"மாமியாரு".. வர வர மாமியாரு.. அடடடே இதுதான் விஷயமா.. இவ்வளவு நாளா தெரியாமலேயே போயிடுச்சே

சென்னை: ஏன் சொல்லுகிறோம், எதற்காக சொல்லுகிறோம் என்று தெரியாமலேயே சொல்லப்படுவதுதான், சில பழமொழிகள்.. அதில் ஒன்றுதான், "வர வர மாமியாரு கழுதை போல ஆனாளாம்".

ஒருவர் வாழ்க்கையில் பின்னோக்கி சென்றாலோ அல்லது தடுமாறி சென்றாலோ, அல்லது தன் இயல்பில் இருந்து மாறி தேய்மானத்தை அடைந்தாலோ, இந்த பழமொழியை வழக்கத்தில் பயன்படுத்துவது இயல்பு.

மாமியார்: உண்மையிலேயே மாமியார் கழுதை போல ஆகிவிடுவார்களா? மருமகள்களை எட்டி உதைப்பதால், ஒருவேளை இருக்குமோ? என்றெல்லாம் சிலர் யோசித்ததுண்டு. ஆனால், பழமொழியின் நிஜ அர்த்தமே வேறு என்கிறார்கள். "வர வர மாமியாரு கயிதை போல ஆனாளாம்..." என்றே சொல்ல வேண்டுமாம்..

"கயிதை" என்பது ஊமத்தங்காயின் இன்னொரு பெயர்.. ஊமத்தங்காயின் பூ அதாவது ஊமத்தம்பூ அதனின் அரும்பு பருவத்தில் மென்மையாய் நீல வண்ணத்தில் சங்குபுஷ்பம் போல் பூத்து மிக அழகாக காட்சியளிக்கும்.. பார்த்தவுடனேயே கண்களுக்கு அழகு தரும் இந்த ஊமத்தம்பூ, காய் பருவத்தை அடையும்போது வெளிப்புறத்தில் கடின முட்களோடு உட்புறத்தில் கொடிய விஷத்தன்மையை கொண்டிருக்கும்.. அதாவது, தன்னுடைய இயல்பான குணத்தை அப்போதுதான் வெளிப்படுத்தும்...

காய் பருவம்: பூ பருவத்தில் இருந்த தோற்றம் வேறு.. வளர்ந்தபிறகு உருவாகும் தோற்றம் வேறு.. பூ பருவத்தில் ரசித்தவர்கள், காய் பருவத்தில், தொட்டாலோ, உண்டாலோ அவர்களுக்கு துன்பத்தை கொடுக்கும் குணம் கொண்டது இந்த ஊமத்தம்பூ... அதுபோலவே, மாமியார்கள் ஆரம்பத்தில் மருமகள்களிடம் அன்பாய் இருப்பதும், பிறகு, மெல்ல மெல்ல கருத்து வேறுபாடு ஏற்பட்டுவிடும்.

எது நிஜம்: அதனால்தான், வர வர மாமியாரு கழுதை போல ஆனாளாம்" என்ற பழமொழி தோன்றியதாம்.. ஆக, போலியாக பழகி நிஜமான தன் குரூர குணத்தை காட்டும், அத்தனை நபர்களுக்கும் இந்த பழமொழி பொருந்தும் என்றாலும், மாமியாரை மட்டுமே இன்னமும் சுட்டிக்காட்டி குற்றஞ்சொல்ல முடியாது.. அதுவும் இன்றைய நவீன யுகத்தில்...!!

English summary

Do you know why do we say like this pazhamozhi and full details