இந்தியன் ஆயில் கார்ப்பரேஷன் நிறுவனத்தில் வேலை.. 2,757 பணியிடங்கள்.. 12 ஆம் வகுப்பு தகுதி தான்!

சென்னை: மத்திய அரசின் பொதுத்துறை நிறுவனங்களில் ஒன்றான இந்தியன் ஆயில் கார்ப்பரேஷன் நிறுவனத்தில் வேலைவாய்ப்பு அறிவிக்கப்பட்டுள்ளது. மொத்தம் 2,757 காலிப்பணியிடங்கள் நிரப்பப்படுகின்றன. இதற்கு 12 ஆம் வகுப்பு முதல் டிகிரி முடித்தவர்கள் வரை விண்ணப்பிக்க முடியும். வயது வரம்பு என்ன, எப்படி விண்ணப்பிப்பது போன்ற விவரங்களை இங்கு பார்க்கலாம்.

இந்தியன் ஆயில் கார்ப்பரேஷன் மத்திய அரசின் பொதுத்துறை நிறுவனங்களில் ஒன்றாகும். மத்திய பெட்ரோலிய அமைச்சகத்தின் கீழ் செயல்படும் இந்த நிறுவனம், எண்ணெய் விநியோகம் மற்றும் சில்லறை விற்பனையில் ஈடுபடுகிறது. நாட்டின் லாபகரமாக இயங்கும் பொதுத்துறை நிறுவனங்களில் ஒன்றான இந்தியன் ஆயில் கார்ப்பரேஷனில் ஆயிரக்கணக்கான ஊழியர்கள் பணியாற்றி வருகிறார்கள்.

பணியிடங்கள் விவரம்:

இந்தியா மட்டும் இன்றி இலங்கை உள்ளிட்ட வெளிநாடுகளிலும் கிளைகள் உள்ளன. இந்தியன் ஆயில் கார்ப்பரேஷனில் அப்ரெண்டீஸ் எனப்படும் பயிற்சி பணியிடங்களை நிரப்ப அறிவிப்பு வெளியாகியுள்ளது. இதற்கு யாரெல்லாம் விண்ணப்பிக்கலாம். கல்வி தகுதி என்ன? என்பது பற்றிய விவரங்களை பார்க்கலாம்.

டிரேடு அப்ரெண்டீஸ் - உதவியாளர் ஆபரேட்டர் (வேதியியல் ஆலை) துறை - வேதியியல் - 17
மெக்கானிக்கல் - 04
(பாய்லர்) துறை - மெக்கானிக்கல் - 08
டெக்னிக்கல் அப்ரெண்டீஸ் - வேதியியல் - 20
மெக்கானிக்கல் - 11
மின்சாரம் - 11 என மொத்தம் 9 மண்டலங்களில் உள்ள 2,757 அப்ரெண்டீஸ் பயிற்சி பணியிடங்களை நிரப்ப அறிவிப்பு வெளியாகியுள்ளது. பணியிடங்கள் குறித்த அறிவிப்பை தேர்வர்கள் தேர்வு அறிவிப்பில் பார்த்து உறுதி செய்து கொள்ளலாம்.

கல்வி தகுதி:

12 ஆம் வகுப்பு, ஐடிஐ, டிப்ளமோ, பிஎஸ்சி, பிஏ, பிகாம் உள்ளிட்ட படிப்புகள் முடித்தவர்கள் விண்ணப்பிக்கலாம்.

வயது வரம்பு:

வயது வரம்பை பொறுத்தவரை 30.11.2025- தேதிப்படி 18 வயது முதல் 24 வயதுக்கு உட்பட்டவர்கள் விண்ணப்பிக்கலாம். அரசு விதிகளை பின்பற்றி எஸ்சி/எஸ்டி பிரிவினருக்கு 5 ஆண்டுகளும், ஒபிசி 3 ஆண்டுகளும், பொதுத்துறை மாற்றுத்திறனாளிகளுக்கு 10 ஆண்டுகளும் வயது வரம்பில் தளர்வு அளிக்கப்படும். அதாவது எஸ்சி எஸ்டி பிரிவினர் என்றால் 29 வயது வரையும், ஒபிசி பிரிவினர் என்றால் 27 வயது வரையும் விண்ணப்பிக்கலாம்.

தேர்வு முறை:

மெரிட் லிஸ்ட், சான்றிதழ் சரிபார்ப்பு அடிப்படையில் தேர்வர்கள் தேர்வு செய்யப்படுவார்கள். தேர்வர்கள் விண்ணப்பிக்கும் முன்பாக அதிகாரப்பூர்வ தேர்வு அறிவிப்பினை படித்து உறுதி செய்து கொள்ளவும். https://iocl.com/apprenticeships என்ற இணையதளத்தில் ஆன்லைன் விண்ணப்பபடிவத்தை பூர்த்தி செய்ய வேண்டும்.

* விண்ணப்பிக்க அவகாசம் தொடங்கிய நாள்: 28.11.2025
* விண்ணப்பிக்க கடைசி நாள்: 18.12.2025.
* சான்றிதழ் சரிபார்ப்பு நடைபெறும் நாள்; 02.01.2026 to 07.01.2026
* தேர்வு அறிவிப்பினை படிக்க: https://iocl.com/apprenticeships

English summary

Indian Oil Corporation Limited (IOCL), one of India’s major public sector enterprises, has released a recruitment notification for 2,757 vacancies. Candidates who have completed Class 12 to a bachelor’s degree are eligible to apply. Details such as age limits and the application process are available in the official notification.