அரசு மரியாதையுடன் தேவா உடல் நல்லடக்கம்! காற்றில் கலந்த தேனிசை தென்றல்! கண்ணீர் மல்க ரசிகர்கள் அஞ்சலி
சென்னை: தேனிசை தென்றல் தேவாவின் உடல் அரசு மரியாதையுடன் சொந்த ஊரான ராணிப்பேட்டை சக்கரநல்லூரில் நல்லடக்கம் செய்யப்பட்டது. இறுதிச்சடங்கில் ஆயிரக்கணக்கானோர் பங்கேற்று கண்ணீர் மல்க பிரியா விடை கொடுத்தனர். தேவாவின் உடலுக்கு 72 குண்டுகள் முழுங்க அரசு மரியாதையுடன் இறுதிச்சடங்கு செய்யப்பட்டது. குடும்பத்தினர் தேவாவின் உடலுக்கு இறுதி அஞ்சலி செலுத்தினர். இறுதிச்சடங்கில் அமைச்சர் காந்திராஜ், நடிகர் ஜெய் உள்ளிட்டோர் பங்கேற்றனர். ஆயிரக்கணக்கானோர் இறுதிச்சடங்கில் பங்கேற்றனர்.
தேவாவின் இறுதி சடங்கு அவரது பூர்வீக ஊரான ராணிப்பேட்டை மாவட்டம், ஆற்காட்டை அடுத்த பழைய மாங்காடு பகுதியில் நடைபெற்றது. இதற்காக இன்று காலையில் அவரது உடலானது சென்னை தி.நகர் வீட்டில் இருந்து அமரர் ஊர்தி மூலம் ஆற்காடுக்கு கொண்டு வரப்பட்டது. பொதுமக்கள் ஏராளமானோர் அஞ்சலி செலுத்தினர்.
தேவாவின் இறுதி சடங்கு
தேவாவின் இறுதி சடங்கு இன்று அக்டோபர் 18ஆம் தேதி ராணிப்பேட்டை மாவட்டத்தில் ஆற்காடு அருகே இருக்கும் தேவாவின் சொந்த ஊரான சக்கரமல்லூர் கிராமத்தில் நடைபெற்றது. சென்னையில் உள்ள அவரது இல்லத்தில் இன்று 11.30 மணி வரை அவரது உடல் பொதுமக்கள் அஞ்சலிக்காக வைக்கப்பட்டிருந்தது.
இதையடுத்து அவரது உடல் அமரர் ஊர்தியில் வைக்கப்பட்டு சொந்த கிராமத்திற்கு புறப்பட்டது. அங்கு அவருக்கு சொந்தமான தோட்டத்தில் இறுதி சடங்குகளுக்கான ஏற்பாடுகள் நடந்து வந்தன. தொடர்ந்து அவரது உடல் ஊர்வலமாக எடுத்து வரப்பட்டது. வழிநெடுகிலும் பொதுமக்கள் அஞ்சலி செலுத்தினர். ஆயிரக்கணக்கானோர் தேவாவின் இறுதிச்சடங்கில் பங்கேற்றனர். குடும்பத்தினர் கண்ணீர் அஞ்சலி செலுத்தினர்.
உடல் நல்லடக்கம்
தேவாவின் உடலுக்கு தமிழக அரசின் சார்பில் முழு அரசு மரியாதையுடன் இறுதி சடங்கு செய்யப்பட்டது. அரசு சார்பில் 72 குண்டுகள் முழுங்க மரியாதை செய்யப்பட்டது. மூன்று சுற்றுகளாக 24 குண்டுகள் முழங்க தேவா உடலுக்கு அரசு மரியாதை செய்யப்பட்டது. அமைச்சர் காந்திராஜ் தேவாவின் இறுதிச்சடங்கில் பங்கேற்றார். நடிகர் ஜெய்யும் இறுதிச்சடங்கில் பங்கேற்றார். மகன் ஸ்ரீகாந்த் தேவா இறுதிமரியாதை செய்தார். இதையடுத்து அவரது உடல் நல்லடக்கம் செய்யப்பட்டது.
ஒரு காலத்தில் நம்முடைய காதலுக்கும், கொண்டாட்டத்திற்கும், நண்பர்களுடன் சேர்ந்து ஆட்டம் போடுவதற்கும் தேவாவின் பாடல்கள் இல்லாமல் இருந்திருக்காது. ரஜினி படங்களில் அவர் கொடுத்த இசை, கானா பாடல்களில் அவர் காட்டிய தனித்துவம், சாதாரண மக்களின் வாழ்க்கையை தொட்ட பாடல்கள் என அவருடைய இசை பயணம் ரொம்பவே பெரியது. 400க்கு மேற்பட்ட படங்களுக்கு இசையமைத்த ஒரு கலைஞரை நாம் இழந்திருக்கிறோம். இப்போது அவரது குடும்பத்தினரை போலவே அவருடைய பாடல்களை கேட்டு ரசித்தவர்களும் வருத்தத்தில் இருக்கிறார்கள்.
தேவாவின் பேட்டிகள்
தேவா எந்த பேட்டியில் பேசினாலும் பாசிட்டிவாகவே பேசிக் கொண்டு இருப்பார். முகத்தில் எப்போதும் சாந்தமும், தன்னம்பிக்கையும் மட்டுமே இருக்கும். தான் ஆரம்பத்தில் பட்ட கஷ்டங்களை கடைசி வரைக்கும் மறக்காமல் ஒவ்வொரு மேடைகளிலும் சொல்லி கொண்டே இருப்பார். தன்னுடைய வாழ்க்கை மாறியதற்கு ரசிகர்களும் மக்களும் கொடுத்த ஆதரவு தான் என்று அவர் கடைசியாக கூட ஒரு நிகழ்ச்சியில் பேசி இருந்தார்.
அதுபோல ஒரு நிகழ்ச்சியில் பேசும்போது, நான் என்ன எதிர்பார்க்கிறேனோ அதையே மற்றவர்களுக்கு கொடுக்க வேண்டும் என்று நினைப்பேன். பொதுவாக சிலர் பேசுவதை பார்த்திருக்கிறேன் அடுத்தவர்கள் முன்பு கால் மேல் கால் போட்டு நெஞ்சை நிமிர்த்தி கொண்டு.. என்னால் தான் எல்லாம் நடந்தது.. எனக்கு தான் எல்லாம் தெரியும்.. என்பது போல உட்கார்ந்து இருப்பார்கள். பழசை மறந்து விடுவார்கள். ஆனால் நான் ஒருபோதும் அதை செய்ய மாட்டேன். மேடைகளில் உட்கார்ந்திருக்கும் போதும் கால் மேல் கால் போட்டு அடுத்தவர்களை மதிக்காதது போல உக்கார்ந்து பேசிக் கொண்டிருப்பது எனக்கு வராது என்று நெகிழ்ச்சியாக சொல்லியிருந்தார்.
தன்னம்பிக்கை மனிதன்
மக்கள் இசை பாடல்களை திரையில் கொண்டு வந்து சாதனை படைப்பது அவ்வளவு எளிதான விஷயம் கிடையாது. ஆனால் எந்த பின்புலமும் இல்லாமல் தனி ஆளாக போராடி, தானும் முன்னேறி வந்து.. தன்னைப்போல போராடிக் கொண்டிருப்பவர்களுக்கும் தேவா வாய்ப்பு கொடுத்து இருக்கிறார். அதனாலேயே அவருடைய இழப்பை கானா பாடகர்களாலும் ஏற்றுக்கொள்ள முடியவில்லை..
Click it and Unblock the Notifications
Sign in with Google
