Bison OTT: 5 மொழிகளில் ஓடிடியில் ரிலீஸானது பைசன் காளமாடன்!

By Oneindia Staff

Updated: Friday, November 21, 2025, 12:20 [IST]

Subscribe to Oneindia Tamil

சென்னை: தமிழ் சினிமா உலகில் அதிர்வை ஏற்படுத்திய துருவ் விக்ரமின் புதிய படம் "பைசன் காளமாடன்" இன்று முதல் நெட்ஃபிளிக்ஸ் (Netflix) ஓடிடியில் வெளியாகியுள்ளது.

இயக்குநர் மாரி செல்வராஜின் வழிகாட்டுதலில் துருவ் விக்ரம் இப்படத்திற்காக கடுமையான உடற்பயிற்சிகள் மற்றும் தனிப்பயிற்சிகளை மேற்கொண்டு கபடி விளையாட்டு அடிப்படையிலான இந்த கதாபாத்திரத்தில் சிறப்பாக நடித்துள்ளார். அனுபமா பரமேஸ்வரன் கதாநாயகியாக நடித்திருக்க, பசுபதி, லால், ரஜிஷா விஜயன், அமீர் உள்ளிட்ட முக்கிய நடிகர்கள் ஆகியோர் முக்கிய வேடங்களில் நடித்துள்ளனர்.

இப்படத்திற்கு இசையமைத்தவர் நிவாஸ் கே. பிரசன்னா. அப்ளாஸ் என்டர்டெயின்மென்ட் மற்றும் நீலம் ஸ்டூடியோஸ் இணைந்து தயாரித்துள்ள இப்படம், தமிழில் வெற்றிகரமாக ஓடி முதலை ஈட்டி லாபம் சம்பாதித்து கொடுத்துவிட்டது.

ஆனால் தெலுங்கில் எதிர்பார்த்த அளவு வெற்றி பெறவில்லை. இப்போது, தமிழ், தெலுங்கு, இந்தி, கன்னடம், மலையாளம் என ஐந்து மொழிகளிலும் நெட்ஃபிளிக்ஸில் வெளியாகியுள்ளதால், அதிக அளவிலான பார்வையாளர்களை சென்று சேரும். அவர்கள் கருத்துக்கள் என்னவாக இருக்கும் என்று அறிய படக்குழு காத்துள்ளது.

துருவ் விக்ரம், குடும்பமும் கிராமமும் எதிர்கொள்ளும் ஜாதிப் பிரச்சனைகள், வர்க்க அரசியல், வன்முறை, குடும்ப உறவு இவையெல்லாம் கபடி விளையாட்டுக்கு பின்னணியாக கோர்க்கப்பட்டுள்ளன.