முதல்வர் விஜய்க்கு விழா எடுப்பதில் எந்த பிரயோஜனமும் இல்லை.. ஏன் தெரியுமா? ஆர்கே செல்வமணி ஆதங்கம்

முதல்வர் விஜய்க்கு விழா

அதில், முதல்வருக்கு பாராட்டு விழா நடத்துவதால் திரைப்பட தொழிலாளர்களின் வாழ்க்கையில் எந்த மாற்றமும் ஏற்படப் போவதில்லை. ஆனால் நாங்கள் அவருக்கு நிகழ்ச்சி நடத்தி ஏதோ ஆதாயம் தேடிக்கொள்வது போல ஏதேதோ சிலர் சொல்லிக் கொண்டிருக்கிறார்கள். அதில் எந்த உண்மையையும் கிடையாது. முதல்வர் விஜய் திரைப்பட துறையினரை மட்டும் சந்திக்கிறார் என்று சிலர் சொல்கிறார்கள். அவர் ஒரு நாளைக்கு 100 பேரை சந்திக்கிறார். ஆனால் அதில் ஒரு சில சினிமா பிரபலங்களை சந்தித்ததும் அவர்கள் போட்டோக்கள் வெளியிட்டதும் அந்த போட்டோக்கள் மட்டும் தான் இணையத்தில் வைரலாகி விடுகிறது. உடனே அவர் திரை பிரபலங்களை மட்டும்தான் சந்திப்பாரா என்று என்னிடமே சிலர் கேட்கிறார்கள்.

முதல்வர் பற்றிய விமர்சனங்கள்

முதல்வர் மற்றவர்களையும் சந்திக்கிறார். ஆனால் அவர்கள் வெளியிடும் புகைப்படங்கள் இந்த அளவிற்கு பிரபலமாகவில்லை. அதற்கு நாங்கள் பொறுப்பாக முடியுமா? அதுபோல நாங்கள் முதல்வருக்கு பாராட்டு விழா நடத்துவதற்கு ஒரு நிகழ்ச்சி ஏற்பாடு செய்திருந்தோம். அதனால் எங்களுக்கு எந்த பிரயோஜனமும் கிடையாது. அந்த நிகழ்ச்சியை ஒளிபரப்ப ரைட்ஸ் வாங்குற தொலைக்காட்சிக்கு வேண்டும் என்றால் பிரயோஜனம் இருக்கும். எங்களுக்காக அரசு எந்த ஒரு சலுகைகளையும் செய்யப்போவதில்லை.

வரியில் சலுகை

ஆனால் ஏற்கனவே இதுவரைக்கும் நாங்கள் எங்களுடைய சம்பாத்தியத்தில் 40 பைசா அரசுக்கு வரியாக கொடுத்துக் கொண்டிருந்தோம். அதை இப்போதைய அரசு 30 பைசாவாக மாற்றி இருக்கிறது. அதற்குத்தான் நாங்கள் அவருக்கு நன்றி சொல்ல வேண்டும் என்று நினைக்கிறோம். உடனே எல்லோரும் எங்களுக்கு அரசு எந்த சலுகையும் செய்துவிட்டு என்று நினைக்க வேண்டாம். நாங்கள் கஷ்டப்பட்டு சம்பாதிக்கிற பணத்தில் தான் வரியில் அவர்கள் மாற்றம் செய்திருக்கிறார்களே தவிர அதைவிட எங்களுக்கு வேறு எந்த சலுகையும் கிடைக்கவில்லை.

சினிமா தொழிலாளர்களின் உண்மையான பிரச்சனைகளை முதல்வருடன் எடுத்து சென்று அவர்களுடைய வாழ்வாதாரத்தை பாதுகாக்க நடவடிக்கை எடுக்க வேண்டும் என்பது எங்களுடைய முக்கிய குறிக்கோள். திரைத்துறையை வெளியில் இருந்து பார்க்கும்போது நடிகர்கள் இயக்குநர்கள், தயாரிப்பாளர்கள் என வெளிச்சத்தில் இருப்பவர்கள் மட்டுமே கண்ணுக்கு தெரிகிறார்கள். ஆனால் ஒரு திரைப்படம் உருவாக அவர்களுக்கு பின்னால் ஆயிரக்கணக்கான தொழிலாளர்கள் இருக்கிறார்கள். அவர்களுடைய வேலை தொடர்ந்து இருக்கிறதா? வருமானம் எப்படி இருக்கிறது? வயதான பிறகு அவர்களுக்கு என்ன பாதுகாப்பு இருக்கிறது? மருத்துவம் மற்றும் குடும்ப வாழ்வாதாரம் எப்படி இருக்கிறது? என்பதுதான் முக்கியமான கேள்வி.

இயக்குநர் ஆர்கே செல்வமணி விளக்கம்

இந்த பிரச்சனைகளுக்கு தீர்வு கிடைக்க வேண்டும் என்பதற்காக தான் நாங்கள் அரசிடம் பேச வேண்டும் என்று முயற்சி செய்கிறோம் என பேசியிருந்தார். அப்போது இயக்குனர் சேரன் உள்ளிட்டோர் திரைத்துறைக்கு தனியான நடவடிக்கை தேவை என்றும் வலியுறுத்தி இருக்கிறார்கள்.