தேர்வு எல்லாம் இல்லை.. மாதசம்பளம் ரூ.43,000.. மதுரை ஆவினில் சூப்பர் வேலை.. அசத்தல் வாய்ப்பு!
மதுரை: தமிழ்நாட்டில் ஆவினில் காலியாக உள்ள பணியிடங்கள் மாவட்ட வாரியாக நிரப்பப்பட்டு வருகிறது. அந்த வகையில் ஆவினில் எழுத்து தேர்வு இன்றி நேர்க்காணல் மூலம் மாதம் ரூ.43 ஆயிரம் சம்பளத்தில் ஆட்கள் தேர்வு செய்யப்பட உள்ளனர்.
தமிழ்நாடு அரசு சார்பில் ஆவின் நிறுவனம் செயல்பட்டு வருகிறது. தமிழ்நாடு பால்வளத்துறை அமைச்சகத்தின் கட்டுப்பாட்டில் ஆவின் நிறுவனம் உள்ளது. இங்கு காலியாக உள்ள பணியிடங்கள் தற்போது நிரப்பப்பட்டு வருகின்றன.
சமீபத்தில் தஞ்சாவூர், வேலூர், சிவகங்கை, திண்டுக்கல் மாவட்ட ஆவின்களில் வேலைகளுக்கு ஆட்கள் தேர்வுக்கான அறிவிப்பு வெளியானது. அந்த வரிசையில் தான் தற்போது மதுரை மாவட்ட ஆவினில் காலிப்பணியிடங்களை நிரப்புவதற்கான அறிவிப்பு வெளியாகி உள்ளது.
அதன்படி மதுரை மாவட்ட கூட்டுறவு பால் உற்பத்தியாளர் யூனியன் லிமிடெட்டில் காலியாக உள்ள வெட்னரி கன்சல்டன்ஸ் (கால்நடை ஆலோசகர்) பணியிடங்களை நிரப்ப முடிவு செய்யப்பட்டுள்ளது. மொத்தம் 3 பேர் தேர்வு செய்யப்பட உள்ளனர். இந்த பணிக்கு இளங்கலை வெட்னரி சயின்ஸ் & அனிமல் ஹஸ்பன்ட்ரி படிப்பை (B.V.Sc. & A.H) அல்லது அதற்கு நிகரான படிப்பை முடித்திருப்பவர்கள் விண்ணப்பம் செய்யலாம்.
இது ஒரு ஒப்பந்த அடிப்படையிலான பணியாகும். இந்த பணிக்கு தேர்வாகும் நபர்களுக்கு மாத சம்பளமாக ரூ.30 ஆயிரம் வழங்கப்பட உள்ளது. மேலும் Propulsion charges ஆக ரூ.8 ஆயிரம், Indiviual Incentive ஆக ரூ.5 ஆயிரம் வழங்கப்பட உள்ளது. இதன்மூலம் மாதம் ரூ.43 ஆயிரம் வரை சம்பளமாக கிடைக்கும். விண்ணப்பம் செய்வோர் 50 வயதுக்குள் இருக்க வேண்டும். வயது வரம்பு என்பது ஏப்ரல் 26ம் தேதியின் அடிப்படையில் கணக்கீடு செய்யப்படும்.
இந்த பணிக்கு எழுத்து தேர்வு எதுவும் இல்லை. நேர்க்காணல் முறையில் தான் பணிக்கு ஆட்கள் தேர்வு செய்யப்பட உள்ளனர். தகுதி மற்றும் விருப்பம் உள்ளவர்கள் நேரடியாக நேர்க்காணலில் பங்கேற்கலாம். நேர்க்காணல் ஏப்ரல் 27 ம் தேதி காலை 9 மணிக்கு மதுரை ஆவின் அலுவலகத்தில் நடைபெற ள்ளது. நேர்க்காணலில் பங்கேற்பவர்கள் அசல் கல்வி சான்றிதழ்கள், பயோடேட்டாவுடன் செல்ல வேண்டும். மேலும் கூடுதல் விபரங்களை பெற 94896 19036 எண்ணை தொடர்பு கொள்ளலாம் என பொது மேலாளர் டிஆர்டி சாந்தி அறிவித்துள்ளார்.
****
Click it and Unblock the Notifications
Sign in with Google