தங்கம் விலை.. அடுத்து நடக்க போவது இதுதான்.. சர்வதேச அரசியலால் நடக்க போகும்.. பயங்கர மாற்றம்!
சென்னை: சர்வதேச அரசியலும், தங்கத்தின் விலையும் எப்போதும் பிரிக்க முடியாத இரட்டையர்கள். கடந்த பிப்ரவரி மாதம் ஈரான் போர் தொடங்கியதில் இருந்து, ஏறத்தாழ 8% சரிவைக் கண்ட தங்கம், தற்போது மீண்டும் ஒரு நிலையான இடத்தைப் பிடிக்கப் போராடி வருகிறது. தங்கத்தைப் போலவே வெள்ளி, பிளாட்டினம் மற்றும் பல்லேடியம் ஆகிய உலோகங்களும் இந்த வாரம் கணிசமான லாபத்தைப் பதிவு செய்துள்ளன.
வெள்ளிக்கிழமை காலை நிலவரப்படி, சர்வதேச சந்தையில் ஸ்பாட் தங்கம் அவுன்ஸிற்கு 4,789.67 டாலர் எனப் பெரிய மாற்றமின்றி வர்த்தகமானது. இருப்பினும், இந்த வாரக் கணக்கில் பார்த்தால் 0.9% உயர்ந்து, தொடர்ந்து நான்காவது வாரமாக தங்கம் லாபப் பாதையில் பயணிப்பது முதலீட்டாளர்களைக் கவனிக்க வைத்துள்ளது.
சமாதானப் பேச்சுவார்த்தையும் சற்றே குறைந்த கவலையும்!
தங்கம் விலை இப்படி 'ஸ்டெடி'யாக இருப்பதற்குப் பின்னால் இரண்டு முக்கியமான காரணங்கள் இருக்கின்றன:
லெபனான் - இஸ்ரேல் போர் நிறுத்தம்: வியாழக்கிழமை முதல் அமலுக்கு வந்துள்ள 10 நாள் போர் நிறுத்தம், மத்திய கிழக்கு நாடுகளில் நிலவி வந்த பதற்றத்தை சற்றே தணித்துள்ளது.
அமெரிக்கா - ஈரான் சந்திப்பு: இந்த வார இறுதியில் அமெரிக்க அதிபர் டொனால்ட் டிரம்ப் மற்றும் ஈரான் பிரதிநிதிகள் இடையிலான சந்திப்பு நடைபெற வாய்ப்புள்ளதாகத் தகவல் வெளியாகியுள்ளது.
இது குறித்து தங்க மார்க்கெட் வல்லுனர்கள், விற்பனையாளர்கள் கூறுகையில், "முதலீட்டாளர்கள் இப்போது அமெரிக்கா-ஈரான் பேச்சுவார்த்தையை உன்னிப்பாகக் கவனித்து வருகிறார்கள். இந்த அமைதி முயற்சிகள் எண்ணெய் சந்தையைச் சீராக்கி, பணவீக்க அச்சத்தைக் குறைக்கும். இது தங்கத்திற்குப் புதிய உத்வேகத்தைத் தரக்கூடும இப்போது வரை ஏறத்தாழ 8% சரிவைக் கண்ட தங்கம், தற்போது மீண்டும் ஒரு நிலையான இடத்தைப் பிடிக்கப் போராடி வருகிறது," எனத் தெரிவித்துள்ளனர்.
டாலர் & வட்டி விகிதம்: என்ன நடக்கிறது?
வழக்கமாக தங்கம் விலையைத் தீர்மானிப்பதில் அமெரிக்க டாலரின் மதிப்பு முக்கியப் பங்கு வகிக்கும். டாலர் மதிப்பு குறையும்போது, மற்ற நாட்டு கரன்சிகளைப் பயன்படுத்துபவர்களுக்குத் தங்கம் வாங்குவது எளிதாகும். தற்போது டாலர் மதிப்பு ஆறு வாரச் சரிவில் இருந்து சற்றே மீண்டிருந்தாலும், வாராந்திர அடிப்படையில் சரிவிலேயே உள்ளது.
மறுபுறம், பணவீக்கத்தைக் கட்டுப்படுத்த வட்டி விகிதங்கள் உயர்த்தப்படலாம் என்ற அச்சம் இன்னும் முழுமையாக நீங்கவில்லை. டிசம்பர் மாதத்தில் அமெரிக்க ஃபெடரல் வங்கி வட்டி விகிதத்தைக் குறைப்பதற்கான வாய்ப்பு 27% மட்டுமே இருப்பதாகப் பொருளாதார வல்லுநர்கள் கணிக்கின்றனர். போர் தொடங்குவதற்கு முன்பு இருந்த எதிர்பார்ப்புகள் இப்போது தலைகீழாக மாறியுள்ளன.
எதிர்காலம் எப்படி இருக்கும்?
பிட்ச் சொல்யூஷன்ஸ் (BMI) அமைப்பின் கணிப்புப்படி, "புவிசார் அரசியல் சிக்கல்கள் நீடிப்பதால், தங்கம் விலை அவுன்ஸிற்கு 3,500 டாலர் என்ற அளவுக்குக் கீழே போவதற்கு வாய்ப்பில்லை. தங்கம் எப்போதும் ஒரு பாதுகாப்பான முதலீடாகவே (Safe-haven) கருதப்படும்," எனத் தெரிவிக்கப்பட்டுள்ளது.
தங்கத்தைப் போலவே வெள்ளி, பிளாட்டினம் மற்றும் பல்லேடியம் ஆகிய உலோகங்களும் இந்த வாரம் கணிசமான லாபத்தைப் பதிவு செய்துள்ளன. அமைதிப் பேச்சுவார்த்தைகள் வெற்றி பெற்றால், தங்கம் விலை மீண்டும் ஒரு புதிய உச்சத்தைத் தொடலாம் என்பதே சந்தை நிபுணர்களின் தற்போதைய கணிப்பு!
Click it and Unblock the Notifications
Sign in with Google