இன்டன்ஷிப் + ஐடி வேலை + அசரடிக்கும் சம்பளம்.. வீட்டில் இருந்தே பணியாற்ற அழைக்கும் பிரபல நிறுவனம்

சென்னை: பிரபல ஐடி நிறுவனத்தில் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. இந்த பணிக்கு தேர்வாகும் நபர்கள் வீட்டில் இருந்தே வேலை செய்யலாம். இன்டன்ஷிப் முறையில் பணியாற்றுவோருக்கு மாதம் ரூ.30 ஆயிரம் முதல் ரூ.40 ஆயிரம் வரையும், இன்டன்ஷிப்பிற்கு பிறகு ஆண்டுக்கு ரூ.8 லட்சம் முதல் ரூ.10 லட்சம் வரையிலான சம்பளத்திலும் பணியாற்ற வாய்ப்பு வழங்கப்பட உள்ளது.

மகாராஷ்டிராவை தலைமையிடமாக கொண்டு FutureSmart AI எனும் சாப்ட்வேர் நிறுவனம் செயல்பட்டு வருகிறது. இந்த நிறுவனம் என்பது பல்வேறு சேவைகளை வழங்கி வருகிறது.

குறிப்பாக என்எல்பி (Natural Language Processing) சேவைகளை வழங்கி வருகிறது. அதன்படி Chatbot Development, Speech To Text, Text To Speech உள்பட வெவ்வேறு சேவைகளை வழங்கி வருகிறது.

இந்த நிறுவனத்தில் இருந்து தான் தற்போது புதிய வேலைவாய்ப்பு குறித்த அறிவிப்பு வெளியாகி உள்ளது. டிகிரி முடித்தவர்கள் இன்டன்ஷிப் முறையில் பணிக்கு சேர்ந்து நிரந்தரமாக வேலையை பெற முடியும். இதுகுறித்த முக்கிய விபரங்கள் வருமாறு: தற்போதைய அறிவிப்பின்படி FutureSmart AI நிறுவனத்தில் ப்ரண்ட்எண்ட் டெவலப்பர் (Frontend Developer - React/Next.js) பணிக்கு ஆட்கள் தேர்வு செய்யப்பட உள்ளனர்.

இந்த பணிக்கு விண்ணப்பம் செய்வோர் டிகிரி முடித்திருக்க வேண்டும். அரியர்ஸ் எதுவும் இருக்கக்கூடாது. மேலும் Frontend-யை பொறுத்தவரை React.js, Next.js,, Tailwind CSS, Mantine Ui, DaisyUI, AntD, React Charts, Reat Markdown உள்ளிட்டவற்றை தெரிந்து வைத்திருக்க வேண்டும். Backend & Infrastructure-யை பொறுத்தவரை Nginx, PM2, AWS தெரிந்திருக்க வேண்டும்.

இன்டன்ஷிப்பில் பணியாற்றுவோருக்கு மாதம் குறைந்தபட்சம் ரூ.30 ஆயிரம் முதல் அதிகபட்சமாக ரூ.40 ஆயிரம் வரை சம்பளம் வழங்கப்படும். இன்டன்ஷிப் முடிவடையும் பட்சத்தில் இந்த நிறுவனத்தில் பணியை பெறுவோருக்கு ஆண்டுக்கு ரூ.8 லட்சம் முதல் ரூ.10 லட்சம் வரை சம்பளம் என்பது வழங்கப்படும்.

பணிக்கு தேர்வாகும் நபர்கள் Remote முறையில் வேலை செய்யலாம். அதாவது அலுவலகம் செல்லாமல் வீட்டில் இருந்தே பணியாற்ற முடியும். தினமும் 8 மணி நேர பணி என்பது இருக்கும். தகுதி மற்றும் விருப்பம் உள்ளவர்கள் FutureSmart AI நிறுவனத்தில் இணையதளம் சென்று ஆன்லைனில் விண்ணப்பம் செய்யலாம். விண்ணப்பம் செய்வதற்கான கடைசி தேதி என்பது குறிப்பிடப்படவில்லை. இதனால் தகுதி மற்றும் விருப்பம் உள்ளவர்கள் முன்கூட்டியே விண்ணப்பம் செய்வது நல்லது.

பணி தொடர்பான அறிவிப்பு மற்றும் விண்ணப்பம் செய்ய Click Here

English summary

FutureSmarAI hiring for Frontend Develper - React/NetJS in remote option all over india. who have selected for Internship will get 30,000 to 40,000 as Stipend after post internship candidates willget 8-10 laksh per Annum.