துபாயில் தேமுதிக‌வினர் கொண்டாடிய‌ பொங்க‌ல் விழா

துபாய்: த‌மிழ‌க‌ ச‌ட்ட‌ம‌ன்ற‌த்தில் கேப்டன் விஜயகாந்த் அவர்களை எதிர்கட்சித் தலைவராக்கிய தமிழ் சொந்தங்கள் அனைவருக்கும் நன்றி தெரிவிக்கும் வகையில் துபாயில் பொங்கல் திருநாளை முன்னிட்டு 2012 நபர்களுக்கு பொங்கல் வழங்கும் விழா கடந்த 20ம் தேதி காலை ப‌ர்துபாய் கோவிலில் ந‌டைபெற்ற‌து.

இந்த விழாவிற்கு தேமுதிக துபாய் பிரிவு செயலாளர் எக்ஸலன்ட் முருகேஷ் தலைமை வகித்தார். தமிழகத்திலிருந்து வந்திருந்த புதுக்கோட்டை மாவட்ட செயலாளர் திரு. ஜாகிர் உசேன் அவர்கள் சிறப்பு விருந்தினராக கலந்து கொண்டார்.

துணை செயலாளர் தஞ்சை ரவிசந்திரன், துபாய் தேமுதிக உயர்மட்டக்குழுத் தலைவர் முஹம்மது ரபீக், தேரா கிளை செயலாளர் பெரம்பலூர் குமார், வரதராஜ், கல்விக் குழு கமாலுதீன், மருத்துவக் குழு சுந்தர், அபுதாபி கிளை செயலாளர் திருச்சி பாலகிருஷ்ணன், அஜ்மான் கிளை செயலாளர் தங்கராஜ் மற்றும் அனைத்து உயர்மட்டக்குழு, செயற்குழு உறுப்பினர்கள் நிகழ்ச்சி ஏற்பாடுக‌ளை செய்திருந்தனர்.

பின்ன‌ர் தேராவில் நடைபெற்ற உயர்மட்டகுழுக் கூட்டத்தில் ஜாகிர் உசேன் அவர்களுக்கு நினைவு பரிசு வழங்கி கௌரவிக்கப்பட்டது.

English summary

DMDK functionaries have celebrated pongal festival in Dubai by giving pongal to 2012 persons on january 20. Dubai DMDK secretary excellent Murugesh presided over the function.