மத்திய அரசு காப்பீட்டு நிறுவனத்தில் வேலை.. 300 பணியிடம்.. டிகிரி முடித்தால் போதும்.. 85,000 சம்பளம்
சென்னை: மத்திய அரசின் பொதுத்துறை நிறுவனங்களில் ஒன்றான ஓரியண்ட்ஸ் இன்சூரன்ஸ் நிறுவனத்தில் வேலைவாய்ப்பு அறிவிக்கப்பட்டுள்ளது. மொத்தம் 300 நிர்வாகி அதிகாரி பணியிடங்கள் நிரப்பப்படுகிறது. இந்த பணியிடங்களுக்கு யாரெல்லாம் விண்ணப்பிக்க முடியும் என்று இங்கு பார்க்கலாம்.
மத்திய அரசின் பொதுத்துறை காப்பீட்டு நிறுவனங்களில் ஒன்று ஓரியண்டல் இன்சூரன்ஸ் நிறுவனம். மத்திய நிதித்துறை அமைச்சகத்தின் கீழ் செயல்படும் இந்த காப்பீட்டு நிறுவனம் டெல்லியை தலைமையிடமாக கொண்டு செயல்படுகிறது. நாடு முழுவதும் 1,500 க்கும் மேற்பட்ட இடங்களில் கிளைகள் உள்ளன.
ஓரியண்டல் இன்ஸூரன்ஸ் நிறுவனத்தில் காலியாக உள்ள நிர்வாக அதிகாரி (Administrative Officer) பணியிடங்களை நிரப்ப அறிவிப்பு வெளியாகியுள்ளது. இதற்கு யாரெல்லாம் விண்ணப்பிக்கலாம். கல்வித் தகுதி என்ன? வயது வரம்பு உள்ளிட்ட விவரங்களை பார்க்கலாம்.
பணியிடங்கள் விவரம்:
* நிர்வாக அதிகாரி (ஜெனரலிஸ்ட்) - 285
* நிர்வாக அதிகாரி (இந்தி அதிகாரிகள்) - 15
கல்வித் தகுதி:
நிர்வாக அதிகாரி ஜெனரலிஸ்ட் பணிக்கு அங்கீகரிக்கப்பட்ட கல்வி நிலையத்தில் இருந்து ஏதேனும் ஒரு பாடப்பிரிவில் டிகிரி முடித்து இருந்தால் போதும். ஏஓ இந்தி அலுவலர் பணிக்கு ஆங்கிலம் / இந்தி பாடங்களை கொண்ட முதுகலை பட்டம் பெற்று இருக்க வேண்டும்.
வயது வரம்பு:
15.12.2025 தேதியிட்டு வயதுவரம்பு கணக்கிடப்படும். 21 வயது முதல் 30 வயதுக்கு உட்பட்டவர்கள் விண்ணப்பிக்கலாம். எஸ்சி /எஸ்டி பிரிவினருக்கு 5 ஆண்டுகளும், ஒபிசி பிரிவினருக்கு 3 ஆண்டுகளும், பொதுப்பிரிவு மாற்றுத்திறனாளிகளுக்கு 10 ஆண்டுகளும் வயது உச்ச வரம்பில் தளர்வுகள் அளிக்கப்படும்.
சம்பளம் எவ்வளவு?
மாதம் ரூ.85 ஆயிரம் சம்பளமாக வழங்கப்படும். தேர்வு முறையை பொறுத்தவரை ஆன்லைன் டெஸ்ட் (டையர் &1 டையர் 2) மற்றும் நேர்முகத்தேர்வு அடிப்படையில் தேர்வர்கள் தேர்வு செய்யப்படுவார்கள்.
* விண்ணப்பம் சமர்ப்பிப்பதற்கான தொடக்க தேதி: 01.12.2025
* விண்ணப்பம் சமர்ப்பிப்பதற்கான கடைசி தேதி: 15.12.2025
* டையர் 1 தேர்வு தேதி: 10.01.2026
* டையர் 1 தேர்வு தேதி: 28.02.2026
* தேர்வு அறிவிப்பினை படிக்க: https://orientalinsurance.org.in/careers
Click it and Unblock the Notifications
Sign in with Google