சேதி தெரியுமா.... இலங்கை தமிழரின் படத்தில் நடித்தவர் டொனால்ட் ட்ரம்ப்!
கொழும்பு: அமெரிக்காவின் புதிய அதிபராகத் தேர்ந்தெடுக்கப்பட்டுள்ள டொனால்ட் ட்ரம்ப் ஒரு சினிமாவில் நடித்திருக்கிறார். அதுவும் இலங்கையின் பிரபல தமிழ் திரைப்பட தயாரிப்பாளரான சந்தரன் ரத்னம் தயாரித்த ஒரு படத்தில் நடித்துள்ளதாக தகவல் வெளியாகியுள்ளது.
அந்தப் படத்தின் பெயர் 'Ghosts Can't Do It'.
இது குறித்து சந்தரன் ரத்னம் கூறுகையில், "நானும் போ டெரிக் (Bo Derek)கும் இணைந்து தயாரித்த Ghosts Can't Do It திரைப்படத்தில் சிறப்புத் தோற்றத்தில் நடித்துள்ளார் அமெரிக்காவின் இப்போதைய அதிபர் ட்ரம்ப். அன்று எங்களுக்கு அந்த வேடத்தில் நடிக்க சிறந்த வர்த்தகர் ஒருவரே அவசியமாக இருந்தார்.
அவர் அந்த திரைப்படத்தில் முன்னணி வர்த்தகர் வேடத்தில் நடித்துள்ளார். அவர் நடித்த காட்சிகள் நியூயார்க் நகரத்தில் படமாக்கப்பட்டன.
1989ஆம் ஆண்டு தயாரிக்கப்பட்டது இந்தப் படம். அதற்குப் பிறகு அவருடன் தொடர்பு ஒன்றும் இல்லை. அவர் அதிபர் பதவிக்குப் போட்டியிடுவார் என்று யாரும் எதிர்ப்பார்க்கவில்லை. அதிபர் தேர்தலில் அவர் போட்டியிடுவதாக அறிந்ததும் வாழ்த்துக் கூறினேன். இப்போது அதிபராகிவிட்டார். மீண்டும் வாழ்த்துகள்," என்றார்.
Click it and Unblock the Notifications
Sign in with Google