விஜய் டிவியில் திடீரென முடிவுக்கு வரும் பிரைம் டைம் சீரியல்.. கதாநாயகன் வெளியிட்ட பதிவு!

Updated: Friday, June 14, 2024, 7:31 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் மோதலும் காதலும் சீரியல் விரைவில் முடிவுக்கு வர இருப்பதாக செய்திகள் பரவி வந்த நிலையில் அதற்கு இந்த சீரியலில் கதாநாயகனாக நடிக்கும் நடிகர் சமீர் விளக்கம் கொடுத்திருக்கிறார்.

சீரியல்கள் நாளுக்கு நாள் மக்கள் மனதில் இடம் பிடித்துக் கொண்டிருக்கும் நிலையில் ஒரு சில சீரியல்கள் திடீரென்று அடுத்தடுத்து முடிவுக்கு வருவது ரசிகர்கள் மத்தியில் அதிர்ச்சியை ஏற்படுத்தி இருக்கிறது. ஏற்கனவே கடந்த வாரத்தில் சன் டிவியில் டாப் சீரியலாக இருக்கும் எதிர்நீச்சல் சீரியல் திடீரென முடிவுக்கு வந்தது.

Television Tamil Cinema Vijay TV mothalum kaadhalum Serial

அதை தொடர்ந்து இப்போது விஜய் டிவியில் அதிகமான ரசிகர்களை கவர்ந்த ஒரு சீரியலும் முடிவுக்கு வர இருக்கிறது. அது மோதலும் காதலும் சீரியல்தான். இந்த சீரியல் ஏற்கனவே விஜய் டிவியில் ஒளிபரப்பான கல்யாண முதல் காதல் வரை என்று சீரியலில் சாயல் தான். இந்த சீரியலில் நடித்து தான் நடிகை பிரியா பவானி சங்கர் வெள்ளி திரையில் கதாநாயகியாக அறிமுகமானார்.

அதுபோல இப்பொழுது விஜய் டிவியில் ஒளிபரப்பாகி வரும் மோதலும் காதலும் சீரியலும் ரசிகர்கள் மத்தியில் நல்ல வரவேற்பு பெற்று இருக்கிறது. ஆனால் இந்த சீரியல் இன்னும் ஒரு சில வாரங்களில் முடிவுக்கு வர இருப்பதாக செய்தியை வெளியாகி இருக்கிறது. இது சின்னத்திரை ரசிகர்கள் மத்தியில் அதிர்ச்சியை ஏற்படுத்துகிறது.

பொதுவாக விஜய் டிவி சீரியலுக்கு அதிகமான இளைஞர்கள் ரசிகர்களாக இருக்கின்றனர். அதுபோல இளைஞர்களை கவரும் வகையிலேயே மோதலும் காதலும் சீரியல் இருந்து வருகிறது. ஆனாலும் இந்த சீரியல் திடீரென முடிவுக்கு வருவதற்கு காரணம் என்னவென்று அதிகாரப்பூர்வமாக சேனல் தரப்பில் இருந்து எதையும் தெரிவிக்கவில்லை.

இந்த நிலையில் இந்த சீரியலில் கதாநாயகனாக நடித்து வரும் நடிகர் சமீரிடம் ரசிகர் ஒருவர் இன்ஸ்டாகிராமில் உண்மையாகவே மோதலும் காதலும் சீரியல் முடிவுக்கு வர இருக்கிறதா? என்று கேட்டிருந்த நிலையில் அதற்கு சமீர் ஆமாம் என்று சொல்லி சிரிக்கிற ஒரு இமோஜியை பதில் கொடுத்து இருக்கிறார். இது இந்த சீரியலின் ரசிகர்களை வருத்தத்தில் ஆழ்த்தி இருப்பதாக அதிகமான கமெண்டுகள் குவிந்து வருகிறது.

மோதலும் காதலும் சீரியலில் விக்ரம் வேதாவிற்கு அதிகமான ஃபேன்ஸ் பாலோவர்ஸ் இருக்கின்றனர். அவர்கள் இந்த செய்தியை வருத்தமாக பகிர்ந்து வருகிறார்கள். அதே நேரத்தில் இந்த சீரியல் முடிவுக்கு பிறகு பணிவிழும் மலர்வனம் என்ற சீரியல் இதே நேரத்தில் ஒளிபரப்பாக இருக்கிறதா? என்ற கேள்விகளும் எழும்பி வருகிறது.

காரணம் பணிவிழும் மலர்வனம் என்ற சீரியலின் ப்ரோமோ ஏற்கனவே சில மாதங்களுக்கு முன்பே வெளியாகி இருந்தது. அந்த சீரியலில் ஈரமான ரோஜாவே சீசன் 2 சீரியலில் கதாநாயகனாக நடித்த நடிகர் சித்தார்த் தான் இந்த சீரியலிலும் கதாநாயகனாக நடிக்க இருக்கிறார். ஆனாலும் மோதலும் காதலும் சீரியல் முடிவடைந்த பிறகு என்ன நடக்கப்போகிறது என்று பொறுத்திருந்து பார்ப்போம்.