முதல்வர் பினராயி விஜயன் பின்னடைவு.. தர்மடம் தொகுதியில் காங்கிரஸ் கொடுத்த ஷாக்
திருவனந்தபுரம்: கேரளா சட்டசபை தேர்தலில் முதல்வர் பினராயி விஜயன் பின்னடைவை சந்தித்துள்ளார். அவர் காங்கிரஸ் வேட்பாளரிடம் பின்தங்கி உள்ளார்.
கேரளா சட்டசபை தேர்தல் வாக்கு எண்ணிக்கை இன்று விறுவிறுப்பாக நடந்து வருகிறது. இதில் முதல்வராக இருக்கும் மார்க்சிஸ்ட் கம்யூனிஸ்ட் கட்சியின் பினராயி விஜயன் தர்மடம் தொகுதியில் போட்டியிட்டுள்ளார். தற்போது அந்த தொகுதியின் எம்எல்ஏவாக அவர் உள்ள நிலையில் மீண்டும் களமிறங்கி உள்ளார்.
இவரை எதிர்த்து காங்கிரஸ் சார்பில் அப்துல் ரஷீத், பாஜக சார்பில் ரஞ்சித் உள்ளிட்டவர்கள் போட்டியிட்டுள்ளனர். இன்று வாக்கு எண்ணிக்கை தொடங்கியபோது பினராயி விஜயன் முன்னிலை வகித்தார். ஆனால் அதன்பிறகு பின்தங்கினார்.
காலை 11 மணி நிலவரப்படி 5 சுற்று வாக்கு எண்ணிக்கை முடிவடைந்துள்ளது. இதில் காங்கிரஸ் வேட்பாளர் அப்துல் ரஷீத் 27,869 வாக்குகள் பெற்று முன்னிலையில் உள்ளார். பினராயி விஜயன் 26,779 வாக்குகள் பெற்று பின்னடைவை சந்தித்துள்ளார். இருவருக்கும் இடையேயான வாக்கு வித்தியாசம் 1,090 ஆகும்.
இந்த தொகுதியில் பாஜக வேட்பாளர் ரஞ்சித் மொத்தம் 5,232 வாக்குகள் வாங்கி 3வது இடத்தில் உள்ளார். காங்கிரஸ் கட்சியின் அப்துல் ரஷீத் மற்றும் பினராயி விஜயன் இடையே கடும் போட்டி நிலவி வரும் நிலையில் வெல்லப்போவது யார்? என்ற பெரும் எதிர்பார்ப்பு ஏற்பட்டுள்ளது.
Click it and Unblock the Notifications
Sign in with Google