400 விக்கெட்டுகளை வீழ்த்தினார் ஆம்புரோஸ்

மீண்டும் மதிப்பிடப்படுகிறது ஜெ.வின் ரூ.4 கோடி நகைகள்

சென்னை:

அதிமுக பொதுச் செயலாளர் ஜெயலலிதா மற்றும் சசிகலாவின் ரூ. 4 கோடி மதிப்புள்ள நகைகள் மீண்டும் மதிப்பிடப்பட உள்ளன. இதற்கான உத்தரவை சிறப்புநீதிமன்ற நீதிபதி ஆறுமுகப் பெருமாள் ஆதித்தன் பிறப்பித்துள்ளார்.

வருமானத்துக்கு அதிகமாகச் சொத்து சேர்த்த வழக்கில் ஜெயலலிதா, சசிகலா, சுதாகரன், இளவரசி உள்ளிட்டோர் மீது சிறப்பு நீதிமன்றத்தில் லஞ்ச ஒழிப்புப்போலீஸார் வழக்குப் பதிவு செய்துள்ளனர். இவ் வழக்கு ஆறுமுகப் பெருமாள் ஆதித்தன் முன்னிலையில் விசாரிக்கப்பட்டு வருகிறது.

இந்த வழக்கில் ஜெயலலிதா, சசிகலா ஆகியோரின் நகைகளை மதிப்பீடு செய்த அரசு மதிப்பீட்டாளர் வாசுதேவன், நீதிமன்றத்துக்கு வந்து சாட்சியம்அளித்தார். அப்போது ஜெயலலிதா மற்றும் சசிகலாவின் நகைகள் ரூ. 4 கோடி மதிப்புள்ளவை என்று தெரிவித்தார்.

இந் நிலையில், ஜெயலலிதாவும் சசிகலாவும் சிறப்பு நீதிமன்றத்தில் ஒரு மனுவைத் தாக்கல் செய்தனர். அந்த மனுவில் கூறப்பட்டுள்ளதாவது:

1996-ம் ஆண்டு எனது வீட்டில் லஞ்ச ஒழிப்புத் துறைப் போலீஸார் சோதனை நடத்தியபோது கைப்பற்றிய நகைகள் ரிசர்வ் வங்கி பாதுகாப்பில்வைக்கப்பட்டுள்ளது. இப்போது இந்த நகைகள் தொடர்பாக சொத்து வரி கணக்கு தாக்கல் செய்யவேண்டியுள்ளது.

ரூ.5 லட்சத்துக்கு மேல் நகைகளின் மதிப்பு இருந்தால் சொத்து வரி சட்டத்தின் கீழ் பதிவு பெற்ற மதிப்பீட்டாளர்களைக் கொண்டு நகைகளை மதிப்பீடுசெய்யவேண்டும். ஏற்கெனவே நகைகளை மதிப்பீடு செய்த வாசுதேவன், பதிவு பெற்ற மதிப்பீட்டாளர் அல்ல. ஆகவே, பதிவு பெற்ற வேறுமதிப்பீட்டாளரை வைத்து நகைகளை மீண்டும் மதிப்பீடு செய்ய வேண்டும்.

இந்த கோரிக்கை மனுவை ஏற்ற நீதிபதி ஆறுமுகப் பெருமாள் ஆதித்தன், பதிவு பெற்ற மதிப்பீட்டாளரைக் கொண்டு ஜெயலலிதா, சசிகலா ஆகியோரதுநகைகளை மீண்டும் மதிப்பீடு செய்யவேண்டும் என்று உத்தரவிட்டார்.

சென்னையைச் சேர்ந்த பினாவ் எச். மேத்தா என்பவர் நகைகளை மதிப்பீடு

செய்வார். நகைகளை மறு மதிப்பீடு செய்ய ரிசர்வ் வங்கி முழு ஒத்துழைப்பு அளிக்க வேண்டும். ரிசர்வ் வங்கியில் வைத்தே மதிப்பீடு செய்ய வேண்டும்.

10 நாட்களுக்கு நகைகளை மறு மதிப்பீடு செய்து ஆகஸ்ட் 25-ம் தேதிக்குள் நீதிமன்றத்தில் அறிக்கை தாக்கல் செய்ய வேண்டும். இதற்கான செலவுமுழுவதையும் மனுதாரர்கள் ஏற்கவேண்டும் என்று தனது உத்தரவில் நீதிபதி கூறியுள்ளார்.