சென்னையில் நாளை மாநகர பேருந்துகள் இயங்குமா? பெங்கல் புயலுக்கு நடுவே முக்கிய அறிவிப்பு
சென்னை: ஃபெங்கல் புயல் நாளை கரையை கடக்க உள்ளது. இந்த புயல் காரணமாக சென்னையில் நாளை மாநகர பஸ்கள் இயங்குமா? இல்லையா என்பது பற்றி சென்னை மாநகர போக்குவரத்து கழகம் அறிவித்துள்ளது.
ஃபெங்கல் புயல் காரணமாக நாளை சென்னை, புதுச்சேரியில் கனமழை பெய்யும் என்று தெரிவிக்கப்பட்டுள்ளது. இந்த புயல் நாளை பிற்பகலில் காரைக்கால் - மாமல்லபுரம் இடையே புதுச்சேரி அருகே கரையை கடக்க உள்ளது.
இந்நிலையில் புயல் கரையை கடப்பதையொட்டி சென்னை மக்களுக்கு அரசு சார்பில் முக்கிய அறிவுரைகள் வழங்கப்பட்டுள்ளது. மேலும் சென்னையில் நாளை மாநகர அரசு பஸ்கள் இயங்குமா? இல்லையா? என்பது பற்றிய அறிவிப்பு வெளியாகி உள்ளது.
அதன்படி புயல் காரணமாக நாளை சென்னை மாநகர பேருந்துகள் நாளை வழக்கம் போல இயங்கும். புயல் காரணமாக போக்குவரத்து சேவையில் மாற்றம் இல்லை என்று சென்னை பெருநகர பேருந்து போக்குவரத்து கழகம் அறிவிப்பு வெளியிட்டுள்ளது. சென்னை ஓஎம்ஆர் மற்றும் இசிஆர் சாலைகளில் மட்டும் மதியத்துக்கு மேல் பஸ் சேவைகள் இருக்காது என்று தெரிவிக்கப்பட்டுள்ளது. பிற்பகலில் புயல் கரையைக் கடக்கும் போது கிழக்கு கடற்கரைச் சாலை, ஓ.எம்.ஆர். சாலையில் பொதுப் போக்குவரத்து தற்காலிகமாக நிறுத்தப்பட உள்ளது.
அதேபோல் ரயில் சேவையிலும் மாற்றம் என்பது தற்போது வரை செய்யப்படவில்லை. இருப்பினும் காற்றின் வேகத்திற்கு ஏற்ப ரயில் சேவையில் மாற்றம் இருக்கும் என ரயில்வே சார்பில் தெரிவிக்கப்பட்டுள்ளது. இந்த புயல் காரணமாக சென்னையில் ஐடி ஊழியர்கள் வீட்டில் இருந்தே பணியாற்ற அறிவுரை வழங்கப்பட்டுள்ளது. அதோடு மக்கள் தேவையின்றி வெளியே வர வேண்டாம் என்று அரசு சார்பில் தெரிவிக்கப்பட்டுள்ளது.
சென்னை, திருவள்ளூர், காஞ்சி, செங்கல்பட்டு, நாகை, கடலூர், விழுப்புரம், கள்ளக்குறிச்சி ஆகிய மாவட்டங்களில் பள்ளி, கல்லூரிகளுக்கு விடுமுறை அறிவிப்பு மாணவர்களுக்கு சிறப்பு வகுப்பு, தேர்வு போன்ற எந்த நிகழ்வுகளும் நடத்த வேண்டாம் என அரசு அறிவுறுத்தல்
மேலும் சென்னை வண்டலூர் பூங்கா நாளை மூடப்படும். அதேபோல் பிற பூங்காக்கள், கடற்கரைகள் மூடப்பட உள்ளது. கட்டுமானத் தளங்களில் உள்ள உயர் கிரேன்கள், விளம்பர பதாகைகளை பாதுகாப்பாக கீழே இறக்க உத்தரவு பிறப்பிக்கப்பட்டுள்ளது.
ன்னை உள்பட கடலோர மாவட்டங்களில் உள்ள கடற்கரையில் பொதுமக்கள் கூடவும், குளிக்கவும் தடை விதிக்கப்பட்டுள்ளது.
Click it and Unblock the Notifications
Sign in with Google