Assam: 'செஞ்சுரி' சொல்லியடிக்கும் ஹிமந்தா பிஸ்வா சர்மா.. கணிப்பு பலித்தது; NDA 100 இடங்களை நெருங்குகிறது

Updated: Friday, May 8, 2026, 9:42 [IST]

Subscribe to Oneindia Tamil

அசாம் சட்டமன்றத் தேர்தல் 2026-க்கான வாக்கு எண்ணிக்கை எதிர்பார்க்கப்பட்டதை காட்டிலும் அதிகரித்து வருகிறது. தற்போதைய நிலவரப்படி, பாஜக தலைமையிலான தேசிய ஜனநாயகக் கூட்டணி (NDA) 100 இடங்களை நெருங்கி வருகிறது.

தற்போதைய அசாம் முதலமைச்சர் ஹிமந்தா பிஸ்வா சர்மாவின் கணிப்பை வாக்கு எண்ணிக்கை விபரங்களும் உறுதிப்படுத்துகிறது. தேர்தலுக்கு முன்பே ஹிமாந்தா "NDA கூட்டணி 90 முதல் 100 இடங்களை வெல்லும்" என்று துல்லியமாகக் கூறியிருந்தார். இப்போது அந்தக் கணிப்பு உண்மையாகும் வாய்ப்பு அதிகரித்துள்ளது.

Assam election politics BJP 2026 NDA 100 Assam Election 2026 Live Himanta Biswa Sarma Prediction NDA 100 Seats Assam BJP Assam Leads Assam Assembly Polls 2026 assam election 2026 live results himanta biswa sarma prediction comes true nda nearing 100 seats assam bjp leading 77 seats assam himanta jalukbari lead 4500 votes assam assembly election early trends himanta 90-100 seats forecast nda assam victory prediction jalukbari himanta leading assam bjp congress leads himanta biswa sarma accurate prediction assam election party wise results nda assam 2026 assam chief minister poll prediction bjp agp bopf alliance assam 2026 nda 100 77 4500 90-100 nda nda 2026

ஹிமந்தாவின் துல்லியமான கணிப்பு பலித்தது

தேர்தலுக்கு முன்பு பல முறை பத்திரிகையாளர்களிடம் பேசிய ஹிமந்தா பிஸ்வா சர்மா, "நாங்கள் 90 முதல் 100 இடங்களை வெல்வோம். காங்கிரஸ் 16-17 இடங்கள், AIUDF 5-6 இடங்கள், ரைஜோர் தளம் 1 இடம் மட்டுமே பெறும்" என்று தெளிவாகக் கூறியிருந்தார்.

அவர் குறிப்பிட்ட சில தொகுதிகளான திஹு, நல்பாரி ஆகியவற்றில் NDA பெரும் வித்தியாசத்தில் வெல்லும் என்றும், சிவசாகர் தொகுதியில் கடைசியில் NDA வெற்றி பெறும் என்றும் துல்லியமாகச் சொன்னார். தற்போது வாக்கு எண்ணிக்கையின் ஆரம்பப் போக்கு அவரது இந்தக் கணிப்பை உறுதிப்படுத்துகிறது.

ஜலுக்பாரி தொகுதி

அசாம் முதலமைச்சர் ஹிமந்தா பிஸ்வா சர்மா போட்டியிடும் ஜலுக்பாரி தொகுதியில் அவர் பெரும் வாக்குகள் வித்தியாசத்தில் முன்னிலை வகிக்கிறார். 2001 முதல் இந்தத் தொகுதி அவரை தொடர்ந்து வெற்றியை கொடுத்து அவரை அசாம் சட்டமன்றத்துக்கு அனுப்பி வருகிறது.

இந்த முறையும் அவர் காங்கிரஸ் வேட்பாளர் பிதிஷா நியோக் மற்றும் சுயேச்சை வேட்பாளர் தீபிகா தாஸ் ஆகியோரை பெரும் வித்தியாசத்தில் முன்னிலையில் வெல்லப்போகிறார்.

கட்சி வாரியாக ஆரம்ப முன்னிலை நிலவரம்

தேர்தல் ஆணையத்தின் தரவுகள் படி, பாரதிய ஜனதா கட்சி (BJP) 77 தொகுதிகளில் முன்னிலை வகிக்கிறது. இந்திய தேசிய காங்கிரஸ் (INC) 25 தொகுதிகளிலும், போடோலாந்த் பீப்பிள்ஸ் ஃபிரண்ட் (BOPF) மற்றும் அசம் கணா பரிஷத் (AGP) தலா 10 தொகுதிகளிலும் முன்னிலையில் உள்ளன. AIUDF 2 தொகுதிகளிலும், UPPL, ரைஜோர் தளம் (RJRD) தலா ஒரு தொகுதியிலும் முன்னிலை வகிக்கின்றன. மொத்தம் 126 தொகுதிகளின் ஆரம்ப நிலவரம் NDA கூட்டணிக்கு மிகவும் சாதகமாக உள்ளது.

EVM வாக்குகள் முழுமையாக எண்ணப்படும் வரை இறுதி முடிவுகள் உறுதியாகக் கூற முடியாது. ஆனால் தற்போதைய போக்கு NDA கூட்டணிக்கு வலுவான வெற்றியை உறுதிப்படுத்துவதாகத் தெரிகிறது.

ஹிமந்தா பிஸ்வா சர்மாவின் துல்லியமான கணிப்பு மற்றும் அவரது தொகுதியில் உள்ள பெரும் முன்னிலை ஆகியவை அசாம் அரசியலில் அவரது செல்வாக்கை மீண்டும் ஒருமுறை நிரூபித்துள்ளன. முழு முடிவுகள் வெளியான பிறகே அசாம் அரசியல் எதிர்காலம் தெளிவாகும்.