கேரளாவில் திடீரென பரவ தொடங்கிய.. "ஜிக்கா வைரஸ்"..கர்ப்பிணி உட்பட 10 பேருக்கு பாசிட்டிவ்.. சிகிச்சை!

Published: Thursday, July 8, 2021, 22:07 [IST]

Subscribe to Oneindia Tamil

திருவனந்தபுரம்: கேரளாவில் இன்னும் கொரோனா இரண்டாம் அலை முழுமையாக குறையாத நிலையில், அங்கு புதிதாக ஜிக்கா வைரஸ் தாக்குதல் கண்டறியப்பட்டுள்ளது. 10 பேருக்கு ஜிக்கா வைரஸ் பாதிப்பு ஏற்பட்டுள்ளது.

பாதிப்பு

கேரளாவில் 10 பேருக்கு திருவனந்தபுரத்தில் இந்த பாதிப்பு கண்டறியப்பட்டுள்ளது. காய்ச்சல் ஏற்பட்ட 19 பேரின் மாதிரிகளை தேசிய வைரஸ் ஆராய்ச்சி மையத்திற்கு சோதனைக்கு அனுப்பியதில்,10 பேருக்கு ஜிக்கா வைரஸ் தாக்குதல் ஏற்பட்டு இருப்பது கண்டுபிடிக்கப்பட்டுள்ளது. மொத்தம் 13 பேருக்கு இந்த பாதிப்பு இருக்கலாம் என்று சந்தேகிக்கப்படுகிறது.

திருவனந்தபுரம்

இந்த 10 பேரில் பலர் சுகாதார பணியாளர்கள், மருத்துவர்கள் என்று தெரிவிக்கப்பட்டுள்ளது. திருவனந்தபுரத்தில் நேற்று குழந்தை பிரசவித்த பெண் ஒருவருக்கும் ஜிக்கா வைரஸ் தாக்கி உள்ளது. காய்ச்சலோடு அனுமதிக்கப்பட்ட இவருக்கு நேற்று குழந்தை பிறந்தது. இந்த நிலையில் இவரின் ரத்த மாதிரியை சோதனை செய்ததில் ஜிக்கா வைரஸ் கண்டுபிடிக்கப்பட்டது.

நன்றாக உள்ளார்

அந்த பெண்ணின் உடல்நிலை தற்போது இயல்பு நிலையில் இருக்கிறது. இவருக்கு தமிழ்நாடு எல்லைக்கு அருகில் வசித்து வருகிறார். ஜிக்கா வைரஸ் கிட்டத்தட்ட டெங்கு வைரஸ் போன்றதாகும். இந்த வைரஸ் கொசுக்கள் மூலம் பரவ கூடியது. உடலில் தடிப்புகள், காய்ச்சல், தோல் சிவப்பது. எலும்பு வலி ஆகியவை ஜிக்கா வைரஸ் ஏற்பட்டால் உண்டாகும்.

உகாண்டா

உகாண்டாவில் 1947ல் குரங்குகளுக்கு இந்த வைரஸ் தாக்கியது. 1952ல் பின் மனிதர்களுக்கு தாக்கியது. பின்னர் பல்வேறு ஆப்ரிக்க, ஆசிய நாடுகளுக்கு கொசுக்கள் மூலம் பரவியது. இந்த ஜிக்கா வைரஸ் தாக்கும் பலர் அறிகுறியே இன்றி குணமடைவது உண்டு. 2-7 நாட்கள் வரை இதனால் சிலருக்கு காய்ச்சல் நீடிக்கும்.

என்ன கொசு

Aedes aegypti வகை கொசுக்கள் மூலம் இந்த வைரஸ் பரவும். இதே வகை கொசுக்கள்தான் டெங்கு, சிக்கன்குன்யா, மஞ்சள் காமாலை போன்றவற்றையும் ஏற்படுத்தும். இந்த வைரஸ் பெரிய அளவில் பாதிப்புகளை ஏற்படுத்தாது என்றாலும் கர்ப்பிணிகள் இதனால் பாதிக்கப்பட்டால் கருவில் உள்ள குழந்தைகள் பாதிப்படைய வாய்ப்புள்ளது.

Published On July 8, 2021