நெல்லை மாவட்டத்தில் ஏப்ரல் 11ல் உள்ளூர் விடுமுறை.. பங்குனி உத்திரத்தையொட்டி கலெக்டர் அறிவிப்பு

திருநெல்வேலி: பங்குனி உத்திர திருநாளையொட்டி ஏப்ரல் 11ம் தேதி(வெள்ளிக்கிழமை) திருநெல்வேலி மாவட்டத்துக்கு உள்ளூர் விடுமுறை அளிக்கப்படுகிறது. அரசு பொதுத்தேர்வுகளுக்கு இடையூறு ஏற்படாத வகையில் அனைத்து மாநில அரசு அலுவலகங்களுக்கும், நிறுவனங்களுக்கும் உள்ளூர் விடுமுறை விடப்பட உள்ளது என்று திருநெல்வேலி மாவட்ட கலெக்டர் சுகுமார் அறிவித்துள்ளார்.

இதுதொடர்பாக திருநெல்வேலி கலெக்டர் சுகுமார் வெளியிட்டுள்ள அறிக்கையில் கூறப்பட்டுள்ளதாவது: பங்குனி உத்திர திருநாள் (பங்குனி 28) 11.04.2025 வெள்ளிக்கிழமை அன்று கொண்டாடப்பட உள்ளது. இதையொட்டி திருநெல்வேி மாவட்டம் முழுவதும் உள்ளூர் விடுமுறை விடப்படுகிறது.

மாவட்டம் முழுவதும் அரசு பொதுத்தேர்வுகளுக்கு இடையூறு ஏற்படாத வகையில் அனைத்து மாநில அரசு அலுவலகங்களுக்கும், நிறுவனங்களுக்கும் உள்ளூர் விடுமுறை நாளாக அறிவிக்கப்படுகிறது.

மேற்குறிப்பிட்ட நாளில் அரசு பொதுத்தேர்வுகள் ஏதுமிருப்பின் பொதுத்தேர்வு எழுதும் பள்ளி மாணவர்கள், பொதுத்தேர்வு நடைபெறும் பள்ளிகள் மற்றும் பொதுத்தேர்வு தொடர்பாக பணியாற்றும் ஆசிரியர்களுக்கு இந்த உள்ளூர் விடுமுறையானது பொருந்தாது. மேற்படி 11.04.2025 உள்ளூர் விடுமுறை நாளன்று நடத்தப்படும் அரசு பொதுத்தேர்வுகள் அனைத்தும் எவ்வித மாறுதலுமின்றி நடைபெறும்.

மேற்படி உள்ளூர் விடுமுறையானது செலாவணி முறிச்சட்டம் 1881-ன் கீழ் அறிவிக்கப்படிவல்லை என்பதால் வங்கிகளுக்கு இவ்விடுமுறை பொருந்தாது. இம்மாவட்ட கருவூல மற்றும் அனைத்து சார்நிலை கருவூலங்களும் குறைந்தபட்ச பணியாளர்களை கொண்டு அரசு காப்புகள் தொரட்பாக அவசர பணிகளை கவனிப்பதற்காக செயல்படும் எனவும் தெரிவிக்கப்படுகிறது.

மேலே குறிப்பிடப்பட்டுள்ள உள்ளூர் விடுமுறையை ஈடு செய்யும் வகையில் (26.04.2025) 4வது சனிக்கிழமை அன்று வேலை நாளாக அறிவிக்கப்படுகிறது. அச்சமயம் கோடை விடுமுறையில் உள்ள கல்வி நிறுவன மாணவ மாணவியருக்கு இந்தவேலை நாள் பொருந்தாது'' என்று தெரிவிக்கப்பட்டுள்ளது.

English summary

Tirunelveli district will observe a local holiday on April 11 (Friday) on the occasion of Panguni Utiram Thirunal. Tirunelveli District Collector Sukumar has announced that a local holiday will be declared for all state government offices and institutions so as not to disrupt the government public examinations.