7 மாவட்டங்களில் போட்டியிட வாய்ப்பு தரவில்லை ஜெ.: தமாகா

சென்னை:

ஜெயலலிதா வெளியிட்டுள்ள பட்டியல்படி தமாகாவுக்கு 7 மாவட்டங்களில் போட்டியிட வாய்ப்புஅளிக்கப்படவில்லை என்று எதிர்க்கட்சித் தலைவர் சோ.பாலகிருஷ்ணன் தெரிவித்தார்.

தமிழக சட்டசபைத் தேர்தலில் அதிமுக போட்டியிடும் 141 தொகுதிகளின் பட்டியலை ஜெயலலிதா சமீபத்தில்வெளியிட்டார். இந்தப் பட்டியலில் தமாகா எம்எல்ஏ க்களின் 20 தொகுதிகளும், நத்தம் தொகுதியும்இடம்பெற்றிருக்கிறது. இந்தத் தொகுதிகளில் தமாகாவுக்கு நல்ல வரவேற்பு இருக்கிறது.

இருப்பினும் இந்தத் தொகுதிகளை அதிமுக தங்கள் வசம் வைத்துக் கொண்டுள்ளது. இது தமாகாதொண்டர்களிடையே பெரும் அதிர்ச்சியை ஏற்படுத்தியுள்ளது.

இதுகுறித்து சட்டசபைத் எதிர்க்கட்சித் தலைவர் சோ.பாலகிருஷ்ணன் கூறியதாவது:

அதிமுக வெளியிட்டுள்ள பட்டியல்படி, நெல்லை, ஈரோடு, தேனி, திண்டுக்கல், சிவகங்கை, மதுரை, தூத்துக்குடிஆகிய 7 மாவட்டங்களில் தமாகாவிற்கு தொகுதிகள் இல்லை.

இந்த மாவட்டங்களில் தமாகா போட்டியிடும் வகையில் தொகுதிகள் பிரித்துக் கொடுக்கப்பட வேண்டும் என்றுதமாகா தலைவர் மூப்பனாரிடம் வேண்டுகோள் விடுத்துள்ளோம்.

நாங்கள் கூறியதை அவர் கவனமாகக் கேட்டுக் கொண்டார். உரிய நேரத்தில் கூறி நடவடிக்கை எடுப்பதாககூறியிருக்கிறார். பிரச்சனை தீர்ந்து விடும் என்று நம்புகிறோம் என்றார்.