5 மேட்டரும் ரொம்ப முக்கியம்..சுற்றுலாவில் செய்ய வேண்டியதும் செய்யக்கூடாததும்!பயணிகள் அவசியம் படிங்க

சென்னை: சுற்றுலா செல்வதற்கு முன் பயணிகள் அறிய வேண்டிய 5 முக்கிய விசயங்கள் குறித்து தமிழ்நாடு சுற்றுலா துறை விளக்கம் அளித்து உள்ளது.

மழைக்காலம் நிறைவடைந்து இருக்கும் சூழலில் மீண்டும் கிடைக்கும் வார விடுமுறைகள், தனி விடுமுறைகள் எடுத்து சுற்றுலா செல்ல தொடங்கி இருக்கிறார்கள் பொதுமக்கள். மலை வாசஸ்தலங்கள், கடற்பகுதிகள், வெளிமாநிலங்கள், வெளிநாடுகள், வரலாற்று தலங்கள் என பல்வேறு பகுதிகளை நோக்கி இவர்கள் புறப்பட தொடங்கி இருக்கிறார்கள். ஆனால், சுற்றுலா என்றால் என்ன? அதை முழு திருப்தியோடு அனுபவிப்பது எப்படி? என்று பலருக்கும் தெரியவில்லை.

வெறும் கண்களால் இயற்கையின் அழகை ரசிக்காமல் கேமராவின் வழியாக செல்போனில் பார்ப்பதையே பலர் வாடிக்கையாக்கி கொண்டுள்ளனர். நினைவுகளுக்காக புகைப்படங்கள், வீடியோக்கள் எடுப்பது தவறில்லை. ஆனால், இயற்கையை அனுபவிக்காமல் செல்போனிலேயே நேரத்தை வீணடிக்கிறார்கள். மற்றொரு தரப்பினர் ஷாப்பிங் செய்வதில் மட்டுமே கவனத்தை செலுத்துகிறார்கள். மேலும் சிலரோ அறையை எடுத்து தங்கி இரவெல்லாம் செல்போன் பயன்படுத்திவிட்டு, பகலெல்லா உறக்கத்திலேயே சுற்றுலா வீணடித்து விடுகின்றனர்.

ஒரு சுற்றுலா என்றால் எப்படி இருக்க வேண்டும், சுற்றுலா பயணிகள் என்னவெல்லாம் செய்யலாம், என்னவெல்லாம் செய்யக் கூடாது என 5 அம்சங்களை குறிப்பிட்டு உள்ளது தமிழ்நாடு சுற்றுலா துறை. அதில், “

1. ஆடை
தமிழ்நாட்டின் சில பகுதிகள், குறிப்பாக சிறிய நகரங்கள் மற்றும் கிராமங்களில், பாரம்பரிய உடைகள் உள்ளன. தேர்ந்தெடுக்கப்பட்ட மத இடங்களுக்கான ஆடைக் குறியீடுகளில் சில உங்கள் தலையை மூடுவது, வெறுங்காலுடன் இருப்பது போன்றவை அடங்கும். அத்தகைய இடங்களுக்குச் செல்லும்போது உள்ளூர் பழக்க வழக்கங்கள் மற்றும் மரபுகளைப் பற்றி அறிய முயற்சிக்கவும்.

2. உணவு
கொதித்த தண்ணீரை மட்டும் குடிப்பது நல்லது. குடிநீர் பாட்டில்களைப் பயன்படுத்திய பின் அவற்றை முறையாக அப்புறப்படுத்தவும். அந்நியர்களிடமிருந்து உணவு மற்றும் பானங்களை எடுத்துக்கொள்வதை ஏற்றுக்கொள்ளாதீர்கள்.

3. கடையில் பொருட்கள் வாங்குதல்
அரசாங்க கைவினைப் பொருட்கள் கடைகள் அல்லது எம்போரியத்தில் விலைகள் நிர்ணயிக்கப்பட்டு தர சான்றளிக்கப்பட்டு உள்ளன. கார்டு மூலம் பணம் செலுத்தினால், உங்கள் கிரெடிட் அல்லது டெபிட் கார்டு ஸ்வைப் செய்யப்பட வேண்டும். உங்கள் முன்னிலையில் அச்சிடப்பட வேண்டும் என்று வலியுறுத்துங்கள். அனைத்து பொருட்களுக்கும் விலைப் பட்டியலைப் பெற முயற்சிக்கவும்.

4. சுற்றிப்பார்த்தல்
அருங்காட்சியகங்கள், நினைவுச் சின்னங்கள், அரண்மனைகள் போன்றவற்றைப் பார்வையிடுவதற்கு முன் பார்வையிடும் நேரம் மற்றும் மூடப்படும் நாட்களைக் கண்டறியவும். பொது இடங்களில் புகைபிடித்தல் மற்றும் மது அருந்துதல் அனுமதிக்கப்படாது. பெரும்பாலான இடங்களில் ஆங்கிலம் மற்றும் பிற வெளிநாட்டு மொழிகள் பேசும் அரசு பயிற்சி பெற்ற & அங்கீகரிக்கப்பட்ட வழிகாட்டிகளை பணியமர்த்தலாம். புகைப்பட அடையாளச் சான்றினைக் காட்ட வழிகாட்டியைக் கேளுங்கள். பரிவர்த்தனைக்கான அச்சு விலைப் பட்டியலுடன், அங்கீகரிக்கப்பட்ட பயண முகவர்கள் அல்லது டூர் ஆபரேட்டர்கள் மூலம் மட்டுமே விமானம், ரயில் மற்றும் பேருந்து டிக்கெட்டுகளை வாங்கவும்.

5. பாதுகாப்பாகவும் பாத்திரமாகவும் இருக்க வேண்டும்
அறிமுகமில்லாதவர்களிடமிருந்து லிஃப்ட் ஏற்க வேண்டாம். தனிமைப்படுத்தப்பட்ட இடங்களையும், இரவில் தனியாக வெளியே செல்வதையும் தவிர்க்கவும். பாதுகாப்பு தாழ்ப்பாள் இல்லாமல் அல்லது நபரின் அடையாளத்தை சரிபார்க்காமல் உங்கள் ஹோட்டல் அறையைத் திறக்க வேண்டாம்.

English summary

Tamil Nadu Tourism Department has explained about 5 important things that travelers should know before going to a tour.