அச்சுறுத்தும் சைபர் தாக்குதல்கள்.. இணைய பாதுகாப்பு மாநாட்டை நடத்தும் கேரளா! பதிவுக்கு முந்துங்கள்

திருவனந்தபுரம்: இந்தியாவில் சைபர் குற்றங்கள் குறித்த அச்சுறுத்தல்கள் அதிகரித்து வரும் நிலையில், இன்ஃபர்மேஷன் செக்யூரிட்டி ரிசர்ச் அசோசியேஷன் (ISRA) மற்றும் கேரள காவல்துறை இணைந்து, முன்னணி உலகளாவிய இணையப் பாதுகாப்பு நிறுவனங்களை இணைத்து இணைய பாதுகாப்பு மாநாட்டை நடத்த இருக்கிறது.

'c0c0n 2025' என பெயரிடப்பட்டிருக்கும் இந்த மாநாட்டிற்கான பதிவு அதிகாரப்பூர்வமாக தொடங்கியுள்ளது. இந்த மாநாடு அக்டோபர் 10 மற்றும் 11 தேதிகளில் கொச்சியில் உள்ள கிராண்ட் ஹயாத்தில் நடைபெற உள்ளது.

மாநாட்டுக்கு முன்னதாக, அக்டோபர் 7, 8, மற்றும் 9 ஆம் தேதிகளில் உலகளாவிய இணையப் பாதுகாப்பு நிபுணர்களால் சிறப்பு பயிற்சிப் பட்டறைகள் நடத்தப்படும். இது மேம்பட்ட இணையப் பாதுகாப்பு உத்திகள் குறித்த நேரடி அனுபவத்தை வழங்கும்.

'c0c0n 2025' மாநாடு, AI மூலமான இணையத் தாக்குதல்கள், ரான்சம்வேர், குவாண்டம் கம்ப்யூட்டிங் அச்சுறுத்தல்கள் மற்றும் பிற வளர்ந்து வரும் இணையப் பாதுகாப்பு சவால்களை எப்படி சமாளிப்பது என்பது குறித்து ஆலோசனை மேற்கொள்ளும்.

AI மூலம் இணையத் தாக்குதல்கள், ரான்சம்வேர் (RaaS), அரசு ஆதரவு ஹேக்கிங், மற்றும் டீப்ஃபேக்-மூலம் தவறான தகவல் பரப்புதல் போன்ற சம்பவங்கள் அதிகரித்து வரும் நிலையில் கேரளா நடத்தும் இணைய பாதுகாப்பு மாநாடு கவனம் பெற்றிருக்கிறது.

இதில் ஆர்டிஃபிஷியல் இன்டெலிஜென்ஸ் & இணையப் பாதுகாப்பு, ரான்சம்வேர் பரிணாம வளர்ச்சி, குவாண்டம் கம்ப்யூட்டிங் அச்சுறுத்தல்கள், டீப்ஃபேக்குகள் & தகவல் போர், கிளவுட் & IoT பாதுகாப்பு, சப்ளை செயின் தாக்குதல்கள், மற்றும் டிஜிட்டல் தடயவியல் & சம்பவ எதிர்வினை போன்ற முக்கிய பகுதிகள் மீது கவனம் செலுத்தப்படும்.

இணையத் தாக்குதல்களுக்கு AI எவ்வாறு பயன்படுத்தப்படுகிறது மற்றும் அதை எப்படி எதிர்கொள்வது, ரான்சம்வேர் தாக்குதல்கள் தனிநபர்களிடம் இருந்து பெரிய குழுக்களாக மாறுவது, மற்றும் குவாண்டம் கம்ப்யூட்டிங் மூலம் தற்போதைய குறியாக்க தரநிலைகள் உடைக்கப்படக்கூடிய ஆபத்துகள் குறித்து விவாதிக்கப்படும்.

மேலும், அரசியல், நிதி மற்றும் சமூக நிலைத்தன்மைக்கு AI-உருவாக்கப்பட்ட தவறான தகவல்களால் ஏற்படும் அச்சுறுத்தல்களைச் சமாளித்தல், 5G, இணைக்கப்பட்ட சாதனங்கள், தொழில்துறை IoT மற்றும் ஸ்மார்ட் நகரங்களில் உள்ள பாதிப்புகளைக் கையாளுதல் போன்ற தலைப்புகள் இதில் அடங்கும்.

சமீபத்திய உலகளாவிய தாக்குதல்களில் சப்ளையர்கள் மூலம் முக்கியமான உள்கட்டமைப்பில் ஊடுருவியது குறித்த பாடங்கள், விரைவான தாக்குதல் கண்டறிதல், அடையாளம் காணுதல் மற்றும் ஒருங்கிணைந்த சட்ட அமலாக்க நடவடிக்கைகளின் தேவை குறித்தும் ஆராயப்படும்.

வங்கி & நிதி சேவைகள் (BFSI), ஃபின்டெக், சுகாதாரம் & பார்மா, கல்வி & ஆராய்ச்சி நிறுவனங்கள், உற்பத்தி, ஆட்டோமொபைல்ஸ், எண்ணெய் & எரிவாயு, சில்லறை, மின் வணிகம், ஊடகம், மற்றும் அரசுத் துறைகள் போன்ற முக்கியமான துறைகளுக்கான தடுப்பு உத்திகளை மாநாடு விவரிக்கும்.

உலகளவில் புகழ்பெற்ற இணையப் பாதுகாப்பு நிபுணர்கள், ஹேக்கர்களை தடுக்கும் ஹேக்கர்கள், மற்றும் புலனாய்வு அமைப்புகளின் உயர் அதிகாரிகள் சமீபத்திய தொழில்நுட்பங்கள், நிஜ உலக தாக்குதல் வழக்கு ஆய்வுகள், மற்றும் கூட்டுப் பாதுகாப்பு வழிமுறைகள் குறித்து தங்கள் கருத்துக்களைப் பகிர்ந்துகொள்வார்கள்.

கடைசியாக கடந்த 2008ம் ஆண்டு இந்த மாநாடு கொச்சியில் நடந்தது. அப்போது கொச்சி நகர போலீஸ் கமிஷனரின் தலைமையில் மாநாடு தொடங்கி வைக்கப்பட்டது. அது ஒரு உலகளவில் அங்கீகரிக்கப்பட்ட இணையப் பாதுகாப்பு தளமாக வளர்ந்துள்ளது.

கடந்த 18 ஆண்டுகளில், இது சைபர்டோம், ட்ரோன் தடயவியல் ஆய்வகம், மற்றும் குழந்தைகள் பாலியல் சுரண்டல் தடுப்பு மையம் போன்ற கண்டுபிடிப்புகளுக்கு வழிவகுத்துள்ளது, இந்தியாவில் சட்ட அமலாக்க-தொழில்துறை ஒத்துழைப்புக்கான புதிய அளவுகோல்களை அமைத்துள்ளது.

c0c0n 2025 ஆனது இன்ஃபர்மேஷன் செக்யூரிட்டி ரிசர்ச் அசோசியேஷன் (ISRA) மற்றும் கேரள காவல்துறை ஆகியவற்றால் இணைந்து, முன்னணி உலகளாவிய இணையப் பாதுகாப்பு நிறுவனங்களுடன் இணைந்து ஏற்பாடு செய்யப்படுகிறது.

English summary

Registration is now open for c0c0n 2025, India’s largest cybersecurity conference, scheduled to be held in Kerala. The event features workshops, expert talks, and hacking challenges for professionals and enthusiasts.