியாக இருக்கிறது.

ஆரம்பத்தில் ஏதோ ஒரு உந்துதலில் காதலில் சிக்கி திருமணமும் செய்து விடுகிறார்கள். ஆனால் சில வருடங்களில் இந்த காதல் வாழ்க்கையில் இருந்து சிலர் பிரிந்து விடுகிறார்கள் என்று சில தங்களுடைய அதிருப்தியை தெரிவித்து இருக்கிறார்கள். இன்னும் ஒரு சிலர் காதல் என்றாலே அழகுதான். அது ஒரு குறிப்பிட்ட ஜாதிக்குள், மொழிக்குள் மட்டும் தான் இருக்க வேண்டும் என்று எந்த அவசியமும் இல்லை.

நமக்கு பிடித்து, நம்மை ஒருவர் நன்றாக பார்த்துக் கொள்வார் நம்முடைய வாழ்க்கைக்கு துணையாக இருப்பார் என்று தெரிந்தாலே அவர் மீது தானாக காதல் வந்துவிடுகிறது. அந்த காதல் மட்டும் கடைசி வரைக்கும் உண்மையாக இருக்க வேண்டும் என்பதும் பலருடைய கருத்தாக இருக்கிறது. ஆனாலும் இந்த வார நிகழ்ச்சியில் என்ன நடக்கப் போகிறது என்று பொறுத்திருந்து பார்க்கலாம்.