ரீசேல் வேல்யூ.. பார்த்து பார்த்து புதிய வாகனம் வாங்குவாங்க.. கடைசியில் பெருசா சம்பவம் பண்ணுவாங்க
சென்னை: புதிதாய் இருசக்கர வாகனம் அல்லது கார் வாங்க வேண்டும் என ஆசைப்படுவோர், அதன் ரீசேல் வேல்யூ குறித்து ரொம்பவே மெனக்கெடுவார்கள்.. அப்படி வாங்கியவர்களில் 80% பேர் அந்த வண்டியை ஓட்டு ஓட்டுனு ஓட்டி, பழைய இரும்புக் கடைக்கு போகும் நிலையில்தான் விற்க முடிவெடுப்பார்கள்.
பழைய வண்டியை வாங்குவதை விட புதிய வாகனம் வாங்குவதையே பலரும் விரும்புவார்கள்... காரணம் பழைய வண்டியில் பராமரிப்பு செலவு அடிக்கடி ஏற்படும்.. ஏற்கனவே வண்டியை வாங்கியவர்கள் அதை அடித்து துவைத்து விட்டுத்தான் விற்று இருப்பார்கள்..அப்படி விற்ற வண்டியை வாங்கிய காலத்தில் இருந்து, ஏதாவது சிக்கல் வந்து கொண்டே இருக்கும்.. ஒரு கட்டத்தில் ஏண்டா இந்த வண்டியை வாங்கினோம் என்று நினைப்பார்கள்.. அந்த அளவிற்கு சில பழைய வண்டிகள் தொல்லைகள் தரும்.
அதேநேரம் புதிய வண்டி வாங்குவோர், சில வருடங்கள் கழித்து நல்ல விலைக்கு போகுமா அல்லது அடிமாட்டு விலைக்கு போகுமா என்பதை பார்த்து விட்டுத்தான் வாங்குவார்கள்.. ஒரு புதிய வாகனத்தின் விலை என்பது பழைய வாகனமாக மாறும் போது நல்ல விலைக்கு போகுமா இல்லையா என்பதை பொறுத்தே அமைகிறது.. அதேபோல் புதிய வாகனத்தின் விற்பனையுமே, அந்த வாகனத்தின் ரீசேல் வேல்யூவை பொறுத்ததான் நடக்கும்.. இருசக்கர வாகனம், கார், லாரி, சரக்கு வாகனங்கள் என எந்த வாகனங்கள் வாங்கினாலும் இதுவே நிலையாகும்..
புதிய வாகனங்களை பொறுத்தவரை கவனமாக வைத்துக்கொண்டால், குறைந்தது ஐந்த வருடங்களுக்கு பெரிய பிரச்சனைகள் வராது. அவ்வப்போது சர்வீஸ் மட்டும் விட்டால் போதும். இதேபோல் மைலேஜ் நன்றாக கிடைக்கும்.. புத்தம் புதியதாய் இருப்பது, விரும்பிய கலரில், விரும்பிய மாடலில, விரும்பிய டிசைனில் புதிய வாகனங்கள் வாங்க முடியும்.. இந்நிலையில் புதிய வாகனம் வாங்குவோர் ரீசேல் வேல்யூ குறித்து ரொம்பவே மெனக்கெடுவார்கள்.
இதுபற்றி நெட்டிசன் ஒருவர் வெளியிட்ட பதிவில், "புதிதாய் இருசக்கர வாகனம் அல்லது கார் வாங்க வேண்டும் என ஆசைப்படுவோர், அதன் ரீசேல் வேல்யூ குறித்து ரொம்பவே மெனக்கெடுவார்கள்.. அப்படி வாங்கியவர்களில் 80% பேர் அந்த வண்டியை ஓட்டு ஓட்டுனு ஓட்டி, பழைய இரும்புக் கடைக்கு போகும் நிலையில்தான் விற்க முடிவெடுப்பார்கள்.
அப்படி விற்கும் நிலை வரும்போது, அந்த வண்டி அவர்களை நோக்கி "யேய்ய்ய்... ஓனரு, என்னைய வச்சு காமடி கீமடி ஒண்ணும் பண்ணலையே!" என்று ஒரு பார்வை பார்க்கும். எப்போதோ Resale value என்று ரொம்பவும் மெனக்கெட்டது, நினைவில் வரும்... பிறகென்ன... குப்பென அவர்களுக்குள் வெட்கம் பூக்கும்!" என்று கிண்டலாக கூறியுள்ளார். அந்த பதிவு தற்போது வேகமாக பரவி வருகிறது.
Click it and Unblock the Notifications
Sign in with Google