Khushbu : ரஜினிகாந்த் பற்றி வன்மம் நிறைந்த பேச்சு! உங்க வீட்ல இருந்து யாராவது! அதிரடியாக பதிலடி கொடுத்த குஷ்பூ

Updated: Friday, November 14, 2025, 11:35 [IST]

Subscribe to Oneindia Tamil

சென்னை: சினிமாவில் ஒரு பெரிய திட்டத்தில் இருந்து ஒருத்தர் விலகினா, அதுக்கான காரணத்தைப் பேசுறதை விட்டுட்டு, இப்போ சமூக ஊடகங்கள்லக் கிளம்பி இருக்குற கேவலமான பேச்சுக்கள் தான் பெரியச் சலசலப்பைக் கிளப்பி இருக்கு!. நேற்று சுந்தர் சி நடிகர் ரஜினியின் 173 வது படத்தில் இருந்து விலகுவதாக அறிவித்த அடுத்த நொடி ரஜினிகாந்தை கலாய்த்து சில மீம்ஸ்கள் பரவி வந்தது. அதில் மோசமாக கமெண்ட் போட்ட ஒரு நெட்டிசனுக்கு குஷ்பூ தரமான பதிலடி கொடுத்திருக்கிறார்.

சூப்பர் ஸ்டார் ரஜினிகாந்தின் தலைவர் 173 படத்திலிருந்து, இயக்குநர் சுந்தர். சி கண்ணியமான முறையில் விலகியதைத் தொடர்ந்து, 'அரண்மனை 5' மீம்ஸ்களை விடவும், குடும்ப உறுப்பினர்களைத் தாக்கும் விதமாகச் சில மோசமானப பதிவுகள் வர ஆரம்பிச்சுடுச்சு! இதைச் சும்மாப் பார்த்துக்கிட்டு இல்லாம, நடிகை குஷ்பு கொடுத்த பதிலடி தான் இப்போ பெரிய வரவேற்பைப் பெற்று இருக்கு!

Khushbu Rajinikanth Kamal Haasan Sundar C

எல்லை மீறிய வன்மம்

ரஜினிகாந்த், சுந்தர். சி, கமல்ஹாசன் மூன்று பேரும் சேர்ந்த ஒரு பிரம்மாண்டமானத் திட்டத்துல இருந்து சுந்தர். சி விலகினதுக்கு, சிலர் ரொம்பவே வன்மம் நிறைந்தக் கருத்துக்களைப் பதிவிட்டிருக்காங்க: ஒரு இணையவாசி, "ஐட்டம் பாடலுக்குக் குஷ்புவை ஆட சொல்லியிருப்பானோ, அதனால் தான் சுந்தர். சி படத்திலிருந்து விலகிவிட்டார்" என்று மிகவும் அருவருக்கத்தக்க வார்த்தைகளில் ரஜினிகாந்தை பற்றியும், குஷ்புவை பற்றியும் தப்பான கோணத்தில் ஒரு கருத்தைப் பதிவிட்டிருந்தான்.

குஷ்புவின் பதிலடி

பொதுவெளியில் ஒரு பெண்ணைப் பற்றி இப்படி ஆபாசமாகவும், அசிங்கப்படுத்தவும் கருத்துப் போடுவது முற்றிலும் தவறு! இந்த பொதுவான பாவனையை உடைக்கும் விதமாக, குஷ்பு உடனடியாக அந்த நபரின் குரூர புத்திக்குச் சவுக்கடி கொடுக்கும் விதமாக, குஷ்பு, "இல்லை.. உங்க வீட்ல இருந்து யாராவது ஆட வைக்கலாம்னு நினைச்சோம்" எனப் பதிலடி கொடுத்து பதிவிட்டு இருப்பது, ரசிகர்கள் மத்தியில் பரபரப்பைக் கிளப்பி இருக்கு.

கணவருக்கு ஆதரவு - ரஜினிக்கு மரியாதை

இந்த சம்பவத்துல குஷ்பு ஒரு விஷயத்தைத் தெளிவுபடுத்தியிருக்காங்க. அது என்னன்னா: தன்னுடையக் கணவர் சுந்தர். சி விலகியதற்கு ஆதரவாக அவர் நின்றாலும், தேவையற்றக் காரணங்களை கற்பித்துக் குடும்ப நபர்களைக் கேவலப்படுத்துவதைத் தவிர்க்க வேண்டும் என்பதில் உறுதியாக இருந்திருக்காங்க. அதேபோல ரஜினிகாந்த் மீது அவரோடக் குடும்பத்தை வைத்துத் தப்பான கருத்துப் பரப்பிய போது, அமைதியாக இல்லாமல், உடனடியாக எதிர்வினையாற்றி இருக்கிறார். சுந்தர். சி விலகிய பிறகும், அவர் ரஜினிகாந்தை இழிவாகப் பேசாமல், வன்மம் கொப்பளித்த அந்த ரசிகனுக்கு மட்டுமே பதிலடி கொடுத்தது, திரையுலகத்தில் அவருக்கு இருக்கும் மரியாதையைக் காட்டுது.

சுந்தர். சி ஒரு கண்ணியமான முறையில் விலகிவிட்ட நிலையில், அவரைப் பற்றியோ அல்லது அவரதுக் குடும்பத்தினரைப் பற்றியோ, ரஜினிகாந்த் பற்றியோ இதுபோன்றத் தேவையற்ற தனிப்பட்டத் தாக்குதல்களையும், வன்மம் நிறைந்த பதிவுகளையும் இணையவாசிகள் தவிர்ப்பது தான் ஆரோக்கியமான அணுகுமுறை!