• search
For Quick Alerts
ALLOW NOTIFICATIONS  
For Daily Alerts

அழியாத காதல் கதை . . .!

|

அருகருகே அமைந்த கிராமம் தான்

எனக்கும் அவளுக்கும் . . .

எல்லோருக்குள்ளும் மலர்ந்தது போலவே

எனக்குள்ளும்

அரும்பு காதல் . . .

அழகாய் பூத்து

காலத்தால் உதிர்ந்து போன - என்

கதை தான் இது . . .

A poem of unforgettable love

உயர் நிலை பள்ளிக்கு

மிதி வண்டி பயணம்

ஒத்தையடி பாதையில் . . .

அவளின்

யதார்த்தமான சந்திப்பு . . .

ஒரு சில நிமிடங்களில்

பரிமாறி கொண்ட

பார்வைகள்

வாரம் நகர்ந்தும்

மறந்து போகாத அந்த நிமிடங்கள் . . . திரும்பவும்

அவளின் ஓர பார்வைக்காகவே

மிதி வண்டியை உருட்டிக்கொண்டு

செல்லும் அளவிற்கு வந்து விட்டது . . .

ஆம்

எனக்குள்ளும் பருவ கால மாற்றம் . . .

அவளுக்கும் அப்படி தான் . . .

என்றோ ஒருநாள் விடுப்பில்

இருந்து மறுநாள் சென்றபோது

அவள் விழியின் விசம்பல்களில். . .

தெரிந்துகொண்டேன் . . .

இங்கு வசன உச்சரிப்புகள் இல்லை

தோழிகள் ஜாடை சொல்லும் வாக்கில்

சங்கதி சொல்வதும்

பார்வையும் சிரிப்பும் மட்டுமே

எங்களுக்கான வாசகங்கள் . . .

அப்போதெல்லாம் ஆணும் பெண்ணும்

பேசுவது என்பது

ஊராரின் பார்வையில் மட்டும் அல்ல

என்குல பெண்களுக்கும் தெய்வ குத்தம் தான் . . .

எட்டி நின்று பேசுவது கூட எட்டாத நிலை தான் . . .

என் காதலுக்கு வார்த்தை தான் இல்லை

ஆனால் கண்களின் மொழியும்

மயிலிறகு குட்டியும்

அவ்வப்போது தூது போனது

சில சமயம் தீபாவளி

பொங்கல் வாழ்த்து

அட்டைகளும் இடம் பெயரும்

இடம் மாறிக்கொண்ட எங்கள் இதயம் போல . . .

அதில் கூட அவள் பெயரோ

என் பெயரோ பொறிக்கப்படவே இல்லை . . .

ஆனாலும் அவள் பெயரை

முணுமுணுக்காத நேரமே இல்லை. . .

அறியாத வயசு

வலி தெரியாத உன் நினைவுகள்

வசந்தமாய் உணர்ந்தேன் . . .

பள்ளி படிப்பு முடிந்து பிரிந்தாலும்

நம் உறவுக்கு பிரிவில்லை என்ற ஒரு உணர்வு . . .

இன்று வகுப்பின் கடைசி நாள்

நம் சந்திப்பின் கடைசி நாள்

என்று தெரியாமல் கூட

உன் கண்ணை வெகு நேரம்

பார்த்து ரசித்து கொண்டிருதேன் . . .

யார் கண்பட்டதோ . . .

கல்லூரி படிப்புக்கு நீயும் நானும்

வேறு வேறு திசைகளில்

அப்போது தொடர்பு கொள்ள வசதியும் இல்லை

கடிதத்தை தவிர . . . ஆனால் அதும் முடியவில்லை . . .

பிரிவோம் என்று தெரியாமல் கூட

நம்மை பிரித்து வைத்தது காலம் . . .

காலம் உருண்டது . . .

கல்லூரி படிப்பை முடித்து

உன்னை காண

மிதி வண்டி எடுத்து வந்து

உன்னை காணாமல்

கண்கலங்கி நின்ற உணர்வுகள்

இன்று நினைத்தாலும்

கண்கள் கலங்கி தானடி போகிறது . . .

இன்று

நீயும் நானும் தூரம் தூரம் தான் . . .

ஆனால் . . .

அந்த ஒத்தையடி பாதையில்

நம் காதலின் கால்தடம் அருகருகே

அழியாத சுவடாய்

இருந்து கொண்டு தான் இருக்கிறது . . .

- ரகு, சென்னை

 
 
 
English summary
A poem of unforgettable love by our reader Raghu.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X