சுட்டெரித்த வெயில்.. மாற்றமே கிடையாது.. சென்னைக்கு நாளையும் சம்பவம் தான்.. தமிழ்நாடு வெதர்மேன்
சென்னை: சென்னை மீனம்பாக்கம், நுங்கம்பாக்கத்தில் இன்று பதிவான வெப்பம் தான் நடப்பு ஆண்டிலேயே அதிக வெப்பமான நாள் என்றும், இன்று வெப்பநிலை எப்படி இருந்ததோ அதேபோல தான் நாளையும் வெப்பநிலை பதிவாகும் என்று தமிழ்நாடு வெதர்மேன் தெரிவித்துள்ளார்.
தமிழகத்தில் கடந்த சில நாட்களாக பரவலாக மழை பெய்தது. சென்னையில் கூட அவ்வப்போது லேசான மழை பெய்தது. மேற்கு தொடர்சி மலையை ஒட்டிய பகுதியில் பரவலாக மழை பெய்தது. தற்போது கடந்த 2 நாட்களாக சென்னையில் வெயில் அடித்து வருகிறது.
அதிலும் இன்று வெயில் 106 டிகிரி பாரன்ஹீட்டை தாண்டி பதிவானது. இதனால் மக்கள் கடும் அவதியடைந்தனர். 106 டிகிரி பாரன்ஹீட் என்று வானிலை மையம் கூறினாலும், வெயில் 110 டிகிரியை தாண்டி கொளுத்தியது போல் மக்கள் உணர்ந்தனர். இதேபோல் வரும் 30 ஆம் தேதி வரை தமிழகத்தில் 2 - டிகிரி செல்சியஸ் வரை வெப்பநிலை உயர வாய்ப்புள்ளதாக சென்னை வானிலை ஆய்வு மையம் தெரிவித்து இருந்தது.
இதற்கிடையே நடப்பு ஆண்டிலேயே அதிக வெப்பமான நாள் இன்று தான் என்றும், இன்று வெப்பநிலை எப்படி இருந்ததோ, அதேபோல தான் நாளையும் வெப்பநிலை பதிவாகும் என்றும் தனியார் வானிலை ஆய்வாளரான தமிழ்நாடு வெதர்மேன் பதிவிட்டுள்ளார். இது தொடர்பாக தமிழ்நாடு வெதன்மேன் பிரதீப் ஜான் கூறியிருப்பதாவது:-
மீனம்பாக்கத்தில் இன்று 41.3 செல்சியஸ் வெப்பமும், நுங்கம்பாக்கத்தில் 41.1 செல்சியஸ் வெப்பமும் பதிவாகியுள்ளது. இந்த ஆண்டிலேயே அதிக வெப்பமான நாள் இதுதான்.. தமிழ்நாட்டில் அதிக வெப்பமான இடமான மீண்டும் இந்த இரண்டு இடங்கள் உள்ளன. நாளையும் எந்த மாற்றமும் இருக்காது. இவ்வாறு அவர் பதிவிட்டுள்ளார்.
வேலூருக்கே விபூதி அடித்த சென்னை.. தமிழ்நாட்டில் இன்று வெயில் சதமடித்த ஊர்களின் லிஸ்ட்டில் ட்விஸ்ட்
முன்னதாக இன்று சென்னையில் அதிகபட்சமாக 106 டிகிரி பாரன்ஹீட் வெயில் பதிவாகியுள்ளது. சென்னைக்கு அடுத்தபடியாக திருவள்ளூர் மாவட்டம் திருத்தணியில் 104 டிகிரி பாரன்ஹீட்டும், வேலூரில் 104 டிகிரி பாரன்ஹீட்டும், திருப்பத்தூரில் - 102 டிகிரி பாரன்ஹீட்டும் பதிவாகியிருந்தது.
இதற்கு அடுத்தபடியாக, மதுரையில் 101 டிகிரி பாரன்ஹீட்டும், பரங்கிப்பேட்டை, மதுரை விமான நிலையம், புதுச்சேரி, நாகப்பட்டினத்தில் 101 டிகிரி பாரன்ஹீட் பதிவாகியிருந்தது. இதேபோல் தஞ்சாவூர், கடலூரில் 100 டிகிரி பாரன்ஹீட் வெப்பம் பதிவாகியிருந்ததாக சென்னை வானிலை ஆய்வு மையம் தெரிவித்து இருந்தது.
தமிழ்நாட்டில் அடுத்த ஒரு வாரம்.. வெயிலும் இருக்கு.. மழையும் இருக்கு.. சென்னை வானிலை மையம் அப்டேட்
இதேபோல், சென்னையை பொறுத்தவரை அடுத்த 2 நாட்களுக்கு வெப்பநிலை 102 டிகிரி பாரன்ஹீட்டை ஒட்டி இருக்கும் என்றும் வானிலை ஆய்வு மையம் கணித்திருந்தது. மேலும் குமரிக்கடல் மற்றும் மன்னார் வளைகுடா பகுதிகளில் 55 கிலோ மீட்டர் வேகத்தில் சூறைக்காற்று வீசக்கூடும் என்பதால், அப்பகுதிகளுக்கு மீனவர்கள் செல்ல வேண்டாம் என்று வானிலை மையம் எச்சரிக்கை விடுத்திருந்தது.
Click it and Unblock the Notifications
Sign in with Google