சிறுநீரகத்தில் கற்களால் அவதியா.. கவலையை விடுங்க.. "இந்த" ஜூஸை தினமும் குடிங்க.. டாக்டர் ஒய் தீபா

Reviewed By Dr. Y. Deepa, BNYS,MBA(HM),PGDFM

Updated: Sunday, February 26, 2023, 19:01 [IST]

Subscribe to Oneindia Tamil

சென்னை: சிறுநீரகத்தில் கற்கள் ஏற்படாமல் தடுப்பது எப்படி என்பது குறித்து அரசு யோகா மற்றும் இயற்கை மருத்துவம் மருத்துவமனை டாக்டர் ஒய் தீபா விளக்கியுள்ளார்.

Recommended Video

Yoga மூலமாக சிறுநீரக கற்களை நீக்குவது எப்படி? - Dr Y Deepa செம்ம Tips

சிறுநீரகத்தில் கற்கள் சேர்ந்து கொண்டால் அது பெரிதாக பெரிதாக வலியை ஏற்படுத்தும். சிறுநீர் கழிக்கும் போதும் வலியை கொடுக்கும். சில நேரங்களில் மருந்து, மாத்திரைகளில் சரியாகும். சில நேரங்களில் அறுவை சிகிச்சை செய்ய வேண்டிய நிலை ஏற்படும்.

இதுபோன்று சிறுநீரகத்தில் கற்கள் ஏற்படாமல் தடுப்பது குறித்தும் ஏற்கெனவே கற்கள் இருந்தால் அதை நீக்குவது குறித்தும் சிகிச்சை முறைகளை டாக்டர் தீபா வழங்கியுள்ளார்.

டாக்டர் தீபா

இதுகுறித்து ஒன் இந்தியா தமிழுக்கு டாக்டர் ஒய் தீபா அளித்த பேட்டியில் சிறுநீரகத்தில் உள்ள கற்களை எப்படி நீக்குவது என்பதை பார்க்கலாம். நிறைய தண்ணீரை குடிப்பதன் மூலமாக முதலில் சிறுநீரக கற்கள் வராமல் தடுக்கலாம். ஒரு நாளைக்கு 3 முதல் மூன்றரை லிட்டர் தண்ணீர் கொடுப்பது அவசியம். நீராகாரங்களாக நிறைய சேர்க்கும் போது சிறுநீரகத்தில் கற்கள் ஏற்படாது.

சிறுநீரக கற்கள்

இந்த சிறுநீரக கற்கள் எதனால் வருகிறது என்றால் கால்சியம், ஆக்ஸலேட் ஆகிய இரு உப்புகளும் ஒன்று சேரும் போது நமக்கு சிறுநீரகத்தில் கற்கள் உருவாகிறது. இதை எப்படி தடுப்பது , அந்த கற்களை எப்படி கரைப்பது என்றால் விட்டமின் சி இருக்கக் கூடிய எலுமிச்சை, ஆரஞ்ச், சாத்துக்குடி ஆகியவற்றில் சிட்ரிக் ஆசிட் இருக்கிறது.

சிட்ரிக் அமிலம்

இந்த சிட்ரிக் ஆசிட் சிட்ரேட்டாக இருக்கும் போது கால்சியமும் ஆக்ஸலேட்டும் ஒன்று சேராமல் தடுப்பதற்கு இது உதவுகிறது. இதனால் கற்கள் ஏற்படாது. ஏற்கெனவே சிறுநீரகத்தில் கற்கள் இருப்பவர்கள் எலுமிச்சை ஜூலை ஒரு நாளைக்கு 3 முதல் 4 தடவை எடுத்து கொண்டே வந்தால் சிறுநீரக கற்கள் கரைத்துவிடும்.

துளசி இலைகள்

ஆன்டி இன்ஃபிளமேட்டரி எஃபெக்ட் இருப்பதால் 10 முதல் 20 துளசி இலைகளை கொதிக்க வைத்து தேன் கலந்து குடிப்பது மிகவும் நல்லது. அடுத்தது மாதுளை பழத்தில் துவர்ப்பு சுவையுடன் கூடியதை ஜூஸ் செய்து குடித்தால் சிறுநீரக கற்கள் நீங்கும். இளநீர், தர்ப்பூசணி, மோர் உள்ளிட்ட நீராகாரங்கள் நிறைய எடுத்துக் கொள்வது மிகவும் நல்லது. இவ்வாறு டாக்டர் தீபா தெரிவித்தார்.